týsdagur 14. apríl 2015síða 6

Mikudagur 15. apríl 2015 · Nr. 42 6 Sosialurin Hugskot og viðmerkingar – send sms til 225000 Bilar verður í hølunum hjá Føroya Arbeiðarafelag í Havn 17. og 18. apríl Landsfundur 2015 Meira fæst at vita á www.j.fo Seks av Føroya flottasta bilum hava seinastu dagarnar staðið á Torginum í SMS, har høvið hevur verið hjá almenninginum at sæð bilarnar og velja tann feitasta burturúr Hvør feitari enn annar Terji Nielsen Biláhugaðir føroyingar í hópa­tali hava seinastu dag­ ar­nar gingið og eygleitt nakr­ ar av Føroya feitastu bilum á Torginum í SMS. Seks bilar eru valdir út burtur úr eini rúgvu uppá umleið 100 bilar, sum vóru í uppskoti til at ger­ast Føroya feitasti bilur. Kosa vinnaran í dag Teir seks bilarnir, sum hava staðið í SMS seinastu dagar­ nar, eru bæði amerikanskir og europeiskir bilar, og talan er um bæði eldri og nýggjari bilar. Elsti bilurin er frá 1971, meðan tann nýggjasti er frá 2014. Ein dómsnevnd, mannað av trimum bilkønum monn­ um, hevur valt teir seks bil­ar­nar út, og tað verður henda sama dómsnevnd, sum saman við fólki, ið hava at­kvøtt fyri flottasta bilinum á Torg­inum, sum fer at kjósa tann feitasta bilin av øllum klokk­an 18 í dag. Kappingin er ein partur av tiltakinum »Rættir Menn«, sum hevur verið í SMS alla vik­una, og sum heldur á heilt fram til leygardagin. Eftir at vinnarin er kosin, verður farið víðari í skránni við einum sonevndum mann­fólka­kjakfundi, har panel­ið verður mannað við Halleluja-Sofus, Heina Havn, Theodor Olsen og Eiler Fagra­klett. Forkvinnan í javn­støðu­nevndini, Katrin Kallsberg, verður orðstýrari. Í annaðkvøld verður fyri­lestur við kenda danska skemtaranum og provo­katør­inum Mads Christensen, og eisini fer Tórs­havnar Manskór at syngja. terji@sosialurin.fo Dodge Magnum Dodge Magnum SRT8, 6,1L, 428HK er frá 2008. Bilurin, ið er svartur, varð innfluttur úr USA í 2009. Hann er ein av 239 bilum, sum eru gjørdir av SRT8- modellinum. Bil­urin er nr. 14 í produktiónini. Tað vóru gjørdir 123 svartir og hesin er nr. 7 av teimum svørtu. Chevrolet Corvette Chevrolet Corvette Stingray er árgang 1981. Bilurin er svartur við reyðari strípu oman á langa motor­hjálminum. Útstoytini liggja framvið gáttunum á báðum síðum, og er hetta við til at gera bilin til nakað heilt serligt. Hetta modellið av Corvette varð gjørt frá 1968 til 1982. Chevrolet Camaro Chevrolet Camaro RS, 8,1 L er frá 1971. Hann er innfluttur sum brúktur úr USA. Flott lakkeraður uttan og í motorrúminum. Motor­ rúmið er ein uppliving, motorurin við øllum tilhoyri er forkromaður og sera væl hildin. Mercedes 320 Mercedes 320 CLS er ein diesel við 285 HK. Bilurin er nøkur ára gamal, men sær út sum nýggjur. Mercedes-Benz CLS er ein luksur­bilur, sum eyðkendur av sínum flotta designi. Faktiskt er hann ein coupé við fýra hurðum. Fyrsti CLS kom á marknaðin í 2004. Toyota Avensis Toyota Avensis T2 Premium 2.0 diesel frá 2014 er tann nýggjasti bilurin á framsýningini. Bilurin er tikin við, tí hann er senkaður og sera flott stylaður við eyka spoilarum, gáttum og stórum flottum felgum. Ford Mustang Ford Mustang Shelby GT 500. Bilurin hevur 5.3 litur V8 motor við 560 hk. Bilurin er reyður við svørtum strípum, sum er eitt sereyðkenni fyri Shelby út­gáv­ ur­nar av Mustang. Bilurin er bak­hjóls­trektur og er uppbygdur sum racararbilur. Koyrir 0-100 upp á 4 sek. og botntrekkið er upp á 600 Nm. Myndir: Álvur Haraldsen