týsdagur 7. apríl 2015síða 6

Mikudagur 8. apríl 2015 · Nr. 39 6 Sosialurin Hugskot og viðmerkingar – send sms til 225000 grindadráp Áki Bertholdsen – Undirtøkan hevur verið nógv betri enn væntað. Tað staðfestir Justinus Olsen, djóralækni. Seinastu tíðina hevur hann ferðast landið runt og hild­ið skeið fyri grind­a­ monn­um. Tann fyrsta mai koma nýggjar reglur í gildi og eftir teimum verður tað ikki longur loyvt at brúka góða, gamla grindaknívin, tí hann kann bara brúkast tá í myndugleikarnir geva ítøki­ ligt loyvi til tað í heilt ser­ ligur førum. Frá fyrsta mai skal grunda­hvalur avlívast við nýggja mønu­stingaranum. Men sam­stundis er tað eitt krav, at tey, sum avlíva hval, skulu á skeið í at brúka mønu­stingara og um tað at av­líva hval yvirhøvur. Eftir skeiðið fáa fólk eitt prógv, sum vísir, at tað eru góð­kend í at avlíva hval. Nógv betri enn væntað Hesi skeiðini vórðu ógvuliga umstrídd, tað fyrstu tíð­ina. Tað vóru ikki so fáir grinda­ menn, sum hildu, at hetta var tað besa fjas og tað vóru enn fleiri, sum hildu, at tað var óneyðugt at læra teir at drepa ein hval. Men nú skeiðini eru av, kann staðfestast, at undir­ tøkan hevur verið góð. Á aðalfundinum hjá grinda­mannafelagnum beint fyri páskir, fortaldi Justinus Olsen, at skeiðini hava fingið nógv størri undirtøku enn tey høvdu væntað framman­ undan. Hann vísir á, at ikki øll, sum hava verið á skeiði, hava skrivað seg upp at fáa prógv, sum er eittt lítið kort við navni og mynd á. Hann sigur, at tilsamans hava 2.234 fólk nú fingið prógv í at tey eru góðkend at av­líva grindahval. Eyðvitað eru nógv tey flestu mannfólk, men eini 30- 40 kvinur tóku eisini prógv, sigur hann. Hann sigur, at á skeiðnum í Eysturskúlanum vóru 477 fólk, sum teknaðu seg til at fáa prógv. Á skeiðnum í Ósaskúlanum í Klaksvík fingið 313 prógv, á skeiðnum í Sørvági fingu 207 fólk prógv og eftir skeiðið í Løkshøll í Runavík vóru 188 prógv skriv­að. Á skeiðnum á Oyrabakka vóru 270 fólk, í Vestmanna vóru 200 fólk og á skeiðnum á Sandi vóru 79 fólk. Í Suðuroy vóru tvey skeið. Á fyrra skeiðnum vóru 198 fólk, sum fingu prógv, men har varð avgjørt at hava eitt skeið afturat, tí tað vóru nøkur, sum vóru burturstødd tá ið skeiðið var. Á seinna skeiðnum í Suð­ ur­oy høvdu tey væntað eini 30-40 fólk, men tað vóru heili 191 fólk á skeiði. Tilsamans hava sostatt 389 suðuroyingar verið á skeið og fingið prógv í at avlíva hval, og eftir fólkatalinum er tað nógv tann størsta luttøkan í landinum Harafturat vóru tvey onnur skeið, eitt í tekniska Skúla í Havn, har 63 fólk møttu, og eitt skeið var á Vinnu­háskúlanum, har 48 fólk vóru. Orsøkin til hesi eyka skeiðini var, at fólk vóru burt­ur­stødd, á ið skeiði var í teirra øki og fyri at geva øllum áhugaðum høvi at sleppa á skeið, var sostatt skip­að fyri eyka skeiðum. Bara positivar afturboðanir Justinus Olsen heldur, at fólk hava tikið ógvuliga væl ímóti hesum skeiðnum. – Eg havi ikki hoyrt eitt øvugt orð um nakað. Tvørtur­ ímóti havi eg bara fingið positivar afturboðanir sigur hann. Hann heldur kortini, at ein lítil misskiljing hev­ur sníkt seg upp í hesi grinda­ skeiðini. – Tað eru bara tey, sum skulu avlíva hvalin, sum skulu hava prógv fyri, at tey eru góðkend at brúka mønu­ stingara, sum nú er kravdur reiðskapur, samstundis sum at vanligi grindaknívurin er bannaður. Justinus Olsen hevur var­ hugan av, at fólk hava hildið, at tey skulu hava prógvið, bara fyri at fara í grind og hann heldur, at tað kann vera ein orsøk til, at so nógv fólk hava verið á skeiði. Men tað er ein misskiljing, staðfestir