týsdagur 2. juni 2015síða 30

Mikudagur 3. juni 2015 · Nr. 62 30 Sosialurin Hugskot og viðmerkingar – send sms til 225000 Hjartaliga takk fyri sýnda samkenslu, tá ið okkara kæri Eivind Nielsen f. 24.07.1955 – d. 12.04.2015 andaðist og varð jarðaður. Takk til tykkum øll, sum hjálptu og stuðlaðu í sambandi við jarðarferðina og ervið aftaná. Takk fyri kransar, blómur, heilsanir og peningagávu til Deyvafelag Føroya Takk til tykkum í Deyvahúsinum fyri hjálpsemi. Ein serlig tøkk til deyvaprestin Jónsvein Bech bæði fyri hjálp og troystarrík orð í kirkjuni. Takk til tykkum øll, sum fylgdu honum til hansara seinasta hvíldarstað. Sanna Hjartaliga takka vit øllum, sum á ymiskan hátt hjálptu og vístu okkum samkenslu, tá elskaði maður, pápi, verpápi, abbi, langabbi og bróðir Ragnar í Holusteini f. 15.03.1926 – d. 26.03.2015 andaðist og varð jarðaður. Takk til tykkum, sum bakaðu og hjálptu til við ervinum. Takk til Meinhard Bjartalíð og Tummas Jakobsen fyri troystarrík orð. Ein stór tøkk til starvsfólkini á Suðurstovu á Eysturoyar Røktar- og Ellisheimi fyri at tit vóru so góð við hann, meðan hann var á heiminum. Takk fyri blómur, kransar og gávur til Eysturoyar Røktar- og Ellisheim og tykkum øllum sum fylgdu honum til hansara seinasta hvíldarstað. Familjunnar vegna Elsa Maria, Absalon, Meiken, Torgerð og Tórunn Hjartaliga takka vit øllum tykkum, sum vístu samkenslu, tá elskaða mamma, omma og systir okkara Kárvør Paula Jacobsen Miðvági fødd 5. juni 1937 – deyð 12. mai 2015 doyði og varð jarðað. Tøkk til prestarnar Sverra Steinhólm og Ingu Poulsen Dam fyri góð orð í kapellinum og kirkjuni. Tøkk til sangarar, berarar og gravarar, og til øll tykkum, sum hjálptu til í sambandi við jarðarferð og ervi. Tøkk fyri blómur og kransar. Tøkk til starvsfólkini á B7 fyri røkt og umsorgan, ta tíð hon var har. Tøkk øll tit, ið fylgdu Kárvør til hennara seinasta hvíldarstað. Familjunnar vegna Tommi, Anna Kristina og Torfinn Hjartaliga takka vit øllum fyri sýnda samkenslu og hjálpsemi, tá góði maður, pápi, verdfaðir og abbi okkara Vagnar N. D. Sumberg andaðist og varð jarðaður. Takk fyri kransar, blómur og peningargávur til krabbameinsfelagið og takk til tykkum mongu, sum bakaðu. Takk til tykkum øll, sum fylgdu honum til hansara seinasta hvíldarstað. Familjunnar vegna Sølva, Eileen, Tórun og Rúna v/ fam. Hjartaliga takka vit fyri sýnda samkenslu, tá okkara høgt elskaða mamma, vermamma, omma og langomma okkara Elsa Maria Højgaard Essemi f. 07.07. 25 – d. 25.12.14 Saltangará andaðist og varð jarðað. Tøkk til tykkum í Almannaverkinum fyri hjálp undir hennara drúgvu sjúkralegu. Tøkk til starvsfólkið á Vesturskini.Tøkk til Meinhard Bjartalíð, prest, fyri troystarrík orð og fyri vakra gravartalu í Glyvra Kirkju. Tøkk til Kristinu Bærentsen og John Andarsen fyri vakran kirkjusang. Tøkk til kirkjutænarar, sangarar og gravarar. Tøkk fyri blómur og kransar, ið prýddu kirkju og leiði. Tøkk til Poul Færø fyri troystarrík orð í heiminum Tøkk til tykkum øll, ið komu á gátt við alskyns mati og køkum, og sum so vakurt í anda og í verki sýndu aldargamla familju- og næstrakærleika føroyinga. Tøkk til familju og grannar, ið so dyggiliga hjálptu til undir sjúkraleguni. Tøkk til tykkum mongu, ið fylgdu Essemi til hennara seinasta hvíldarstað her á fold. Vegna tey avvarðandi Sólbjørg, Jónhild, Sigmund, Dánjal Petur, Poula, Erla, Halla, Guðny og Brandur við familjum Hjartaliga takka vit øllum, sum sýndu samkenslu, tá elskaða kona og mamma okkara Karin Hove Antoniussen f. 24.04.1947 – d. 15.04.2015 andaðist og varð jarðað. Takk til tykkum á Eysturoyar Røktar- og Ellisheimi, sum vóru um hana. Tøkk til tykkum, sum ringdu og konduleraðu. Tøkk til tykkum í Oyndarfirði, sum hjálptu til, og tøkk til tykkum øll, sum fylgdu henni til hennara seinasta hvíldarstað. Familjunnar vegna Frank, Kathrin og Tommy