týsdagur 5. mai 2015síða 12

Mikudagur 6. mai 2015 · Nr. 51 12 Sosialurin Hugskot og viðmerkingar – send sms til 225000 Góði Kári! Langafríggjadag bórust boðini um, at tú hevði lagt árarnar inn fyri seinastu ferð. Hetta var skelkandi og kendist púra óveruligt. Týs­ dagin høvdu vit tosað saman, og eg roknaði ikki við, at hetta skuldi gerast seinastu ferð. Vit komu at kennast fyri umleið 12-13 árum síðani. Vit gjørdust skjótt góðir vin­ menn, og vóru vit nógv sam­ an. Tú kendi nógv fólk og hevði nógvar góðar vinir. Sum bert 18 ára gamal misti tú pápa tín. Hetta hevur óivað verið sera hart fyri teg og tykkara familju. Tú hevur róð við 5-manna­ farinum, Drekanum, hjá Havn­ar Róðrarfelag og vunn­ ið 2 føroyameistaraheiti. Tær dámdi væl at rógva og hevur tú gjøgnum rógvingina fingið nógv góð vinfólk. Eisini hevði tú siglt við m.a. trolaranum Hviltenni úr Leirvík. Vit báðir, saman við øðr­um, mannaðu í 2005, 8-manna­farið, Ørv, hjá Havn­ ar Róð­rar­felag. Úrslitini vóru á einari góðari leið. 3 tær fyrstu stevnurnar gjørdist vit nummar 4 og 4 tær síðstu stevnurnar gjørdist vit nummar 3, soleiðis, at vit á ólav­søku kundu fáa eitt bronsu­heiðurs­merkið um hálsin. Hetta vóru vit sum heild væl­nøgdir við. Tað var ein ótrú­liga stutt­lig tíð ! Vit ferð­aðust runt Før­oyar, vandu hvørt kvøld, hugnaðu okk­um eftir venjing, koyrdu bil­túr og høvdu nógvar góð­ar løtur uppi í Korkagøtu. Tykk­ ara heim var eitt samlings­ punkt hjá okkum. Har var ofta nógv fólk og har var altíð lív í. Viðvíkjandi rógvingini, so bleiv tað ikki til meira enn tað eina árið hjá okkum saman. Havið dróg og tú fórt aftur at sigla. Tær dámdi væl at vera við línuskipi; eis­ini vart tú fleiri túrar við ymiskum trolarum. Tú bar orð fyri at vera sera raskur og altíð klárur at geva eina hjálpandi hond. Tú bleivst lýstur at vera ein raskur-, álitandi- og pliktuppfyllandi maður. Eftir lidnan túr komst tú mangan við flaki, røst­ um fiski o.ø., sum tú hevði gramsað og skorið um­borð. Altíð hugsaði tú um vin­ fólkini og familjuna. Á ólavsøku 2008 gjørdist tú pápi. Minnist hvussu stoltur tú vart, tá tú ringdi av føðideildini á LS. Hettar var ein stórur dagur í tínum lívi og tú vart eisini so sera stóltur av Ólavi. At tú so brádliga, og alt ov tíðliga, skuldi fara herfrá er mær óskiljandi og púra óveruligt. Vildi ynskt, at vit kundu havt nógv ár framyvir. Í dag eri eg bara takksamur fyri allar tær mongu, góðu løturnar vit hava havt; tær hava verið nógvar og ógloym­ andi. Tú vart ein sera góður vinur og saknurin verður stórur. Størstur verður hann tó uttan iva hjá mammu tíni Poulu, beiggja tínum Gunnari og soninum Ólavi. Má harrin styrkja tykkum. Tín vinur Páll Horn Til mín góða vin, Kára Gaardbo Tøkk Hjartans tøkk til tykkum øll, sum á hvør sín hátt gjørdi 100 ára føðingardag mín so avbera hátíðarligan og hugnaligan. Harrin signi tykkum øll! Kærastu heilsanir við Es. 12:2: Gud er frelsa mín; eg eri tryggur og óttist ikki, tí Harrin HARRIN er styrki og lovsongur mín, og Hann varð mær til frelsu! Amanda Joensen nøvn Silvubrúdleyp 31. mars høvdu Margreth og Kristian  Dalsenni Klaksvík silv­ur­brúd­leyp. Dagurin verð­ur hildin 9. mai heim á Skálta­vegi 46. Opið hús verður frá kl 15. Øll eru hjarta­liga vælkomin. Brúdleyp Fríggjadagin 8. mai kl.16.30 giftast í Vesturkirkjuni Rann­vá Poulsen, Argir og David Alejandro Rodriguez Cubillos, Bogota Brúdleyp Leygardagin 27. juni kl. 13:00, giftast í Sjóvar Kirkju: Unn Breyt Hermansen, Innan Glyvur & Jóhann Kass, Strendur. Veitslan verður í Bygdahúsinum á Strondum kl 18:00. Tey ið ynskja at hátíðarhalda dagin saman við okkum, verða biðin um at siga frá á tlf. 266286 (Unn) ella 264387 (Jóhann), innan 1. juni. 70 ára føðingardagur Mikudagin 6 mai fyllir Hans Højgaard, Fuglafjørður 70 ár. Føð­ingardagurin verður hildin í Lonini í Fuglafirði, leygar­dagin 9 mai frá kl 16. Øll eru hjartaliga vælkomin. Brúdleyp Leygardagin 9 mai giftast Ann Mari Midjord, Hov, og Høgni Nolsøe Reinert, Tórshavn. Vígslan verður í Glyvra kirkju kl 13.00 Veitsla verður fyri innbodnum í skótahúsinum í Runavík. 10. mai frá kl 17.00 er brúðarhús á Leitisvegi 9, Glyvrar har øll eru hjartaliga vælkomin! Ann Mari og Høgni 90 ára føðingardagur 18. mai fyllir Kristina Sloan Norð­berg 90 ár. Føð­ingar­ dagurin verður hildin á parnassinum á Hotel Hafnia sunnudagin 17. mai kl. 12.30. Tey, ið vilja gleðast saman við Kristinu, verða vinarliga biðin um at siga frá á tlf: 265506 (Ella) ella á tlf: 282514 (Andrew) Silvurbrúdleyp Tann 9. mai kunnu Barbara og Jo­han Hansen, Hoyvík, halda silvur­brúd­leyp. Tey eru burturstødd. Brúdleyp Fríggjadagin 15. mai gift­ ast Mai-Britt Svalbard, Nes, og Dánial Hansen, Glyv­rar. Vígslan verður í Fríð­riks­kirkj­ uni kl 14.00. Opið hús verður í Kvinnufelagshúsinum á Glyv­rum frá kl 19.00, har øll eru hjartaliga vælkomin.