mánadagur 18. mai 2015síða 48

vika 21 • 18. mai 2015 16 Ókeypis lýsingarblað Spotify hevur funnið panikkaldurin Countrykongurin fer víða Tónleikatænastan Spotify hevur funnið fram til neyvan aldurin, tá ið tilkomnir menn broyta atferð Føroyski countrysangarin skal framføra í Danmark, Noregi og Hetlandi í summar Sonevnda miðaldurskreppan, sum er eitt sálar­frøðiligt hugtak, hevur við sær, at menn í vaksnum aldri broyta atferð og gerast alt meira ung­dómligir aftur. Tað kann síggjast aftur á klæðum, nýggjum bilum ella eitt nú tónleikavali. Hildið verður, at hetta typiskt hendur, tá ið menn koma í 40’ini. Nú hevur heimsumfatandi tónleikatænastan Spotify eitt neyvt boð upp á, nær menn broyta atburð. Hetta boð er grundað á tey umfatandi hag­tølini, sum Spotify hevur av tónleikanýtsluni hjá fólki kring allan heimin. Sambært Spotify hendur ein greið broyting í tón­leika­brúkinum hjá monnum, tá ið teir gerast 42 ára gamlir. Tá fara nógvir menn burtur frá at lurta eftir vaksnum tónleiki ella klassiskum poppi ella rocki. Í staðin fara teir í alt størri mun at lurta eftir nýggjum hitlistapoppi – tónleiki, sum tey ungu í stóran mun annars lurta eftir. Tí er 42 ár besta boðið hjá Spotify upp á panikk­aldurin hjá monnum. Hallur Joensen telist millum best umtóktu tón­leikararnar her á landi, og eisini uttan fyri Føroyar eru boð eftir countrysangarunum. Seinastu árini hevur Hallur Joensen javnan spælt til konsertir og festivalar uttanlands, um­ framt at hann eisini hevur veirð í studio í USA og tikið tónleik upp. Í summar eru aftur boð eftir Halli Joensen úr útlandinum, og eisini hevur hann nógvar fram­ førslur á skránni her á klettunum. 5. juni hevur hann framførslu saman við Jambalaya Band á Countryfestivali í Glyngøre í Danmark, og eina lítla viku seinni stendur Aså á skránni. 1. august spælir Hallur til fiskafestival í Thyborøn, og dagarnar 7. til 9. august verður hann við á countryfestivali í Trandal í Noregi. 20-22. august verður Hallur Joensen at hoyra á Shetland Country Music Club, og tað verður tað saman við Brian Nicholson Band. Her heima skal Hallur Joensen eitt nú spæla á Country- og bluesfestivalinum í Sørvági og á Seniorfestivalinum í Runavík. Hollendingur skal leiða grindastríðið Alex Cornelissen, sum er ættaður av bygd í Hollandi, skal leiða sjóstríðið hjá Sea Shepherd í Føroyum í summar Alex Cornelissen er skipari og ein av leið­ar­ unum í Sea Shepherd felagsskapinum. Alex Cornelissen arbeiddi fyri eitt miðla­ hús í Amsterdam, tá ið hann fyrstu ferð frætti um Sea Shepherd í 2002. Ein vinmaður skuldi gera eina dokumentarsending um Sea Shepherd, og Cornelissen fekk á hendan hátt á fyrsta sinni innlit í Sea Shepherd. Hann var so hug­tikin av felagsskapinum, at hann segði ar­beiðið hjá sær upp, seldi íbúðina og fór við í Sea Shepherd. Síðani er hann blivin ein av lykla­per­són­unum í Sea Shepherd. – Vit fara at gera alt, sum vit á lógligan hátt kunnu, fyri at bjarga grindahvalum í før­oyskum sjógvi. Okkara átak hevur ikki til enda­máls at kroysta nýggj virði yvir føroyska fólkið. Hetta er partur av einum alheimsráki, sum vil verja hvalir og varðveita dýrabara lívið í okkara høvum, sigur Alex Cornelissen.