mánadagur 20. apríl 2015síða 44

vika 17 • 20. apríl 2015 12 Ókeypis lýsingarblað TEMA Suðuroy Thorshavn – eisini annað enn søguligt skip Eg havi arbeiðsplássið við mær – Eg havi míni ting í bilinum, tó at bilurin ikki er stórur, og so verða uppgávurnar loystar á staðnum, sigur Poul Hammer, góðkendur rørleggjari Vilmund Jacobsen P oul Hammer eigur og rekur fyritøkuna PH Vatn & Hiti. Hann byrjaði fyri seg sjálvan í 1997, eftir at hann hevði fingið sína útbúgving sum maskinsmiðjur á Tórs­havnar Skipasmiðju miðskeiðis í níti­árunum. Søgan um læruna hjá honum er eitt sindur serstøk, tí Poul byrjaði at læra á Polarfrost í Vági, men gjørdi seg lidnan á Tórshavnar Skipasmiðju. Poul hevur altíð fingist nógv við jarn og maskinur, og longu sum blað­ungur hjálpti hann eisini til á bila­verkstaði. Á sjónum hevur hann eisini roynt ymiskt, bæði her heima og á út­ lendskum kjøli, og tilsamans hevur Poul siglt í fleiri ár - ja, hann hevur enntá roynt seg sum kokkur og hov­ meistari. Hentur arbeiðsbilur Fyritøkan, sum Poul Hammer hevur í dag - PH Vatn & Hiti - hevur røtur aftur til aldarskiftið, 1999/ 2000. Í sínari tíð leigaði hann seg inn í smiðju á Tvøroyri, men í fleiri ár hev­ ur hann bara havt sín arbeiðisbil. – Tá eg eri farin út til ymiskar ar­ beiðsuppgávur, havi eg alt við mær í bilinum. Tað er ikki soleiðis, at eg noyðist at fara heim aftur, tá eg fyrst er komin upp á pláss, har uppgávan skal loysast. Brosandi sigur hann, at tá aðrir størri veitarar hava verið á staðnum og hugt eftir, hvat skal gerast, er hann longu liðugur við sítt. – Nei, eg fari ikki út fyri síðan at fara heimaftur. Eg havi míni ting í bilinum, tó at bilurin ikki er stórur, og so verða uppgávurnar loystar á stað­num. Ymiskar uppgávur Poul Hammer sigur, at hann hevur gjørt nógvar smærri uppgávur, men hann hevur eisini verið við í størri upp­gávum. Soleiðis var hann eisini við í end­ anum, tá stóra uppsjóvarvirkið hjá Pelagos í Fuglafirði varð bygt. – Her gjørdi eg ymiskar uppgávur, sum eg varð biðin um at gera, men tað var ikki soleiðis, at eg hevði nakra beinleiðis stórarbeiðstøku í hes­um verkætlan. PH Vatn & Hiti tekur sær av øll­ um vanligum hvs-uppgávum, og hann fæst eisini við at seta upp hita­ pumpuskipanir. – Tað er ikki soleiðis, at eg um­ boði nakað serstakt merki av ketlum ella hitapumpum. Hava fólk gjørt íløguna, áðrenn tey venda sær til mín, eri eg til reiðar at seta tingini upp á pláss og fáa tey at virka. Poul Hammer, sum er góðkendur rør­leggjari, sigur, at hann í aðrar mát­ar altíð er til reiðar at vegleiða og hjálpa viðskiftafólki, sum venda sær til hansara við ymiskum hvs- upp­gávum. – Eg eri at hitta á tlf. 224915 – ella á phhammer@mail.fo, um fyri­ spurningar eru, sigur fryntligi rør­ leggjarin, sum Vikublaðið skifti orð við á vitjanini í Suðuroy í síðstu viku. Við einari sera áhugaverdari søgu sum tænastu-, sjúkraflutnings-og bjargingarskip hjá danska ríkisumboðnum í Føroyum í næstan sjeyti ár, hevur hetta stolta far nú fingið nýggjan heimstað, umframt