mánadagur 8. juni 2015síða 16

Mánadagur 8. juni 2015 · Nr. 64 16 Sosialurin Hugskot og viðmerkingar – send sms til 225000 ítróttur Estetiskur fimleikur Pætur Albinus Eftir trý ára fyrireikingar og miklum spenningi fór tað loksins av bakkastokki leygar­dagin. Tað, sum er so ógvuliga óvanligt í smáu Føroyum. Nevniliga ein HM- kapp­ing. 480 fimleikarar úr 13 ymiskum londum vóru savn­aðir við og í ítróttar­høll­ ini á Hálsi í Havn, har HM í estetiskum fimleiki varð hildið. Høllin á Hálsi var nær­ um ikki at kenna aftur innan. Ríkiligt var sjálvsagt gjørt burturúr fyri at gera høll­ina fúsa at hýsa stóru kapp­ingini, og við teppi, stór­skerm­um, nýggjum ljós- og ljóð­viður­skiftum og pynti annars var høllin at meta sum ein frálíka góður karmur um eina HM- kapping. Eisini var pláss gjørt fyri væl fleiri áskoðarum enn høllin á Hálsi vanliga rúm­ar. Tveir stórir nýbygdir áskoð­ ara­pallar syrgdu fyri, at heili 1.130 áskoðarar sótu væl til­ rættis, tá ið kappingin varð sett í gongd kl.13.00 leygar­ dagin. Loksins Føroyar Hetta var 10. ferð, at Føroyar luttaka í HM í estetiskum fim­leiki. Føroyar hava áður bjóðað seg fram sum vertir, men tað hevur ging­ið striltið vegna iva­samt veðurlag og dýru gistingar­møgu­leik­ arnar. Tað hildu hini londini, í øllum førum – men fyri tveim­um árum síðani varð á aðalfundið avrátt, at Føroyar í 2015 skuldu standa sína roynd. Og nú var løtan her. – Tit eiga nakrar ótrú­ liga, ótrúliga vakrar oyggj­ ar og sera vinarlig fólk, segði Aleksandra Tuomala- Jantunen, sum er forseti í al­tjóða estisku fimleika­sam­ gong­uni, IFAGG, tá ið hon undir setanini hevði orðið. Hon byrjaði røðu sína við at siga, at loksins áttu Føroyar tørn. Umframt Aleksandru Tuomala-Jantunen, so bjóð­ aðu Petur Elias Petersen, ÍSF- forseti, og Elin Heðinsdóttir Joensen, FFS-forkvinna, væl­ komin. Hin seinasta í røðini at hava orðið var Katrin Abrahamsen, kappingar­ stjóri. Hennara boð vóru stutt, men grein: 16. AGG World Championship & AGG Junior World Championship vóru nú sett. Væl skipað Undir setanini bar tað so týð­iliga brá av, at alt var ótrú­liga væl fyriskipað. HM tykist sum ein stórur biti at gloypa hjá einum so lítlum landi sum Føroyum, men er fyri­reik­ingararbeiðið gjørt til lítar, so kunnu vit vera við – og soleiðis var í hesum føri. Í setanini vóru eisini nøkur innsløg, ið skuldu geva teimum tilsamans 600 út­ lending­unum í høllini inn­lit í føroysku mentanina. Í hes­ um sambandi sýndu gesta­ fim­leikarar fram á gólvinum samstundis sum Fimm Feitar Flugur og Xperiment stóðu fyri sangi. Fyriskipararnir hava havt Føroyar og ser­før­oyskir lutir sum tema í markn­ aðar­føringini av kapp­ing­ ini. Eitt nú vóru sang­arar í før­oyskum troyggj­um og hjálpar­gentur í inn­marsj­ inum í føroyskum klæðum, meðan heiðursmerkini eru gjørd av Mikkalinu Glas og bú­merk­ið er sniðgivið sum ein loft­mynd av Føroyum við ein­um estetiskum fimleikara á. Tað er at marknaðarføra Føroyar so væl sum tilber tá ið somikið góður møguleiki er fyri tí, og hesa uppgávu loysti fimleikurin væl um­ vegis eina litríka og lívliga setan. Bergtakandi støði Tað var álvari. Talan var eina HM-kapping, og tað merkt­ ist. Øll tey heimskendu inn­ an estetiskan fimleik vóru til staðar. Sigursvanda liðið Madonna úr Russlandi, heims­kendi finski koreo­graf­ urin Antton Laine og mong onnur við. Tað mest áhugaverda var tó, at so nógvar mentanir úr so nógvum ymiskum londum runnu saman á hesum fáu fer­metrunum í høllini á Hálsi. At kalla hvørja ferð tú sneiddi høvdið, fekst tú eyga á fólk úr einum nýggjum landi – ja, fólk heilt úr Kina. Tá ið fimleikararnir trinu á gólvið, var støðið berg­tak­ andi. Støði, vit ongantíð áður hava sæð í Føroyum, og helst ikki koma at síggja í mong Tað tók sína tíð at fáa vertsskapin, men øll ivamál vórðu kveistrað til viks, tá ið Føroyar um vikuskiftið vóru vertir fyri HM-kappingini í estetiskum fimleiki. Fleiri enn 300 sjálvboðin syrgdu fyri, at kappingin var sera væl fyriskipað og at teir 600 útlendsku gestirnir vóru ovurfegnir fyri upplivingina í Føroyum Stóðu royndina sum HM- vertir