mánadagur 11. mai 2015síða 52

VIKA 20 • 11. MAI 2015 20 ÓKEYPIS LÝSINGARBLAÐ TEMA Bátastevna í Vestmanna Alt er klárt í Vestmanna Vilmund Jacobsen A t hann í seinastu viku legð­ist við kava heilt niður í fjør­una í Vestmanna, gjørdi, at vest­ menn­ingar, sum fyrireika bátastevnu, vórðu eitt sindur seinkaðir við útlegg­ ing av eitt nú bátabrúgvum og upp­ set­an av tjøldum. Men, hetta kemur tó einki at broyta, tí vestmenningar eru vanir at fyrireika og at leggja til rættis. Dugir nakar at skipa eina góða og gevandi bátastevnu er tað vestmenningar, ið trúliga - og ár um ár - hava gjørt sær hesar royndir meira enn nakar annar. 100 fólk hjálpa til Tað er ein bátastevnunevnd, ið stend­ ur sum samskipari av stóra tiltakinum, sum verður seinni í hesi vikuni og sum byrjar longu hósdagin. Ein av nevndarlimunum er Jan Haldan­sen. Hann er sjómaður, og í fjør eydn­aðist honum at vera við í øllum fyrireikingunum, men hann noyddist avstað dagin fyri, at stevnan byrjaði. Ein annar í stevnunevndini, Jónfinn Egilsnes, er eisini sjómaður, og í ár eru teir báðir heima. - Eg veit ikki, um tað nú var so ógvuliga keðiligt at fara avstað í fjør. Saman við øðrum hevði eg malið kring um á bryggjuni og hjálpt til við ymiskum í einar 14 dagar. Tá alt var klárt, var eg nokso moyrur. Hinvegin var tað eitt sindur keðiligt ikki at kunna uppliva tað, sum var á stevnuni. Jan Haldansen vísir á, at nógv er at taka hond um, tá eitt so stórt tiltak skal reisast á føtur, og hann heldur, at eini 100 fólk á ymiskan hátt eru knýtt at fyrireikingunum. – Vit eru nú við at vera komnir undir land. Ætlanin var at leggja báta­ brúgvarnar út í dag, men tað var ikki hugs­ingur um, tí veðrið var so ónoss­ ligt við kava heilt oman í fjøruna. Øll, sum eru knýtt at stevnutiltakinum, vita nú, hvørjar uppgávur tey hava, og tí kunnu vit siga, at alt liggur í føstum rammum og er undir landi. Ágóði til ítróttin Jan Haldansen sigur, at báta­stevnu­ nevndin er ein nevnd undir VÍF, men hevur annars einki við felagið sum so at gera. – Í fleiri ár fór meginparturin av ágóðanum av stevnuni til kapp­róðrar­ neyst, men her er alt goldið. Í fjør fór ein stórur partur til ungdómsvenjara hjá VÍF, og tað verður annars altíð gjørt soleiðis, at meginparturin av ágóð­anum av bátastevnuni fer til ítróttin í Vestmanna. Hann vísir á, at tað kostar pengar og ymiskar fasilitetir at skipa fyri báta­stevnu á hvørjum ári, og tí er eisini neyðugt, at stevnunevndin sjálv hevur nakað at arbeiða við. – Vit hava eitt nú brúgvarnar og viðlíkahald av teimum, og vit hava nógva el-útgerð við kaðlum, skápum og øðrum. Í aðrar mátar hava vit góð sambond bæði til Klaksvíkar og Toftir, har vit læna ávikavist stóra tjaldið hjá Summarfestivalinum og tjaldið hjá Bátafelgnum á Toftum, sum bæði vera til nýtslu í Vestmanna á bátastevnuni í ár. Aftur fyri læna klaksvíkingar eitt nú okkara stóru el-skipan. Stóra tjaldið hjá Summar­festi­val­ inum er 22x44 metrar stórt og tjaldið, sum Bátafelagið á Toftum eigur, er 12x36 metrar. Jan sigur, at í ár verður tað soleiðis, at hann fer avstað mikudagin eftir bátastevnuna. Tá fer hann til Rumen­ ia, har reiðaríið, hann siglir hjá, letur ein nýbygning byggja. – So, í ár verður tað at seta upp og at taka niður - og so beint avstað aftur. Men, eg gleði meg sjálvandi til at verða við til bátastevnuna, ið altíð er nakað serstakt í Vestmanna, leggur hann aftrat. Eini 5000 fólk Bátastevnan í Vestmanna hevur verið væl vitjað øll undanfarin ár. Veðrið hevur háttað sær ymiskt. Okkurt árið hevur verið brennandi sól, og onnur ár hevur tað verið regn og meira illfýsið. Nú verður bara vónað, at alt fer at laga seg stevnuni til fyrimunar, tá hon fer av bakkastokki hósdagin, og tann stóri dagurin við bátasigling og stórum dansitiltøkum verður leygar­ dagin, tá nógv ymiskt annað eisini er á skránni. – Vit hava pláss til einar 120 bátar, og vit hava streym til allar bát­arnar. Haraftrat hava vit pláss til umleið 100 kampingvognar, og her er eisini streymur til allar vognarnar. Umstøðurnar og karmarnir um stevn­ una eru tí teir allarbestu. Jan Haldansen sigur, at tá stevnan hevur eydnast væl, hava eini 5000 fólk verið í Vestmanna. Umframt kunning á www.bs.fo, er eisini kunning um bátastevnuna at síggja á facebook-síðuni - Báta­ stevnan í Vestmanna. – Øll, sum eru knýtt at bátastevnuni, vita nú, hvørjar uppgávur tey hava, og tí kunnu vit siga, at alt liggur í føstum rammum og er undir landi, sigur Jan Haldansen, sum er í bátastevnunevndini í Vestmanna – Vit hava pláss til einar 120 bátar, og vit hava streym til allar bátarnar. Haraftrat hava vit pláss til umleið 100 kampingvognar, og her er eisini streymur til allar vognarnar, sigur Jan Haldansen