hósdagur 21. mai 2015síða 36

Fríggjadagur 22. mai 2015 sosialurin 58 36 ítróttur Tróndur Arge L ars Olsen verður før­oysk­ur landsliðsvenjari kom­an­di fýra árini. Áhugi frá donsk­ um Super­liga­feløg­unum skundaði undir sam­ráð­ing­ar­nar, so greiða kundi fáast á framtíðina hjá Lars Olsen. Úrslitið er ein nýggjur fýra ára sátt­máli. Stórt nøgdsemi Nøgdsemi við Lars Olsen sum lands­ liðs­venjara er stórt í fót­bólts­sam­ bandi­num. Tað bleiv staðfest, tá Lars Olsen og Christian Andreasen, forseti í FSF, skrivaðu undir nýggjan fýra ára sáttmála í gjár. Tað er breið semja í lands­liðsnevndini og FSF, at Lars Olsen skal halda fram sum føroyskur lands­liðsvenjari. – Vit eru nøgdir við tað arbeiði, sum Lars Olsen hevur gjørt. Tú sær framgongd í spælinum og úrs­lit­ unum. Tí hava vit heldur ikki verið í sam­ráðingum við nakran annan, sig­ur Christian Andreasen og leggur aftur­at, at løn er áleið tann sama sum hon var, tá Lars bleiv settur. – Landsliðsvenjaralønin fór eitt hakk upp, tá vit settu Brian Kerr á sin­ni. Hon er áleið tann sama í dag, sig­ur FSF forsetin. Christian Andreasen heldur, at fram­g­ongdin í spælinum og úrs­lit­ unum er til at fáa eyga á. Hann metir, at føroyska landsliðið hevur flutt seg rættan veg. Somuleiðis letur hann væl at samstarvinum millum Lars Ol­sen og FSF. Skal menna alt landsliðsarbeiði Eitt av kritikkpunktunum sein­ nu árini hevur verið, at lands­liðs­ venjar­ar­nir ikki hava sett sín dám á U-landsliðini. Hetta hevur ikki eydn­ast undir hvørki Brian Kerr ella Lars Olsen. Hesum vónar Christian Andrea­sen, at nýggi sáttmálin kemur at broyta. - Tað er framvegis í sáttmálanum, at landsliðsvenjarin skal vera við í samlaða landsliðsarbeiðinum, ung­ dóms­arbeiðinum og øllum tí sum hartil hoyrir. Eg trúgvi ein av trupul­ leiki, sum útlendskir venjarar hava er, at tá teir bara hava tvey til fýra ár at seta seg inn í føroyskan fótbólt. Tað er torført at seta seg inn í føroyska fót­bóltsumhvørki og tað krevur tíð. Við hesum sáttmálanum hevur landsliðsvenjarin betri møguleikar, at átaka sær tær uppgávurnar, sum kanska hava ligið á láni, sigur Christian Andreasen. Sær møguleikar í liðnum Lars Olsen dámar væl sum lands­liðs­ venjari í Føroyum. Tí hevur hann valt landsliðstavið í Føroyum framum eitt nú Superliguna. – Eg havi havt einar tríggjar møguleikar í Superliguni, men mær dámar væl her. Eg síggi møguleikar fyri at menna liðið og eg síggi møgu­ leikar í teimum einstøku spælar­un­ um, sigur Lars Olsen, sum ikki hevði tor­ført við at seta undirskriftina á ein fýra ára sátmála við føroyska lands­ liðið. – Tað eru fleiri orsøkir til at eg havi valt at halda fram. Fyrst og fremst, so er tað ein stórur partur av fólkunum í Føroyum, sum fylgja væl við. Tað er ein stórur vilja at røkka nýggjum málum, bæði her í FSF og fólkunum kring hópin, og ikki minst av spælarunum, sigur landsliðsvenjarin og leggur afturat. – Tað verður mangan sagt, at spælarar úr Føroyum og Íslandi hava eitt stórt hjarta. Tað hava teir eisini, men eg haldi somuleiðis at teir hava talent. Tað er nakað vit hava prógvað í gjøgnum eina tíð nú. Serliga seinasta ár hevur prógvað tað, sigur Lars Olsen. Skapa ov fáa málmøguleikar Við nýggja sáttmálanum hevur lands­ liðs­venjarin sett sær nøkur nýggj mál. Meðan spælið við bóltinum er bliv­ið betri, so megna okkara ikki at skapa nóg nógvar málmøguleikar í mun til hini liðini, ið vit samanbera okk­um við. Somuleiðis er leikferðin fram­ vegis ein trupuleliki. – Avbjóðingarnar eru at skapa fleiri mál­møguleikar, og høga leik­ ferðin í al­tjóða fótbólti. Tað skulu vit arbeiða við, sigur Lars Olsen, sum eisini vil sleppa at verða ein partur av fram­gongd­ini hjá ungu spælarunum. – Vit hava eisini fleiri ungar spælar­ar, sum eru á veg fram. Hyggja vit fýra ár fram í tíðina, so hevur hetta unga liðið fingið nógv fleiri royndir. Tá síggi eg nakrar heilt øðrvísi møgu­ leikar, sigur landsliðsvenjarin og leggur afturat: – Hesin sáttmálin gevur arbeiðis­ frið, at menna teir ungu spælararnar og koma enn longri. Eg eri fegin um sátt­málan og vóni, at vit kunnu halda fram at mennast, sigur Lars Olsen. Superligan eltir Lars Olsen Bæði úr FSF og frá Lars Olsen ljóðar, at orsøkin til, at sáttmálin verður gjørd­ur nú er, at partarnir vilja hava greiðu á framtíðina. Í donskum miðl­ um hevur Lars Olsen javnan ver­ið settur í samband við feløg í Super­ liguni. Seinasta dømi var Viborg. – Eg havi ikki fjalt nakað og tit hava helst eisini lisið um tað í donskum fjøl­miðlum, men síðani eg byrjaði her, so havi eg verið settur í samband við næstan øll venjarastørvini í Super­ liguni, sigur Lars Olsen og leggur afturat; – Tað hava eisini verið partar, sum hava víst áhuga fyri mær frá í summ­ar, umframt frá árskiftinum. Tí hugs­aðu vit at fáa hetta upp á pláss. Tí um FSF ikki ynskti at halda fram við mær, so kundi eg tað sama leitað mær eftir onkrum øðrum. Tí gera vit tað nú, so vit í november ikki standa á berum og ikki vita hvat vit vilja, sigur Lars Ol­sen, sum tó avsannar at Superligan ikki ljóðar spennandi. – Eg veit ikki um tú kanst siga, at landsliðið í Føroyum er meiri áhuga­ vert enn eitt Superliga felag, men tað meiri hendan menningin, sum eg havi verið ein partur av, ið dregur. Vit eru komin hartil, at londini, sum vit skulu møta, ikki taka lætt uppá hesa uppgávuna longur. Tað er í størri mun vit, sum mynda dystirnar og tað ør­kymlar tey. Eg haldi tað er ein størri virð­ing fyri føroyska landsliðnum nú. Slík menning vil eg gjarna vera við til, sigur Lars Olsen at enda. Lønin tann sama Hóast landsliðið er í menning og hev­ Fótbóltur Føroyski landsliðsvenjarin farnu fýra árini heldur fram. Lars Olsen og fótbóltssambandið hava gjørt nýggjan fýra ára sáttmála. Lønin er tann sama, men nú er Lars Olsen betri stillaður at seta sín dám á samlaða landsliðsarbeiði og ungdómslandsliðini Lars Olsen í fýra ár afturat