mánadagur 4. mai 2015síða 26

2 nr. 4 I 4. mai 2015 Vinnublaðið hjá Miðlahúsinum Serblað frá Sosialinum Ábyrgd: Eirikur Lindenskov Myndir: Álvur Haraldsen Grafisk sniðgeving: Pætur Eyðunsson Jensen umbróting: sosialurin Í Vinnuni í dag vitja á tveimum virkjum, ið á hvør sín hátt fáast við miðlar. Prentsmiðjan Estra í Syðrugøtu hevur rundan dag. Tað eru fimmti ár síðani, at Stig G. Rasmussen fór undir prenstmiðjuvirksemi í Gøtu. Í Klaksvík hitta vita ímyndina handan Norðlýsið, Olivur Joesen, nú tað í apríl vóru 100 ár síðani, at málgagn norðoyingar kom út á fyrsta sinni. Vinnan hesuferð... tað hendir... Pren­ts­ miðj­u­ felagið havt aðalfund Jon Hestoy heldur fram sum formaður. Mánadagin 13. apríl hevði Føroya Prentsmiðjufelag ársaðalfund. Fyri vali á aðalfundinum stóðu Jon Hestoy og Eirikur Lindenskov. Báðir tóku við afturvali og vórðu valdir. Umframt hetta tók Kristoffur Laksá seg úr nevndini. Í hansara stað varð Gunvá við Keldu vald. Í nevndini sita sostatt Jon Hestoy, Eirikur Lindenskov, Gunvá við Keldu og Christian Nagata. Nevndin hevur skipað seg við Jon Hestoy sum formanni og Gunvá við Keldu sum næstformanni. hava gjørt nýggjan sáttmála Týsdagin 21. apríl skrivaðu Føroya Arbeiðsgevarafelag og S&K undir nýggjan tvey ára sáttmála. Umframt ávísar tillagingar í sáttmálanum vórðu partarnir samdir um eina lønarhækking á 1,98% hin 1. mai 2015 og 2,25% hin 1. mai 2016. Hetta er sama hækking sum í hinum semjunum, ið eru gjørdar millum fakfeløg á privata arbeiðsmarknaðinum og Føroya Arbeiðsgevarafelag. Partarnir undirskrivaðu eisini avtalu um fráboðanarfreist í sambandi við verkfall. føroyingar vilja standa á odda fyri tunlum – Føroya Handverksmeistarafelag átalar, at P/f Eystur- og Sandoyartunlar longu hevur gjørt ta niðurstøðu, at føroysk feløg ikki megna at veita neyðugu fíggjarligu trygdina fyri byggiverkætlanini. Tað sigur Føroya Handverksmeistarafelag í almennari fráboðan. Felagið heldur, at tað megna føroyskar fyritøkur væl í einum hóskandi samstarvi. – Hóast politisku flokkarnir fyri einum ári síðan vóru fullsamdir um, at føroysk vinna skuldi framat at stýra Føroya størstu byggiverkætlan, gongur P/f Eystur- og Sandoyartunlar beint ímóti hesum ynski og er farið til Noregs at leita eftir samstarvsfelaga at standa fyri byggingini. Føroya Handverksmeistarafelag heldur tað vera óskiljandi, at føroyska byggivinnan ikki so frægt sum sleppur at bjóða upp á arbeiðið, tá almenni útbjóðingarpolitikkurin greitt ásetir, at tað almenna skal bjóða arbeiðir út. – Við síni fráboðan um, at føroyingar eru ov veikir at standa á odda fyri byggingini, kolldømir tunnilsfelagið føroyskar byggifyritøkur. Men tær kunnu væl stýra verkætlanini í samstarvi við útlendsk feløg og tann vegin veita neyðugar trygdir. Tunnilsfelagið og tað almenna annars skulu halda seg burtur frá at meta um, hvat vinnan er før fyri og ikki. Teirra uppgáva er at skapa forteytir við at skipa fyri útboðum og m.a. tryggja, at útboðini eru á føroyskum máli, sigur Magnus Magnussen, formaður í Føroya Handverksmeistarafelag. Hann heldur, at hugburðurin hjá P/f Eystur- og Sandoyartunlar er skeivur, tí felagið eigur at syrgja fyri, at føroysk feløg sleppa framat at stýra Føroya størstu byggiverkætlan, so tey í egnum landi kunnu fáa virðismiklar royndir at bjóða seg fram til stórar verkætlanir uttanlands. – Føroyskir útbjóðarar skulu virka fyri, at føroysk vinna mennir seg og á hendan hátt gerst uppaftur betri før fyri at fara út um landoddarnar. Tá útlendsk feløg stýra verkætlanum her, verða bara smáuppgávur til føroyingar at gera, og tað mennir ongan. Vit krevja, at tunnilsfelagið vísir okkum álit og virkar fyri at geva føroyskari vinnu veruliga ábyrgd, sigur Magnus Magnussen.