týsdagur 12. mai 2015síða 6

Mikudagur 13. mai 2015 · Nr. 54 6 Sosialurin Hugskot og viðmerkingar – send sms til 225000 Eirikur Lindenskov »Sleppið Grindini« er heitið á herferðin hjá Sea Shepherd í Føroyum í ár. Tað var vænt­ andi, at felagsskapurin fór at gera enn eina roynd at varpa ljós á grindadráp aftur í ár. Í fjør sóust hesi fólk í myrk­um klæðum standa á varð­haldi kring landið, og hóast tað fyri føroyingar sá út, sum um tey nærum einki fingu burturúr, so segði fe­ lags­skapurin aftaná, at at­ gerðin var væl eydnað. Tað var ein samanbrestur, tað var í grind á Sandi 30. august í fjør, tá fleiri av fólk­unum hjá Sea Shep­herd vórðu handtikin og bak­ bund­in førd við tyrlu Havnar og stongd ikki í geglinum í Mjørka­dali. Gjáramorgunin boðaði Sea Shepherd frá, at næsta herferðin hjá teimum móti Føroyum eitur »Operatión Sleppið Grindini«, og at hon byrjar 14. juni og heldur áfram út í oktober mánað. Herferðin skal markera byrjanina til økta virksemið hjá Sea Shepherd í Norð­ur­ atlants­havi, har fe­lags­skap­ urin fer at brúka hepnið, hann sigur seg hava úr Suð­ ur­høvum, at vinna á óneyð­ ugu slátrinum av grinda­hval­ um í Føroyum. Tað verður Alex Cor­ nelissen, sum verður leið­ ari av her­ferðini í Før­oy­um. Hann sigur í tíðinda­skrivin­ um frá Sea Shep­herd soleiðis: – Aftur í ár fara okkara fólk at gera alt tað, tey kunnu – á lógligan – hátt at tryggja, at grind ikki verður dripin í Føroyum. Uppíleggingin hjá Sea Shepherd í grindadráp í Føroyum er ikki fyri at áleggja føroyingum onnur virði. Vit eru ein altjóða rørsla við fólkum, sum hava kenslur fyri at hjálpa hesum verjuleysu djórunum, og sum vilja verja alt virðismikið lív í sjónum, sigur hann. Operatión Sleppið Grind­ ini verður sætta herferðin hjá Sea Shepherd í Føroyum – og verður sambært felags­skap­ inum tann higartil størsta. Tað verða skipini Bob Bark­er og Sam Simon, sum verða við í herferðini. Tey koma úr Suðurhøvum, har tey hava verið við í Operation Icefish. Saman við teimum verður eisini trimaranurin Brigitte Bardot, sum eisini var í Føroyum í fjør. Skipini fáa stuðul frá ein­um bólki á landi undir leiðslu av Rosie Kunneke úr Suðurafrika, sum eisini var í Føroyum í fjør. Hon skal hjálpa og samskipa her­ ferðina í »blóðugastu mán­ aðunum av slátrinum«, sum felagsskapurin málber seg. – Hátturin, sum føroy­ing­ ar brúka í grindadrápi, við at reka hvalirnar inn móti landi og drepa teir, hevði ikki verið góðtikin í nøkrum sláturhúsi í verðini, sigur Rosie Kunneke. Hon vísir á, at føroyingar ikki longur tørva grind sum mat, m. a. vegna dálking. – Tað er upp á tíðina, at hesir óneyðugu og yvir­ drivnu ræðuleikar steðga, og at hvalirnir verða bjargaðir, sigur hon. RÆÐULEIKARNIR Í FØROYUM SKULU STEÐGAST Grindadráp skal steðgast. Einki sláturhús í heiminum hevði góðtikið drápsháttin hjá føroyingum, sigur Rosie Kunneke, sum aftur í ár verður samskipari hjá Sea Shepherd á landi í Føroyum POLITIKKUR Tað var nýtt fyri løgregluni, at Sea Shepherd ætlar sær aftur til Føroya, tá Sosialurin ringdi at frætta, hvørji stig løgreglan fer at taka. Tað er Niels Erik Ny­mark Jensen, chefpoliti­inspek­tør­ ur, hevur ábyrgdina av hes­ um økinum, men hann var ikki at hitta. Tilbúgvingin hjá løg­ regl­uni var sera effektiv, tá Sea Shepherdfólkini vóru í Føroyum í fjør. Av trygdar­ ávum vildi løgreglan einki siga um, hvussu stór til­ búgv­ingin var. Men her vóru nógvir politistar, fleiri stórir politibilar, fleiri skjótt­ gangandi bátar og fleiri tyrlu eins og frø­mands­korpsið hjá verjuni eisini var í Føroyum. Hildið verður, at løgreglan man fara at hava ein stóra tilbúgving í summar. Løgreglan fylgir við Sea Shepherd kemur við drotningini til Føroya Sea Shepherd boðaði í gjár frá, at teirra nýggja herferð ímóti grindadrápi byrjar 14. juni. Tá verður farið und­ir kampanjuna, ið tey kalla »Sleppið grindini«, og felagsskapurin ætlar sær at gera enn meiri burtur úr vakt­arhaldi og átøkum í Før­oyum, enn gjørt var í fjør­summar. Um tað er av tilvild ella ikki, ber ikki til at siga, men í øllum førum byrjar herferðin hjá Sea Shepherd dagin fyri, at Margretha drotn­ing og Heindrikkur prins­ur koma til Føroya á al­menna vitjan. Í hølunum á kongs­hjún­ unum eru sum vera man nógv útlendsk fjølmiðla­ fólk, og hetta kundi verið nak­að, sum Sea Shepherd ætlar sær at gera sær dælt av. Kongshjúnini eru í Før­ oyum frá 15. til 19. juni, og tey skulu vitja eitt nú í Suðuroy, Skúvoy, Sandoy og í Havn. Rosie Kunneke