hósdagur 11. juni 2015síða 30

FRÍGGJADAGUR 12. JUNI 2015 SOSIALURIN 66 Hugskot og viðmerkingar – send sms til 225000 30 Rektari til miðnámsskúlan á Kambsdali Hevur tú hugsjónir um skúla og miðnámsútbúgvingar og ynskir at slóða fyri fakligari og námsfrøðiligari menning innan økið, hevur tú nú møguleika at bjóða teg fram sum rektari á miðnáms- skúlanum á Kambsdali. Miðnámsskúlin á Kambsdali er ein samanlegging av virkseminum hjá Studentaskúlanum og HF-skeiðnum í Eysturoy og Føroya Handilsskúla á Kambsdali. Klaksvíkar HF-skeið er partur av ábyrgdarøkinum hjá rektaranum. Rektarin hevur mótvegis landsstýris- manninum ábyrgdina av øllum virksem- inum í miðnámsskúlanum. Rektarin skipar bygnaðin í miðnáms- skúlanum, setir leiðarar og stendur fyri samansjóðing av starvsfólkunum í verandi skúlum, sum øll flyta við í komandi skúlan. Ábyrgd og uppgávur Rektarin hevur ovastu leiðsluábyrgdina av øllum virkseminum í miðnámsskúl- anum, herundir fakliga, námsfrøðiliga, umsitingarliga og fíggjarliga ábyrgd. Rektarin skal mynda miðnámsskúlan á ein sannførandi hátt og virka fyri góðum og mennandi arbeiðs- og lestrar- umhvørvi. Rektarin skal standa á odda fyri tilgongdini at skipa bygnaðin í miðnámsskúlanum, samansjóða starvs- fólkahópin og tryggja gott samstarv við allar partar. Saman við Mentamálaráð- num skal rektarin menna útbúgvingar skúlans, so tær alsamt lúka framtíðar og altjóða krøv. Hann skal tryggja, at ráðgeving frá vinnuni viðvíkjandi teim merkantilu útbúgvingunum heldur fram. Rektarin hevur fíggjarligu ábyrgdina, skal leggja fíggjarætlan stovnsins og skipa ein skynsaman rakstur við neyvari fíggjarstýring. Rektarin setir í starv og loysir úr starvi leiðarar, lærarar og onnur starvsfólk. Persónurin Rætti persónurin til rektarastarvið skal hava hug og hegni at leiða og skal kenna egnar dygdir og avmarkingar. Tað er týdningarmikið, at rektarin hevur evni og vilja at samstarva og samskipa, men samstundis styrkina at kunna standa eina í mótstøðu, uttan at missa fótafestið. Starvið krevur, at tú skjótt dugir at skapa tær eitt yvirlit í skiftandi støðum og megnar at røkka settum málum. Tú skalt vera framskyggin og hava evni og áræði at ganga nýggjar leiðir. Tú skalt hava góð evni at sjóða saman fólk og við einum stimbrandi leiðsluhátti at birta eldhuga millum hesi. Tú skal síggjast í starvinum og skapa virðing og trivnað innanhýsis millum starvsfólk og næmingar umframt uttanhýsis við samstarvspartar o.o.. Umráðandi er at skapa trúvirði, vera álítandi og duga væl at lýsa egin sjónarmið. Tú skalt evna innliving og virðing fyri hugskotum og sjónarmiðum hjá øðrum. Førleikar og royndir  Tað er eitt krav, at rektarin hevur:  viðkomandi útbúgving frá hægri lærustovni,  leiðslu- og fyrisitingarligar royndir,  royndir og førleika at undirvísa,  góð evni at samskifta og orða seg á føroyskum, skandinaviskum og enskum. Harumframt er tað ein fyrimunur, at rektarin hevur leiðsluútbúgving við innliti í organisatión og royndir innan samanlegging. Setanar- og lønartreytir Starvið er flokkað samsvarandi 38. lønarflokki sambært Tænastumannafelag Landsins, tó uttan at vera tænastumannastarv. Lønin er í løtuni kr. 50.792 umframt 15 % í eftirløn um mánaðin. Rektarin skal tola broytingar í setanarviðurskiftunum í sambandi við møguligar bygnaðarbroytingar.. Umsókn Umsókn við CV, prógvum o.ø. skal sendast til: Mentamálaráðið Hoyvíksvegur 72 Postsmoga 3279 110 Tórshavn Ella sum t-postur til mmr@mmr.fo Umsóknin skal verða Mentamálaráðnum í hendi í seinasta lagi hósdagin 18. juni 2015. Starvið verður sett 1. august 2015 ella eftir nærri avtalu. Nærri upplýsingar um starvið kunnu fáast við at venda sær til Poul Geert Hansen, aðalstjóra í Mentamálaráð-num, á tlf. 555010 ella t-post PoulGeertH@mmr.fo. . Miðnámsskúlin á Kambsdali er ein samanlegging av Studentaskúlanum- og HF-skeiðnum í Eysturoy og Føroya Handilsskúla á Kambsdali. Klaksvíkar HF-skeið er partur av skúlanum. Bygningarnir á Kambsdali verða samanbygdir í løtuni. Tað fara at verða umleið 630 næmingar og 95 starvsfólk í miðnámsskúlanum. Miðnámsskúlin leggur upp til opinleika og smidleika, har lærarar og næmingar samstarva tvørtur um útbúgvingar og breytir, so skúlin verður karmur um eina skapandi, fjølbroytta og nýhugsandi undirvísing. MENTAMÁLARÁÐIÐ eblaðið sos.fo