mánadagur 1. juni 2015síða 26

VIKA 23 • 1. JUNI 2015 8 MIÐLAHÚSIÐ ÓKEYPIS LÝSINGARBLAÐ Funnu gamla bumbu í Køln 20.000 fólk vóru flutt burtur, tá ið bumban frá seinna heimsbardaga kom undan kavi í Køln í farnu viku Mikudagin í farnu viku var ein stór bumba frá seinna heimsbardaga funnin í norðara parti av týska býnum Køln. Bumban var eitt tons til stødd­ar og kundi gjørt stóran skaða, um hon brast. Umleið 20.000 fólk vóru flutt burtur frá økinum, meðan myndugleikarnir gjørdu bumbuna óskaðiliga. Millum tey, sum vórðu rakt av evaku­eringini, vóru fólk á ellis­ heimi, skúlabørn og og ein djóra­garður. Eisini vórðu vegir stongd­ir, og tok- og flogferðsla í øk­in­um vórðu steðgað. Tað kemur javnan fyri, at tað verða funnar bumbur og aðrar leivdir frá seinna heimsbardaga í Týsklandi. Teir sameindu tveittu milliónir av bumbum niður yvir Týskland, og langt frá allar bumb­urnar brustu. Endurgjald fyri goldin barnagjøld og hjúnafelagagjøld Umsókn um stuðul til uppihaldspening fyri fyrra hálvár 2015 saman við kvittanum fyri goldnum barna- ella hjúnafelagagjøldum, skal vera Almannaverkinum í hendi í seinasta lagi 03.06.2015. Kvittanir skulu eisini vísa, til hvønn barna- ella hjúnafelagagjøld eru goldin. Um goldið er til TAKS, er ikki neyðugt at lata inn kvittanir. Sambært lóg um stuðul til uppihaldspening verður stuðulin útgoldin seinast í juni og desembur. Umsóknir móttiknar aftan á 03.06.2015 kunnu ikki væntast at verða avgreiddar fyrr enn í desembur 2015. Verður søkt fyrstu ferð, skal avrit av gjaldsavgerð um barna- ella hjúnafelagagjald frá Ríkisumboðnum ella samsvarandi útlendskum myndugleika sendast inn saman við umsóknini. Stuðul verður ikki veittur, um bert er álagt at gjalda kr. 12.996 árliga. Stuðul verður tí ikki veittur umsøkjara, sum bert rindar vanligt barnagjald til eitt barn. Umsóknarbløð kunnu heintast á heimasíðu okkara www.av.fo undir oyðubløð. Á heimasíðu okkara undir familja og børn er meira at lesa um stuðulin. Seinasta freist fyri stuðli 2014 Fyri at fáa stuðul til upphæddir goldnar í 2014, skal umsókn vera latin inn í seinasta lagi 1. juli 2015. Verður umsóknin latin inn seinni, fellur rætturin til stuðul av goldnum upphæddum 2014 burtur. Frávik kann ikki gerast frá freistini. Tað er tí sera umráðandi, at umsóknin verður latin inn rættstundis. Smyrilsvegur 20 100 Tórshavn Telefon 36 00 00 Telefaks 36 00 01 Watson savnar undirskriftir Paul Watson roknar ikki við at yvirliva, um hann verður útflýggjaður til stjórnina á Costa Rica Í 2002 gjørdi Sea Shepherd eitt átak í Guetamala, har Paul Watson og hansara fólk roynd at steðga fiskibátum úr Costa Rica at veiða háv. Hetta fekk stjórnina í Costa Rica at reisa ákærur ímóti Paul Watson og stjórnin hevur kravt at fingið Watson útflýggjan til rættarsókn. Hetta hevur havt við sær, at Paul Watson hevur ikki kunnað ferðast um lond, sum hon lystir, tí hann óttast, at okkurt land fer at handtaka hann og senda hann til Costa Rica. Watson hevur hildið nógv til í Fraklandi seinastu árini, har hann frítt kann ferðast og føra síni sjónarmið fram. Men nú roynir Paul Watson at sleppa undan ákærunum á Costa Rica. Hann hevur sett í gongd eina innsavnin av undirskriftum á eina áheitan til stjórnina á Costa Rica um at sleppa ákærunum ímóti honum. Watson stílar eftir, at 80.000 fólk skriva undir áheitanina. - Hetta er ein politisk ákæra ímóti mær. Eingin fekk skaða av okkara átaki í Guatemala, ongar ognir vórðu oyðilagdar, og einki varð tikið, sigur Paul Watson. Hann stúrir fyri, at verður hann sendur til Costa Rica, yvirlivir hann ikki. - Teir, sum veiða háv, hava sett ein prís á mítt høvd, og verði eg sendur til Costa Rica, komi eg ikki aftur á lívi, sigur Paul Watson. McCartney í stórformi 72 ára gamli Paul McCartney brillieraði á konsert í London í farnu viku Beatlin Paul McCartney er bliv­in 72 ára gamal, men á pall­in­um er hann sum ein framfýsin ung­lingi, sum spruttar av spæli­gleði. Tað er niðurstøðan hjá fleiri ummælarum eftir konsert í 02 Arena í London í farnu viku. Paul McCartney, sum er høv­ uðsnavn á Roskilde Festi­valinum í summar, spældi eina tríggjar tíma langa konsert í London, og hann spardi ikki upp á krútið. Hann treiv í teir góðu gomlu sangirnar og hevði eisini nýtt tilfar við sær á pallin. Paul McCartney var annar av berandi sangskrivarunum í heimsins størsta tónleikabólki nakrantíð, og McCartney spæl­ ir sjálvandi nógvar av Beatl­es sang­unum á konsert nú á døg­ um. McCartney trívur eis­ini í sangir hjá Wings og av solu­út­ gávum hjá sær. Ongar ábendingar er um, at McCartney er búgvin til at verða pensióneraður sum live- tónleikari.