mánadagur 4. mai 2015síða 42

18 nr. 4 I 4. mai 2015 Vinnublaðið hjá Miðlahúsinum Eyðun Klakstein S øgan hjá felagnum J & K Petersen Contractors gongur heilt aftur til tíðina eftir seinna heimsbardaga. Í 1948 keypti felagið tann fyrsta lastbilin og byrjaði koyring fyri fólk og kommunur í Sandoynni. Í 1970’unum var partur av virk­sem­ inum eisini ferðafólka­flutningur, men hetta steðgaði í 1975. Tað felagið, sum fólk kenna í dag, byrjaði sítt virksemi í 1975, tá ið brøðurnir John og Kristian Anfinn Petersen tóku yvir eftir pápan, og har av kemur navnið J & K Petersen. Frá 1975 var bert entreprenørarbeiði á skráni hjá felagnum, og tað er tað framvegis. Eigarasamansetingin er broytt, og nú er tað triðja ættarlið, Stein Olvur Petersen, sum er stjóri fyri felagið. Stein Olvur Petersen, Eyðfinn Lenvig og Per Kallsberg komu inn í felagið í 2005 og hava myndað leiðsluna síðani. Og nú kann J & K Petersen Contractors halda 40 ára føðingardag, og tað varð gjørt við móttøku á Østrøm í Havn hósdagin. Halda støddina J & K Petersen menti seg støðugt ígjøgnum 1990’ini og útvegaði sær millum annað dýpingar­amboð í 1994. Í 1996 var fyrsta upp­ gávan uttanlands veruleiki, tá ið dýpingar­ arbeiði varð gjørt í Íslandi. Seinni hevur felagið eisini havt uppgávur í Grønlandi, og seinnu árini hevur J & K Petersen arbeitt fyri fleiri feløg í Norðurnoregi. Her heima hevur J & K Petersen fleiri størri arbeiði í gongd í løtuni. Felagið ger brúnna um Sandá, byggir út fyri Fótbóltssambandið á Tórsvølli, ger kei í Fuglafirði, og hesa vikuna byrjar arbeiðið at gera nýggjan fótbóltsvøll í Hoyvík. – Vit hava hildið fast um at virka innan fyri okkara kjarnuøki, sum er byggivirksemi. Í góðum tíðum hava vit hildið aftur, tí vit vilja ikki eksplodera við virksemi í góðum tíðum. Vit skulu ikki gerast størri enn eitt vist, men heldur verða fremst á okkara øki og verða góð til tað, sum vit fáast við, sigur Stein Olvur Petersen, stjóri í J & K Petersen. – Vit kenna eisini til at skula minka um virk­semið, tá ið tíðirnar eru minni góðar, og tað vísur seg ofta at verða lætt hjá tí almenna at spara upp á byggivirksemi í samfelagnum, men tað verður ofta gloymt, at tey, sum fáast við bygging, eru eisini menniskju og hava familju og skulu hava ein gerandisdag at ganga. Stundum virkar tað, sum at hesi fólk ikki hava sama týdning sum tey, ið fáast við tey so­nevndu bleytu virðini, sigur hann. Góð fólk og nýggja tøkni Síðani 2000 hevur J & K Petersen Contractors havt høvuðsskrivstovu á Hjalla, og haðani verður alt arbeiðið hjá felagnum samskipað. J & K Betong er dótturfelag hjá J & K Petersen Contractors og er ein sjálvstøðugur partur av virkseminum hjá felagnum. Byrjað var við hesum virksemi í 1989. – Eg haldi, at eg tori at siga, at vit hava ment byggivinnuna í Føroyum munandi hesi 40 árini. Vit hava havt nógv góð fólk í arbeiði, vit hava lagt okkum eftir at brúka nýggja tøkni, og ofta hava vit verið ein fót framman­ fyri onnur í vinnuni. Vit fara fram­haldandi at leggja dent á at menna felagið og okkara virk­semið komandi árini, sigur Stein Olvur Petersen. eydun@sosialurin.fo J & K Petersen rundar í hesum døgum 40 ár við hundrað starvsfólkum og arbeiðum í gongd heima og uttanlands. Stjórin heldur, at felagið hevur staðið ímóti freistingini at vaksa meira, enn gott er J&K Petersen 40 ár Hava hildið aftur í góðum tíðum