týsdagur 2. juni 2015síða 60

20 nr. 5 I 1. juni 2015 Vinnublaðið hjá Miðlahúsinum Jákup Mørk V ið 80 fólkum í føstum starvi og fleiri av heilt stóru byggi­ pro­jekt­unum í landinum um hendi hevur samtakið kring J&K Petersen úr at gera. Tað er J&K Petersen Contractors, ið er størsta felagið í sam­tak­inum, og á hesum síðum er tað fyrst og fremst hetta felagið, sum vit hyggja at. Og her er talan veruliga um eitt av teimum stóru feløgunum í landinum. Eginognin er væl­vaksin, og tað hevur eitt nú borið við sær, at felagiðn mest sum ongar trupulleikar hevði at at svølgja eitt hampuliga stórt hall, tá alheims fíggjarkreppan eisini setti síni grefligu spor í føroysku byggivinnuna. Seinnu árini hevur raksturin verið betri, og í fjør var úrslitið áðrenn rentur og fíggjar­ postar eitt avlop á 5,4 mió kr. Negativ úrslit av kapitalpørtum í dótturfeløgum drógu tó enda­liga úrslitið nakað niður, men tað tykist, sum eru stórar reservur goymdar handan rokn­skapar­tølini fyri 2014. Tá talan er um byggifyritøku av hesum slag, so er altíð talan um stór ígongdverandi arbeiði, tá roknskapurin verður gjørdur upp. Kostnaðurin av hesum arbeiðum verður ognar­førdur, meðan ávegis rokningarar verða afturførdar og bókaðar sum skuld. Í roknskapinum fyri 2014 eru afturførdu rokningar­nar ikki minni enn 19,3 mió kr., meðan ognarførdu kostnaðirnir eru 6,2 mió. Við øðrum orðum er ein positivur munur upp á meira enn 13 mió kr. milum hesar báðar roknskaparupphæddir. Vanliga verða ávegis rokningar skrivaðar í takt við liðugt­gerð av einstøku arbeiðunum, og tí geva roknskapar­ tølini eina greiða ábending um eina stóra inn­tøkuføring, sum liggur fyri framman. Hækkandi lønarútreiðslur Einasti roknskaparposturin, sum veru­liga tykist sveiggja ein hóttandi veg í rokn­skap­ inum, eru lønarútreiðslurnar. Ivaleyst kunnu vera nógvar orsøkir – eitt nú bonus-skipanir til leiðslu ella eingangsútreiðslur av ymsum slag. Men undir øllum umstøðum øktust starvs­fólkaútreiðslurnar við meira enn 12 mió krónum í 2014, hóast samlaða starvsfólkatalið »bara« øktist við 5 ársverkum. Í aðrar mátar peika pílarnir rætta vegin hjá fyritøkuni. Trygdarevnið og gjaldførislutfallið síggja bæði tvey góð út, og ognar- og egin­ penings­avkast er omanfyri tað, sum kann røkkast við at seta peningin á bók ella við at seta í statstryggjað virðisbrøv. Sjálvandi verður vinningsbýti eisini út­ goldið. 5 mió kr. vórðu goldin út eftir 2013, og seinastu 10 árini eru útgoldin 22 mió kr. í vinnings­býti til eigararnar. Men fyrst og fremst prógva roknskapartølini, at peningurin hjá eigarunum enn sum áður stendur væl og ger góða nyttu í byggifyritøkuni, sum nú er farin um tey 40. jakup@sosialurin.fo Roknskapur Byggifyritøkan, J&K Petersen, er júst farin um tey 40, men dynamikkurin tykist óskalaður, hóast skiftisárini skjótt eru rokkin Ongar trupulleikar við skiftisárunum