mánadagur 20. apríl 2015síða 42

vika 17 • 20. apríl 2015 10 Ókeypis lýsingarblað TEMA Suðuroy Vilmund Jacobsen Í Vikublaðnum í dag sigur Tummas Søren­sen, býarverkfrøðingur hjá Tvør­oyrar kommunu og verk­ ætlanar­leið­ari aftanfyri Saltsilo- verkætlanina á Drelnesi, at komið verð­ur undir land við byggingini, tá juni mánaði fer at halla. Øll verkætlanin verður neyvan enda­liga liðug tá, men hann væntar, at tá verður bara fínpussing og kanska tøkniligi parturin eftir at fáa frá hond­ ini. Drotningarvitjan Kristin Michelsen, borgarstjóri í Tvør­ oyrar kommunu, sigur, at týsdagin 16. juni byrjar Margretha, drotning, sína almennu vitjan í Føroyum, og vitjanin byrjar á Tvøroyri, har býráðið og borgarstjórin seinni um kvøldið verða vertir fyri eini máltíð í kantinuni í ítróttarhøllini í Trongisvági. – Vit hava skilt, at drotningin kemur til Føroya við flogfari, og síð­an fer hon umborð á kongaskipið Danne­brog, sum fer at liggja á Sørvági. Hað­ani verður siglt suður til Tvøroyrar. Mill­um tey støð, sum drotningin vitjar í okkara kommunu, verður Saltsiloin, Suður­ oyar Sjúkrahús, Sjósavnið í gomlu Doktarahúsunum og skipið Thors­havn, sum nú er heimahoyrandi á Tvør­oyri. Hann leggur aftrat, at Margretha drotning eisini fer at vitja arbeiðara­ felagið Fylking, sum 25. apríl hevur 100 ár á baki. – Undir vitjanini koma bæði Danne­ brog og Thorshavn at liggja á Tvøroyri, og drotningin fer umborð á Thors­ havn at hyggja eftir kongaligu máln­ ingunum og kongaliga porseleninum, sum er umborð har. Áðrenn Thorshavn varð seldur til Tvøroyrar, var skipið ogn hjá danska statinum, og ígjøgnum mong ár var hábærsliga skipið líka sum fast “inventar” úti á bryggjuni í Vágs­botni. Kristin Michelsen vísir á, at tað vóru A.P.Møller-grunnurin og danski staturin, sum lótu ávkavist 20 og 18 miljónir krónur til Salt-verkætlanina, meðan Føroya løgting læt 20 miljónir krónur. – Soleiðis fekk verkætlanin slakar 60 miljónir krónur at arbeiða við, og hetta er tann peningur, sum ætlanin er at brúka á Drelnesi. Drotning Margretha fer eisini at vitja í Hvalba, har hon ætlandi skal leggja grundarsteinin undir barna­ garðin, sum Hvalbiar kommuna fer at byggja. Á vitjanini í Hvalba er ætlanin eisini, at drotningin skal sleppa at síggja Kolasavnið og Dímunar-hellið, sum fyrr í ár eisini varð víst fram norðan­fjørðs. – Hetta verður ikki fyrstu ferð, at vit eru vertir fyri hátíðarligum og hábærsligum gestum, so eg ivist onga løtu í, at hetta verður ein hugnaligur og forkunnugur dagur í okkara komm­ unu, sigur borgarstjórin. Gongd á aftur Kristin Michelsen letur annars væl at gongdini í Tvøroyrar kommunu og vísir á, at eftir steðgir í framleiðsluni hjá Varðanum Pelagic á Tvøroyri, eru nú gongd komin á aftur við svartkjafti. – Tey fyrstu skipini við svartkjafti hava landað, og fólk eru farin til ar­ beiðis at virka fiskin til matna. Tað er soleiðis, at virksemið hjá Varðanum Pelagic er merkt av vertíðunum, og onn­ur ár hevur serliga nógv hevur verið at gera, tá makrelur og sild eru fyri. Borgarstjórin fegnast um, at tað gevur útslag í skattainntøkunum hjá bæði Tvøroyrar kommunu og øðr­um kommunum í Suðuroy, tá stóra upp­ sjóvarvirkið er í gongd, og arbeiðs­ fólkið hevur úr at gera. – Í seinastuni hava nøkur íslendsk skip ligið her og bíðað eftir, at svart­ kjafturin kemur í føroyskan sjógvi. Tey skipini eru nú eisini farin á svart­ kjafta­veiði. Eg haldi, at fiski­menninir umborð á hesum skipum hava havt tað gott, meðan teir hava ligið her og bíðað. Kristin Michelsen vísir á, at ymiskt er hent á Tvøroyri seinastu tíðina. Onk­ur nýggj pubb er latin upp og onk­ ur nýggjur handil við. – Jú, her eru fólk, sum á ymiskan hátt síggja møguleikar, og eg vil siga tað soleiðis, at her eru bæði pubbar og klubbar at stytta sær stundir við, sigur borgarstjórin í Tvøroyrar komm­ unu. Drotningin vitjar Saltsiloina Undir drotningarvitjanini koma bæði Dannebrog og Thorshavn at liggja á Tvøroyri, og drotningin fer eisini umborð á Thorshavn – Jú, her eru fólk, sum á ymiskan hátt síggja møguleikar. Onkur nýggj pubb og onkur nýggjur handil er komin, sigur borgarstjórin, Kristin Michelsen – Nøkur íslendsk uppsjóvarskip hava ligið her og bíðað eftir svartkjaftinum. Tey eru nú farin avstað aftur. Eg haldi, at fiskimenninir høvdu tað gott, meðan teir vóru á Tvøroyri, sigur borgarstjórin, Kristin Michelsen. Mynd: Vilmund Jacobsen 16. juni fær Saltsiloin vitjan av Margrethu drotning. Av hesi verkætlan á stívliga 58 miljónir krónur, koma stívliga 38 miljónir krónur úr Danmark - og 20 miljónir krónur frá Føroya løgtingi. Mynd: Vilmund Jacobsen