hann. – Fólk kunnu saktans fara í grind fyri tað um tey ikki hava verið á skeiði. Tað krevst ikki skeið fyri at vera á báti, ella at vera á landi og hjálpa til. Tað eru bara tey, sum avlíva hvalin, sum skulu hava verið á skeiði og fingið prógv, sigur djóralæknin. Nú skeiðini eru liðugt, fáa øll, sum hava verið á skeiði eitt prógv sendandi við navni og mynd á og tað prógvið skulu tey hava við sær í grind og vísa fram, tá ið myndugleikarnir biðja um tað. Tað tekur síni tíð at gera øll prógvini, men Justinus Olsen væntar, at tey verða øll liðug tann 1. mai, tá ið nýggju reglurnar koma í gildi. Vit hoyrdu ikki eitt øvugt orð Skeiðini í at drepa grind eru nú liðug og úrslitið er nógv betri enn væntað Fáa ikki so lætt spæl einaferð afturat Nú skal tað verða lættari hjá myndugleikunum í Føroyum at handtaka tey, sum gera seg inn á grinda­dráp. Samstundis skal tað eisini verða lættari at leggja hald á útgerð, sum verður brúkt í tí sam­ bandi, antin talan so er um bátar, skip, bilar, ella ymsa smáútgerð. Tað er endamálið við einum uppskotið, Ja­cob Vestergaard, lands­stýrismaður, fer at leggja fyri løgtingið fyrsta dagin. Og hann ætlar at fáa løgtingið at samtykkja uppskotið áðrenn farið verður í summarferiu fyrst í mai, so at nýggja lógin kann verða sett í gildið, áðrenn summarið kemur og sokallað um­ hvørvisfólk aftur er vænt­andi hendavegin í eini roynd at steðga grinda­drápi Lógin, ætlanin er at seta í verk, fer at gera tað munandi torførari hjá Sea Shepherd og øðrum felagsskapum, ella ein­ staklingum, at leggja seg út í grindadráp. Nógv greiðari reglur Higartil hava vit ikki havt nakra serstaka lóg um grind. Hinvegin er grindaveiða skipað eftir eini lóg um hvalaveiði sum heild. Men nú er ætlanin at gera eina serstaka lóg um veiði av grindahvali og øðrum smáhvali. – Í nýggju lógini verð­ ur dentur lagdur á at fáa greiðar reglur fyri, hvussu fólk, ið leggja seg út í grindadráp, kunnu, og skulu revsast, sigur Jacob Vestergaard. – Samstundis verða eisini greið­ar regl­ur um, hvussu hald kann leggjast á amboð og út­ gerð, sum um­hvørvis­ fe­lagsskapir ella ein­ stak­ling­ar, brúka í roynd­un­um at forða fyri grinda­drápi. Landsstýrismaðurin staðfestir, at tað somu­ leiðis eisini skal bæði verða lættari og greiðari at revsa tey, sum gera seg inn á grindadráp. Og tað skal eisini verða lættari at leggja hald á amboð og útgerð, sum verður brúkt í roynd­unum at forða fyri grinda­drápi, antin tað so eru bilar, bátar, skip, ella annað, sigur. Hann leggur afturat, at eitt, sum eisini verð­ ur umhugsað í nýggju lóg­ini, er at geva grinda­ formonnum, og kanska eisini øðrum, ein ávís­an myndugleika at hand­ taka fólk, sum gera seg inn á grindadráp. Men tey skulu so sjálv­andi latast upp í hend­urnar á løgregluni, tá ið drápið er liðugt. Jacob Vestergaard sigur, at av tí at lógin enn er í gerð, ber illa til at koma inn í smálutur. Men hann væntar, at hend­an nýggja lógin fer at gera tað munandi lætt­ ari og greiðari at forða Sea Shepherd, og øðrum felagsskapum, ella ein­ staklingum, at gera seg inn á grindadráp. Nú verður lógin broytt, so at tað verður lættari at handtaka tey, sum gera seg inn á grinda­ dráp, og samstundis verður lættari at leggja hald á bátar, skip, bilar og aðra útgerð Grindaskeið Undirtøkan var nógv størri enn væntað, men vit hava bara fingið positivar afturboðanir, sigur Justinus Olsen, djóralækni Lógin, ætlanin er at seta í verk, fer at gera tað munandi torførari hjá Sea Shepherd og øðrum felagsskapum, ella einstaklingum, at leggja seg út í grindadráp