mánadagur 8. juni 2015síða 36

VIKA 24 • 8. JUNI 2015 12 ÓKEYPIS LÝSINGARBLAÐ TEMA Sundalagsstevna Vilmund Jacobsen Robert Poulsen er formaður í KÍF, Kollafjarðar Ítróttarfelag, sum eigur ein stóran leiklut í sundalagsstevnu, sum nú verður í Kollafirði. Sjálvur sigur Robert, sum í tveimum umførum hevur verið formaður í KÍF, at hann hesaferð ikki hevur havt so ógvuliga nógv við fyrireikingarnar av stevnuni at gera, tí hann hevur verið rættiliga nógv upptikin í arbeiði. – Tað er serliga ítróttarfelagið, skót­arnir og rossafelagið, ið hava tik­ ið sær av stevnufyrireikingunum. KÍF hevur í fyrsta lagi tann ítróttarliga partin, tivoli og dansin, umframt stevnu­teitið og hugnakvøldið, skót­ arnir skipa fyri midnáttarbáli og tí, sum hongur uppi í her, og so er tað rossa­felagið, sum eitt nú tekur sær av ponyríðing. Kappróðurin Robert Poulsen sigur, at tað er eisini KÍF, sum tekur sær av at fyriskipa FM- kappróðurin, sum er størsta einstaka tiltak á sundalagsstevnu. – Tað eru nøkur ár síðan, at okkara bátar, Kollur og Kollfirðingur, luttóku í FM-róðri, men í ár er 5-mannafarið Kollur mannaður við dreingjum. Hann sigur, at KÍF hevur skipað eina undirnevnd við fýra persónum, ið taka sær av kappróðrinum, og ætlanin er, at tey, sum eru í hesi nevnd, eisini skulu arbeiða við at reisa kappróðurin í bygdini aftur á føtur. Hann sigur, at øll, sum sita í hesi nevnd, eru gamlir rógvarar, sum hava stóran áhuga fyri kappróðri. – Vit hava gott fólk í økinum, sum áður hava tikið sær av at skipa ein FM-róður. Talan er bæði um yngri og eldri fólk, sum hava verið partur av hesum áður. Tí ivist eg onga løtu í, at FM-róðurin á sundalagsstevnu er í góðum hondum, tó at hetta tiltak krevur nógv hjálparfólk fyri at skapa røttu og neyðugu karmarnar. Robert Poulsen vísir á, at tá róð verður 1000 metrar á Kollafirði, kunnu tey, sum vilja síggja kappróðurin, fylga við bátunum eftir bryggjuni ein stóran part av teininum. – Tá málið er 1000 metrar, og bryggj­an er einar 400 metrar long, er greitt, at umstøðurnar at fylgja við seinnu helvt av teininum eru sera góðar, sigur hann. Midnáttarbál og dansur Formaðurin í KÍF sigur, at eitt tiltak aftrat kappróðrinum, sum plagar at savna nógv fólk, er midnáttarbálið við Missiónshúsið, røða og seinni esini felagssangur og føroyskur dansur, sum verður á økinum. – Hetta tiltak savnar nógv fólk, tá veðrið er til vildar, og soleiðis vænti eg eisini, at tað verður hesaferð. Robert Poulsen væntar eisini, at nógv fólk verður til stevnudansin, har Signar í Homrum og Rox fara at spæla. – Her fer Cafe Chill eisini at selja drykkjuvørur, og KÍF fer at selja breyð. Jú, vit vænta, at hetta verður eitt stórt og undirhaldandi dansitiltak, sum nógv fólk fara at leita sær til, sigur formaðurin í KÍF, sum vegna felagið bjóðar øllum hjartaliga vælkomnum til Kollafjarðar at halda fjarðastevnu. Kollafjørður eigur nógv fólk at skipa fyri kappróðrinum – Tað eru nøkur ár síðan, at okkara bátar, Kollur og Kollfirðingur, luttóku í FM- róðri, men í ár er 5-mannafarið Kollur mannaður við dreingjum. Vit fara at royna at reisa kappróðurin á føtur aftur í Kollafirði, sigur formaðurin í KÍF Eiler Fagraklett bjóðar nú fólki inn á gólvið á Signabø at síggja hansara litfagra heim Høvi at vitja lit­ fagurt heim á