mánadagur 20. apríl 2015síða 52

vika 17 • 20. apríl 2015 20 Ókeypis lýsingarblað TEMA Suðuroy Vilmund Jacobsen Í síðstu viku vitjaði Vikublaðið í Salt­siloini á Drelnesi, har fleiri arbeiðstakarar eru um hesa stóru byggiverkætlan. Verkætlanarleiðari er Tummas Sørensen, sum eisini er býar­ verkfrøðingur hjá Tvøroyrar komm­unu. Í samband við byggiverkætlanina, er tað Saltsilo-grunnurin, ið keypir tænastuna frá Tvøroyrar kommunu, og tað verður hesin grunnur, sum kemur at eiga og reka stóra ment­ anar­húsið - ella multi-húsið, sum tað eisini kann rópast. Kostnaðarætlanin fyri verkætl­an­ ina er 58 miljónir krónur, og stuðuls­ veitarar eru AP-Møller-grunnurin, sum hann vanliga verður róptur, danski staturin og Føroya løgting. Tummas Sørensen sigur, at so­leið­ is, sum út sær í løtuni, fer kostnaðar­ ætlanin at halda. Seinast í juni Ætlanin var, at Saltsiloin skuldi standa liðug í fyrru helvt av mai mán­aði í ár, men greitt er, at tað fer ikki at halda. Verkætlanarleiðarin væntar, at komið verður undir land, tá juni mán­ aði fer at halla. Hóast jóansøka er á Tvøroyri í ár, vikuskiftið 26. og 27. juni, verður Saltsiloin ikki karmur um tiltøk á jóansøku á hesum sinni. Tummas heldur ikki, at tað hevði verið skilagott at ruddað húsið av, áðrenn tað er liðugt, tí tá tað stóra byggiarbeiðið er fingið frá hondini, og komið er undir land í so máta, verður ymiskt annað, sum eisini skal fáast upp á pláss. Tá skulu fínpussingar ger­ast, og eitt nú skal tað tøkniliga, sum er ein týdningarmikil partur av verk­ætlanini, eisini fáast upp á pláss. At síggja til stendur Saltsiloin at kalla innilokað, men enn er ym­iskt eftir at gera. Takhúsið, ið er stál­kon­ struk­tónin, sum sæst oman á øllum takinum, er ikki innilokað, men tað verður hon helst um ikki so langa tíð. Hesin parturin verður innilokaður við elementum, sum eru um at verða liðug og verða sett upp fyrsta dagin. Haraftrat skal sjálvt takið hava eitt papplag aftrat, sum skal brennast niðuryvir. Gamla takið hevði tjørupapp og tað, sum nú verður lagt oman yvir aftrat, verður eisini tjørupapp. – Í takhúsinum var í sínari tíð skinn­ ari ella flutningsband, sum vogn­ar vórðu fluttir gjøgnum høllina eftir – alt eftir, hvar saltið skuldi leggj­ast. Nú verður takhúsið brúkt til ven­tilatións­ skipanina, sum verður í húsinum, sigur verkætlanarleiðarin. Loftið í Saltsiloini er ógvuliga stórt, og tað skal eisini leggjast uppundir í smærri elementum. Vikublaðið fer neyvari at umrøða sjálvt loftið í aðrari grein í blaðnum í dag. Upprunastílur Tummas Sørensen sigur, at betong­ veggirnir í Saltsiloini, sum eru umleið fimm metrar høgir, verða ljóð-og hitabjálvaðir uttan og pussaðir innan. - Neyðugt hevur verið at umvæla og pynta betongið í støðum, men annars verða veggirnir innan, soleiðis sum teir hava verið øll hesi árini. Vegg­ irnir verða reinsaðir og skulu í størst møgu­ligan mun standa óbroytt­ir. Hann sigur, at endarnir, sum áður høvdu umleið fimm metra høgt betong og síðan timbur, eru tiknir niður og bygdir uppaftur við sergjørd­ um gass-betongi, sum er tvær ferðir 15 sentimetrar tjúkt. – Í mun til upprunaligu endarnar, fer tað ikki at síggjast, at hesir nú eru bygdir av nýggjum við gass-betongi, tí endarnir verða klæddir, soleiðis at teir fáa upprunaligu útsjóndina aftur. Endarnir eru báðir komnir upp, men glaspartíini eru ikki komin í. Tummas sigur, at í endanum, sum vendir niðan móti vegnum, verður pallur og alt tað, sum hoyrir til tað, ið rópt verður back-stage. Yvir pallinum verður ein ljós-og ljóðbrúgv. – Í niðara enda á Saltsiloini verður eitt nú inngongd, durur, garderoba, wc’ir og móttøka. Í niðara enda er eisini ein balkon, har møguleiki verður at sita og síggja oman yvir høllina, og her verður eisini møguleiki at hava okkurt slag at mat-ella kaffistovu. Saltsiloin fer eisini at rúma skriv­ stovu og øðrum hølum í hesum sam­ bandi. 2000 standandi Verkætlanarleiðarin sigur, at fasta uppstillingini í sjálvari høllini rúmar stív­liga 400 sitandi fólkum, men til ber eisini at seta upp til eini 800 sitandi. – Tað eru sergjørd elementir, ið laga gólvið upp og sum føstu siti­ pláss­ini standa á. Hesi elementir kunnu byggjast upp eftir tørvi, men tey kunnu eisini øll takast niður og bein­ast av vegnum, so øll høllin hev­ ur sama gólv. Sama er við høvuðs­ pallinum, sum eisini verður mobilur og kann takast niður. Alt hetta ger, at húsið verður rættiliga fleksibult, og tí verður Saltsiloin eitt multi-hús, kunnu vit siga. Tummas vísir á, at øll hugsandi tiltøk kunnu verða í Saltsiloini - alt frá stórum konsertum ella kórstevnum á ymiskum pallum um listaframsýningar til stórar bilastevnur. – Eg trúgvi, at høllin, sum er um­ leið 1400 fermetrar stór, í øllum førum fer at kunna hava eini 2000 standandi gestir til eitt nú konsertir. Hann sigur, at Saltsiloin verður bygd, soleiðis at hon eisini gevur rørslu­tarnaðum møguleikan at vitja, og so­leiðis verður eisini lyfta upp á bal­ kongina í niðara enda av bygning­inum. Grøn orka Saltsiloin verður hitað við grønari orku. Orkan verður fingin til vega úr sjó­num, og tað verður gólvhiti í allari høllini. – Tað er RenoVent í Hósvík, sum syrgir fyri hesum partinum, meðan tað er Tangavirkið í Vági, sum stendur fyri ventilatiónini. Tummas Sørensen sigur, at ein stórur helmingur av gólvinum er stoypt, og verkætlanarleiðarin vænt­ ar, at hin helmingurin verður liðugt stoypt­ur fyrsta dagin. – Lendið kring Saltsiloina skal eis­ ini planerast og snøggast, sigur hann. Stóra byggiverkætlanin, sum Saltsiloin er, hevur nú tikið skap - ikki bara uttan, men eisini innan. Tummas Sørensen er verkætlanarleiðari, og hann væntar, at tá juni mánaði fer at halla, verður eisini komið undir land á Drelnesi Tá juni mánaði fer at halla verður komið undir land Saltsiloin á Drelnesi tekur seg væl út og líkist nú sær sjálvari aftur Mynd: Vilmund Jacobsen