mánadagur 11. mai 2015síða 50

VIKA 20 • 11. MAI 2015 18 ÓKEYPIS LÝSINGARBLAÐ TEMA Bátastevna í Vestmanna – Vit eru altíð við í bátasigling Vilmund Jacobsen Borgarstjórin í Vestmanna komm­ unu, Pauli T. Petersen, dámar væl at fara út í fjørðin, tá bátastevna er, og siglt verður av Fútakletti og inn á Vestmanna. – Vit hava ein umleið 30 fót stóran glastevjabát, og vit plaga altíð at vera væl mannaði, tá siglt verður. Pauli T. Petersen sigur, at vanliga er meginparturin av familjuni við í bátinum henda dagin, umframt onk­ ur vinfólk. – Jú, hetta er altíð ein sera hugnalig løta og ein deiligur túrur. Hann vísir á, at líkamikið, hvussu veðrið hevur eydnast bátastevnu­ dagin, hevur túrurin altíð verið góður. – Vit hava verið við bæði í góðum og minni góðum veðri og teir túrar, tá tað hevur ruskað eitt sindur, hava ikki verið minni góðir, sigur borgar­ stjórin, sum aftur fer at leggja út í Vestmannasund á bátastevnuni, sum nú stundar til. – Allir túrar úti í Vestmannasundi á bátastevnuni hava verið hugnaligir, sigur Pauli T. Petersen Mynd: Birgir W. Høgnesen Vestmanna størri fíggjarligt rásarúm Vilmund Jacobsen S keiðið hjá bý- og bygdaráðum kring landið er nú stívliga hálv­ runnið og farið er undir seinu hálvu. Borgarstjóri í Vestmanna komm­unu er Pauli T. Petersen, ið situr á sín­um fyrsta skeiði sum borgarstjóri. Hann varð fyrstu ferð valdur í bygdar­ ráðið í Vestmanna kommunu í 2005. – Vit fingu vend í fíggjarligu gongd­ina í fjør, eftir at nýggja ellis- og røktarheimið á Grønanesi seinnu árini er farið við at kalla øllum íløgu­ karminum. Út yvir at gjalda fyri heimið, sum kostaði kommununi stívliga 38 miljónir krónur, høvdu vit fram til og við 2014 einans møguleikar til ymiskar smáíløgur. Men, soleiðis, sum gongdin hevur lagað seg, og skattainntøkurnar hjá kommununi eisini eru øktar, sær nú munin betri út við fíggjarliga rása­rúm­ inum tey næstu árini. Pauli T. Petersen vísir á, at tá ar­ beiðið upp á ellis-og røktarheimið byrj­aði, hevði Vestmanna kommuna eina skuld á stívliga 35 miljónir krón­ ur, og í dag er skuldin á leið hin sama. – Tað merkir, at vit longu nú hava goldið hesa stóru íløgu aftur, og tað kunnu vit øll fegnast um, leggur hann aftrat. Lyftið helt Tá sitandi bygdarráð tók við, fingu borgarar í Vestmanna ta lyfti, at bygdar­ráðið vildi royna at koma niður um eina álíkning í skuld 1. januar 2015. – Hetta er eisini eydnast. Við árs­ enda í fjør høvdu vit eina skuld á stívliga 36 miljónir krónur, sum er nak­að minni enn ein álíkning í dag, stað­festir borgarstjórin. Fíggjarárið 2014/ 2015 hevur Vest­manna kommuna eisini gjørt eina íløgu í læknamiðstøð á stívliga átta miljónir krónur, sum er goldin yvir raksturin. – Meginparturin av hesi íløgu er longu goldin, og læknamiðstøðin verður tikin í nýtslu 18. august í ár, tá børnini byrja aftur í skúlanum. Pauli T. Petersen sigur, at um­støð­ urnar hjá læknanum í Vestmanna vóru ógvuliga vánaligar, og umstøðurnar hjá tannlæknanum vóru heldur ikki av teimum bestu. – Tá læknamiðstøðin verður tikin í nýtslu, kunnu vit savna lækna, tann­ lækna og heilsusystir undir sama taki, soleiðis at her verður savn­aður ein fakkunnleiki á einum staði. Har­ umframt verða felagshøli í lækna­ mið­støðini. Hann sigur, at kjallarahæddin, sum er yvir 300 fermetrar stór, í fyrstu syfti fer at standa óinnrættað, men kann, tá tørvur verður, brúkast til ymisk endamál. Gongur væl Pauli T. Petersen fegnast um, at tað gongur væl í Vestmanna kommunu – at fólkatalið seinastu tvey árini er vaksið, eins og skattainntøkurnar eisini eru øktar. – Jú, eg haldi, at vit kunnu lata væl at verandi gongd. Tað ger tað eisini huga­ligari, at lív aftur er við havnalagið, har eini 40 fólk arbeiða bæði uppsjóvarfisk og botnfisk á fiskavirkjunum, sigur borgarstjórin í Vestmanna kommunu. Hóast Vestmanna kommuna hevur gjørt stórar íløgur í ellis-og røktarheim, og kommunan í løtuni byggir læknamiðstøð, er kortini eydnast kommununi at sleppa niður um eina álíkning í skuld, soleiðis at fíggjarliga rásarúmið nú verður størri - Tað gongur væl í Vestmanna, og tað er hugaligt, at lív aftur er við havnalagið, sigur borgarstjórin, Pauli T. Petersen Mynd: Vilmund Jacobsen