hósdagur 28. mai 2015síða 14

FRÍGGJADAGUR 29. MAI 2015 SOSIALURIN 60 14 POLITIKKUR ALLIR FLOKKAR VILJA SLEPPA Á FÓLKATING – OG ZAKARIAS ÁRNI GREGERSEN T að er eitt sindur ymiskt, hvat ymsu flokkarnir vilja brúka eina umboðan á Fólkatingi til, men allir teir, sum eru umboðaðir í Løgtinginum bjóða valevnir fram – og tað sama ger Zacharias Wang, sum stillar upp uttanflokka. Fyrsta almenn orðaskifti hevur verið millum floksformennirnar. Eitt sindur varisligt, men teir hava allir valt at stilla upp. Teir báðir flokkarnir, sum hava havt umboð hetta seinasta valskeiðið – Sambandsflokkurin og Javnaðarflokkruin – halda báðir fast um, at teirra umboð, ávikavist Edmund Joensen og Sjúrður Skaale, hava gjørt arbeiðið til lítar. Aðrastaðni hava tey bæði umboðini longu víst á, hvat tað er, sum teir hava gjørt hesi árini, teir hava sitið í Fólkatinginum. Í eini lýsing fyri Edmund Joensen verður sagt, at hann hevur fingið 70 milljónir krónur heim til Føroya hesi árini. Íroknað hesar pengarnar eru helst bæði pengarnir frá Aage V. Andersens Fond til eina vðarlund við Streymin og helst eisini tann peningur, sum A.P. Møller hevur latið til Saltsilo-verkætlanina á Drelnesi. Sjúrður Skaale hevur eisini fingið pening hendanvegin. Sum skilst hevur hann gingið á odda fyri at fáa til vega fleiri milljónir krónur frá dønum til FarGen-verkætlanina. Hvønn umboða umboðini Semja er millum allar flokkar, at eydnast ikki at fáa eitt skilagott samstarv millum føroysku politisku skipanina og fólkatingsumboðini, so er ikki nógv nytta í umboðanina. S p u r n i n g u r i n u m fólkatingsumboðini eru forlongdi armurin hjá føroyska landsstýrinum – ella umboðini eru egin om bara umboða seg sjálvan og egnan flokk, fær ymisk svar. Sambært grundlógini eru føroysku umboðini á jøvnum føti við hini 177 umboðini í Fólkatinginum og virka udnir somu treytum, sum hin 177 umboðini. Men júst har endar semjan eisini, tí flokkarnir hava hvør sína áskoðan um, hvussu fólkatingsumboðini skulu virka. Tjóðveldi valdi í nógv ár ikki at stilla upp yvirhøvur, men nú er tað vanligt at flokkruin stillar upp. Høvuðsmálið er at virka fyri størri loysing og steðga tí, sum flokkurin kallar “biddaragongdini” á Christiansborg. Sambandsflokkurin hinvegin hevur eisini eina greiða ætlan við umboðanini. Valdi limurin skal menna ríkisfelagsskapin og fasthalda, at danir framvegis eiga at gjalda til tey málsøkir, sum enn eru felags, millum annað heilsuverkið. Javnaðaflokkurin vil brúka sítt samstarv við danska brøðraflokkin at fáa ávirkan ogtað er tað, sum núverandi umboðið hevur gjørt, segði Aksel V. Johannesen. Hann vísti á, at tá ið stríði var við ES um makrelin, var javnaðarumboðið ein hollur stuðul fyri Føroyar. Framsókn hevur eisini boðað frá, at flokkurin er ímóti umboðanini, men vísir á, at ein stórur partur av tí sum viðvíkur Føroyum verður avgjørt á Fólkatingi – og tí ynskir flokkurin umboðan har. Fólkaflokkurin hevur í nógv ár havt umboðan á Fólkatingi. Óli Breckmann er tann, sum í nýggjari tíð hevur havt sæti har longst. Heldur ikki Fólkaflokkurin er serliga fegin um skipanina, men flokkurin sigur seg til eina og hvørja tíð vilja røkja føroysku áhugamálini, sum taka seg upp í danska tjóðartinginum. Jørgen Niclassen, formaður, segði eisini, at umboðanin eigur at brúkast tila t verja Føroyar, so vit sleppa undan summum átøkum: til dømis, at vit skulu nærkast ES alt meira, beint ímóti politska viljanum í Føroyum Teir báðir smærru flokkarnir, Sjálvstýrisflokkurin og Miðflokkurin, boða frá, at teri hava hvør sína dagsskrá. Jógvan Skorheim, formaður í Sjálvstýrisflokkinum, boðaði frá, at flokkurin ætlar at brúka eina umboðan til at umleggja skúlingina av føroyskum ungdómi, so at lærarar heldur koma til Føroyar at undirvísa á hægri støði – heldur enn at tey ungu fara av landinum at nema sær útbúgvingina – og so mangla í føroysku fólkasamansetingini. Miðflokkurin hevur eina heilt aðra ætlan. Les meira um tað aðrastaðni her á síðuni. Til fólkatingsvalið 18.juni bjóða allir flokkar seg fram við valevnum Miðflokkurin: Vit vilja reka politikk í Fólka­ tinginum Sum einasti flokkur, sums tillar upp tikl danska Fólkatingi, hevur Miðflokkurin boða frá, at hann ætlar sær at luttaka í viðgerðini av øllum málum Meðan hinir føroysku flokkarnir meira ella minni siga, at teir ikki vilja leggja seg út í danska inn­ lendis politikk, so hevur Mið­ flokk­urin tikið eina heilt aðra, greiða støðu. Flokkurin fer – um hann fær umboðan í Danmark – at virka sum ein partur av danska tjóðar­ tinginum og luttaka í vanliga politiska arbeiðnum har. Flokkurin sigur, at ein stórur partur av teirra stevnuskrá eru etisk og onnur mál, sum fáa viðgerð bæði í danska tjóðartinginum og øðrum tjóðartingum. – Tí fara vit at luttaka í van­ liga arbeiðnum í danska Fólka­ tinginum. Okkara umboðan er ein partur av tjóðartinginum og tí eiga vit at taka lut í arbeið­num, segði Jenis av Rana í for­mans­ orðaskiftinum í sjónvarpinum.. Zakarias Wang stillar upp uttanflokka. Hann gjørdi greitt, at hann ikki ætlar sær at skriva undir donsku grundlógina, hann fer at tosa føroyskt á Fólkatingi og hann ætlar sær ikki at taka ímóti løn fyri sítt arbeiðið í Danmark.