mánadagur 18. mai 2015síða 62

vika 21 • 18. mai 2015 30 Ókeypis lýsingarblað Sosialurin 341800 fyrst og fremst www.in.fo Grikkaland nærkast Tórsvølli Atgongumerkjasølan til landsdystin móti Grikka­ landi 13. juni, byrjaði seinasta fríggjadag Føroyar vunnu jú dystin í Grikkalandi í novembur 1-0, við máli sum Jóan Símun Edmundsson skor­aði í 61. minutti. Flestu viðmerkjarar vóru á einum máli um, at føroyski sigurin var væl uppi­ borin. Grikkaland eru jú ikki hvør sum helst í fótbóltshøpi heldur. Tað eru ikki fleiri enn 11 ár síðani, í Portugal í 2004, at Grikkaland vann EM í fótbólti, tá teir í finaluni vunnu 1-0 á verts­ tjóðini Portugal. Síðani sigurin í EM 2004, hevur Grikkaland verið umboðað í øllum EM og HM- enda­spølunum uttan einum. Liðið hevur eisini støðugt liðið í topp 30 á styrkislistanum hjá FIFA síðani sigurin í Grikkalandi. 13. juni eru teir so á Tórsvølli. EM-undan­ kapp­ingin hevur ikki hilnast serliga væl hjá fyrr­ verandi evropameistaranum, sum í løtuni liggja aftast í bólkinum, við einans tveimum stigum fyri fimm dystir. Føroyar liggja næst aftast, við trimum stigum. Nakað av hátíðardámi verður eisini yvir dyst­ inum, tí hetta verður fyrsti landsdysturin eftir at nýggja skýli á eystursíðuni er liðugt. Í hesum sam­bandi verður UEFA-forsetin og gamla franska fótbóltshetjan, Michel Platini, eisini til staðar. Grikkar vilja ivaleyst hava hevnd fyri ósigurin móti Føroyum í Pireus í fjør, tá ið teir koma á vitjan í Føroyum 13. Juni.