Signabø Seinnapartin sunnu­ dagin letur Eiler Fagraklett heim sítt á Signa­bø upp fyri almenn­inginum Vilmund Jacobsen Sunnudagin verður eitt forvitnisligt tiltak á skránni á sundalagsstevnu. Hetta tiltak verður í tímunum frá klokkan 15 til 18, tá høvi verður at vitja heima hjá Eileri Fagraklett – næstan úti á Sperm, sum sagt verð­ur í stevnuskránni. – Húsini hjá lokala javnrættis­ stríðsmanninum og Altso-lut­tak­ aranum eru eins og húsaeigarin ikki heilt sum hini. Í stevnuskránni verður víst á, at litføgra og øðrvísi heimið hjá Eileri hevur verið at sæð í Kvinnu og í øðrum miðlum. – Men, á sundalagsstevnu fært tú eisini møguleikan at vitja húsini. Eiler Fagraklett fer at lata dyrn­ ar alment upp fyri fólki, sum eru áhugað í at síggja eitt heim, ið brýt­ur burtur úr tí vanliga. Adressan hjá Eileri Fagraklett er Mylnugøta 7, Signabøur. Robert Poulsen er formaður í Kollafjarðar Ítróttarfelag, og tað er KÍF, sum saman við skótum og rossafelag stendur aftan fyri flestu stevnutiltøkini Vilmund Jacobsen Tað vóru Guðrið Joensen og Jónvør Svartá, sum fyri umleið átta árum síðan lótu upp Cafe Chill í Kollafirði. Tey fyrstu árini húsaðist kafé’in í bygninginum, har Atlantic Pane áður helt til, men í oktober í ár verða tvey ár liðin, síðan tey fluttu í fyrrverandi Eik-bankahølini við Sjógv í Kollafirði. – Vit dagførdu hølini nakað, áðr­ enn vit fluttu inn og lótu eina terassu byggja út í havan. Okkum líkar hesi høl­ini væl, og vit halda, at tey eru betri egnað til okkara virksemi. Hølini eru hugnalig, og her er ikki so høgt millum loft og gólv. Guðrið Joensen sigur, at við tað, at hølini líka sum venda niðan móti vegnum, kundu tær báðar ynskt sær, at hølini vóru sjónligari. Ymisk viðskiftafólk Men, á Café Chill lata tey ikki illa at. – Tað hevur verið eitt sindur aftur og fram hesi árini. Tey lokalu hava stuðl­að okkum væl, men vit síggja eisini nógv fólk úr grannabygdum og øðrum økjum. Guðrið sigur, at nú sundalagsstevna verður, fara tey eisini at gera burtur úr á Cafe Chill. – Fríggjadagin á sundalagsstevnu verður opið frá klokkan 17 til 04, og soleiðis verður eisini leygardagin. Báðar dagarnar verður køkurin opin frá klokkan 17 til á midnátt. Guðrið sigur, at stevnudagarnar fara tey eisini at hava ein stevnu-búff, sum er skorin av oksafilet, og her eru eisini grønmeti, kips og piparsós við. – Hesar dagar hava vit eisini tað, vit vanliga plaga at hava í matarskránni, soleiðis at fólk eisini kunnu keypa okkurt “lættari”, um tey ynskja tað. Hon vísir á, at Café Chill eisini selur pizza, og her bjóðar kafe’in sær at lata viðskiftafólki pizza út við, tá latið verður aftur um 04-tíðina báðar stevnudagarnar. Quiss og tónleikur Café Chill ger eisini eyka burtur úr á stevnuni. – Fríggjakvøldið klokkan 21 verður ein “saftig” stevnu-quiss, og klokkan 23.30 verður livandi tónleikur við Signari í Homrum og John Johansen. Guðrið sigur, at Café Chill hevur havt fult skeinkiloyvi øll árini síðan byrjan, og her fæst soleiðis mangt lesk­andi. – Vit hava umleið 40 sitipláss á kafé’ini, og fólk eru hjartaliga væl­ komin inn á gólvið, leggur hon aftrat. Tey, sum vilja vita meira um kon­ septið hjá Café Chill í Kollafirði, kunnu eisini hyggja inn á facebook-síðuna cafee chill. Café Chill ger burtur úr sundalagsstevnu