mánadagur 11. mai 2015síða 58

VIKA 20 • 11. MAI 2015 26 ÓKEYPIS LÝSINGARBLAÐ TEMA Bátastevna í Vestmanna Teir halda lív í Staðnum FM Vilmund Jacobsen S taðið FM, sum er nærvarpið hjá øllum vestmenningum, byrjaði at senda í november í 2011. Tað er ung­dómshúsið Staðið í Vestmanna, ið eigur Staðið FM, og tað Vestmanna kommuna, sum eigur ungdómshúsið. Teir, sum í fyrsta lagi standa aftan fyri Staðið FM, eru Pauli Magnussen, Páll Hellu og Símun Olsen, ið líka sum tekur sær av tí tekniska. – Umframt okkum tríggjar, eru fleiri onnur við, sum hjálpa til við inn­ sløgum. Upptøkur verða gjørdar við vestmenningum, ið sløðast ymsa­ staðni kring landið - og eisini uttan­ lands. Tá vest­menn­ingar, sum ikki búgva í Føroyum, eru heima og ferð­ ast, plaga vit at skifta orð við nøkur teirra. Serliga upplýsing Pauli Magnussen, Páll Hellu og Sím­ un Olsen siga, at Staðið FM sendir hvørt sunnukvøld og síðan verður endur­send hóskvøld. Lagt verður fyri klokkan 21, og síðan koyrir lokalradio í hálvan annan til tveir tímar - alt eftir, hvussu nógv er á skránni. - Vit hava valt at senda prát - og ikki serliga nógvan tónleik. Tá vit ikki senda, liggur Staðið FM stilt og er ikki at hoyra. Vit leggja okkum eftir at upp­lýsa, soleiðis at tá tiltøk eru í Vest­manna ella hava við Vestmanna at gera, gera vit burtur úr, og ofta liggur sjálv kunningin tíðliga í send­ ingini sunnukvøld. Staðið FM hevur egnan frekvens, sum er 101. Sent verður um eina an­ tennu, sum stendur á húsinum, og umframt at hoyrast lokalt í Vest­ manna, kann Staðið FM eisini hoyrast eitt nú á Oyrargjógv. – Tað vanliga er, at vit taka upp tiltøk, sum eru her í bygdini, og síðan verður klipt til og sent, tá sunnu­ kvøldið kemur. Vit senda gjarna ikki beinleiðis frá tiltøkum í bygdini, har bátastevnan tó er eitt undantak. Vit sleppa tó ikki langt burtur frá Stað­ num við mikrofonini við teirri útgerð, vit hava. Pauli Magnussen, Páll Hellu og Símun Olsen vísa á, at Staðið FM eisini sendi á bátastevnuni í fjør - frá umleið klokkan 18 til umleið klokkan 01 um náttina. Soleiðis verður aftur í ár. Teir tríggir eru samdir um, at Vest­ manna er vælsignað við nógvum og góð­um fólki, sum hava fingist við miðl­ar, og hetta hoyrist eisini aftur í Staðnum FM, har fleiri av hesum fólk­um hava verið lokalradio’num til hjálpar. - Meginparturin av arbeiðnum er sjálvboðið, men gjøgnum árini hava vit - eftir afturmeldingunum at døma - glett nógvar vestmenningar sum hava lurtað. Prát og tónleikur Teir siga, at á bátastevnuni hesa­ferð fara teir at gera burtur úr vest­menn­ ingum, sum hava spælt við ymisk­um tónleikabólkum í seksti-og sjeyti­ árunum. - Vit fara at krydda sendingina við tónleiki hjá hesum bólkum og skifta orð við teir, sum mannaðu hesar bólkar. Vit fara soleiðis at spæla løg hjá Westhern, Thunderbirds, Naties, Fox og Fools, siga Pauli Magnussen, Páll Hellu og Símun Olsen. Eftir bátastevnuna í Vestmanna sendir Staðið FM ikki meira í summar, men lagt verður til brots aftur, tá komið er nakað út á heystið. Á bátastevnuni fer lokalradio Staðið FM serliga at gera burtur úr vestmenningum, sum hava spælt við ymiskum tónleikabólkum í seksti-og sjeytiárunum. - Vit fara at krydda sendingina við práti við tónleikarar, og vit fara at spæla tónleik hjá hesum bólkum, siga Pauli Magnussen, Páll Hellu og Símun Olsen Páll Hellu, Pauli Magnussen og Símun Olsen, sum mynda lokalradio Staðið FM. Teimum til hjálpar eru nógv onnur, sum gera ymiskar upptøkur Mynd: Birgir W. Høgnesen