mánadagur 15. juni 2015síða 6

Mánadagur 15. juni 2015 · Nr. 67 6 Sosialurin Hugskot og viðmerkingar – send sms til 225000 Hetta var hei – Vit eru stak væl nøgd, og vit sita við einum stórum smíli á andlitinum, sigur stjórin í Visit Tórshavn, Theresa Turidardóttir Kreutzmann, eftir eina sera væl eydnaða mentanarnátt í Havn Vilmund Jacobsen Theresa Turidardóttir Kreutzmann, stjóri á Visit Tórshavn, er sera væl nøgd við mentanarnáttina í Havn fríggjakvøldið. – Jú, vit eru stak væl nøgd, og vit hava eitt stórt smíl á andlinum eftir hetta sera væleydnaða tiltak. Afturmeldingarnar, vit hava fing­ ið, eru sera góðar og positivar, og fólk siga, at ongantíð áður hev­ur so nógv verið at farið til á mentanar­ náttini sum hesaferð. Theresa sigur, at fólk rættiliga hava tikið mentanarnáttina til sín sum ein stóran familjudag. – Vit høvdu ógvuliga nógv fólk í Havn henda dagin og til langt út á kvøldið og náttina. Hetta er ein dagur, sum rættiliga hevur fangað, og vit vita, at fólk komu til Havnar úr ymiskum heraðshornum í Før­ oyum. Eitt nú kom hópur av fólk til Havnar við Smyrli – neyvan øll til mentanarnáttina, men heilt vist ein stórur partur. Stjórin á Visit Tórshavn er sera fegin um, at mentanarnáttin dregur so nógv fólk til Havnar og so nógv fólk út á gøtuna at vera við í øllum tí, sum fyriskipað verður kring um í býnum. – Vit hava nógv at takka øllum teimum fyri, sum hava verið partur av mentanarnáttini, og tað er ikki smávegis, sum gjørt hevur verið burtur úr, bæði av einum og øðrum, sum skipaðu fyri. Hetta hevur heldur ikki verið ókeypis fyri fleiri av fyriskiparunum. Theresa Turidardóttir Kreutz­ mann sigur, at tey á Visit Tórs­havn eru ómetalig glað fyri, at mentanar­ náttin eydnaðist so væl. – Hetta var bara so heilt fan­ tast­iskt. At síggja fólk úti á gøtuni longu tíðliga fríggjadagin, og at síggja familjur við børnum vera út til langt út á kvøldið var bar­asta so hugnaligt, sigur stjórin í Visit Tórs­ havn, sum ynskir at takka øllum, ið vóru við til at gera ment­anar­ náttina til tað stóra upplivilsið, sum hon var fyri so mong.