heilt nýggjar og ikki sørt spennandi avbjóðingar Vilmund Jacobsen T á Thorshavn varð bygdur í Dan­ mark í 1940 til at røkja upp­ gávur í Føroyum, var Krisjan 10. kongur, og vit høvdu enn ikki fingið okk­ara fyrsta løgmann í Føroyum eftir heima­stýrislógini – ja, forrestin eru Margretha, drotning, sum nú fylti 75 og Thorshavn javngomul. Thorshavn er triðelsta skip í fe­ lagnum fyri føroysk træ-seglskip eftir Jóhonnu og Westward Ho. 23. juli í ár eru 75 ár liðin, síðan skipa­smiðjan í Frederikssund læt eig­ arunum skipið. Fyri øld síðan var Tvøroyri fremsta skipahavn í landinum. Men, uttan at geva tí gætur, hvurvu øll hesi vøkru træskipini av fjørðinum - og við eitt var einki eftir. Eitt nú kom Westward Ho hiðani av fjørðinum. Keyptu Thorshavn – Nøkur fólk her á staðnum hildu, at vit áttu at gera nakað við hetta. Tá so møguleikin við Thorshavn var á breddanum, løgdu vit alla orku í, at skipið skuldi fáa sín nýggja heimstað á Tvøroyri, og tað eydnaðist. Jóannes Eidesgaard vísir á, at tey síðan keypið nú hava roynt seg á ymiskum økjum. – Vit hava gjørt leigutúrar, luttikið á festivalum og stevnum, siglt við skúla­flokkum og hava skipað fyri út­ferðum, eitt nú út í Stóru Dímun. Hetta virksemið hevur gingið betri og betri fyri hvørt ár, og hetta hevur givið okkum dirvi og áræði at herja á aftur hvørt ár. Hann sigur, at tey eisini hava havt ein dreym um, at skipið skuldi líkjast so nógv upprunaligu tekningunum sum gjørligt. – Tí settu vit okkum fyri at fáa skipið undir fulla seglføring, og nú í vár eydnaðist hetta. Við sera kønari hond eru seglini seymaði í Thyborøn. Um­framt at seglini fríðka ótrúliga nógv um skipið, geva tey eisini eina fram­drift - og uppaftur betri er Thors­ havn vorðið sum eitt heilt annað skip í sjónum so róligt, sum skipið nú fer við sær. Summarsiglingin Jóannes Eidesgaard sigur, at tey nú gera klárt til summarsiglingina. – Vit hava verið á skipasmiðju í Vági, og skipið liggur nú inni við huga­ ligu træbrúnna á Hvítanesi, har ymiskt viðlíkahaldsarbeiði verður gjørt. Hann vísir á, at sjálvandi krevur eitt so gamalt træskip nógv viðlíkahald hvørt ár. Rundan um skipið eru ikki nógvar, men ótrúliga dugnaligar og væl­gjørdar hendur. – Fíggjarliga avbjóðingin er sjálv­ andi eisini stór, og tí ynskja vit so mong sum gjørligt at tekna seg sum lim í felagnum aftanfyri skipið og ann­ars gera brúk av tí. Jóannes sigur, at nýggir limir og ynski um túrar kunnu sendast í teldu­ posti til thorshavn@mail.fo – Fyrst á skránni í ár eru nakrar starvsfólkaútferðir, sum skipið er sera væl egnað til. Umborð eru jú allir hentleikar til at gera slíkar hugnaligar útferðir. Eisini fáa vit kongaliga vitj­an umborð, tí okkum er sagt, at Heind­ rikkur, prinsur, kemur umborð og vil sigla ein túr á fjørðinum. Hetta er nú ikki so løgið, tí Thorshavn er tað før­oyska kongaskipið, sigur Jóannes Eides­gaard brosandi. – Eg havi alt við mær í bilinum, tá eg fari út til uppgávur, sigur góðkendi rørleggjarin í Suðuroy, Poul Hammer Mynd: Vilmund Jacobsen