mánadagur 15. juni 2015síða 48

VIKA 25 • 15. JUNI 2015 16 ÓKEYPIS LÝSINGARBLAÐ TEMA Eiðis kommuna Vilmund Jacobsen T að gongur væl í Eiðis kommunu, og fólk eru positiv og bjartskygd. Við ársbyrjan var skuldin hjá komm­un­uni umleið 60% av eini álíkn­ing. Komm­unu­skuldin verður niður­goldið við umleið 1,5 miljón­um krón­um um árið. Tað merkir, at skuldin við árs­lok í ár fer at nærkast 50% av eini álíkn­ing. Eiðis kommuna hevur eisini havt góðar skattainntøkur seinastu árini, og skattainntøkurnar higartil í ár eru stívliga 10% hægri enn somu tíð í fjør. – Tað er hugaligt, at vit hava kunn­að skapt so nógv í kommununi, sam­stundis sum vit hava megnað at niðurgoldið skuld. Vit hava ein barna­ frádrátt á 7.500 krónur, og vit hava eitt skattaprosent á 20,75. Fíggjar­ støðan hjá kommununi er góð. Tað sigur borgarstjórin í Eiðis komm­unu, Jógvan í Skorini. Fótbóltsvøllur Nógv er hent í Eiðis kommunu sein­ astu tíðina, og nú um dagarnar verður seinasta hond løgd á álegging av grasi á nýggja fótbóltsvøllin í Hólmanum. – Tað eru fleiri ár síðan, at Eiðis kommuna samtykti at byggja fót­ bólts­vøllin, men nógvar forðingar hava verið á vegnum. Nú alt planer­ ings­arbeiði er liðugt, kantar eru stoypt­ir, og gras verður lagt á, eru øll glað. Jógvan í Skorini sigur, at nýggi fót­bóltsvøllurin lýkur øll FIFA-krøv, og næsta ár verður hús innlokað við vøllin, sum eisini lýkur øll krøv. – Vit vilja skapa góðar umstøður her norðuri, og eg haldi, at fólk eru fegin og rættiliga spent, nú arbeiðið við fótbóltsvøllinum er undir landi. Tá farið varð í holt við at byggja vøllin fyri tveimum árum síðan, var økið í Hólmanum framvegis eitt stórt hol. Nú hevur arbeiðið koyrt uttan steðg í tvey ár, og vit eru komin undir land. Borgarstjórin vísir á, at Eiðis komm­una fær ein fínan vøll, ið er av sama slagi, sum bestu fótbóltsvøllir í Føroyum. – Nógv fakligt samskifti hevur verið um, hvønn vøll vit skuldu velja, og vit hava eisini samskift við umboð – venjarar og leikarar – hjá EB/Streymi um, hvat gras vit skuldu velja til fót­ bólts­vøllin. Tað besta av øllum er, sigur Jógvan í Skorini, at Eiðis kommuna onga skuld hevur átikið sær í samband við vall­ar­byggingina. – Vit hava ikki lænt eina krónu til hetta arbeiði, men hava gjørt tað yvir raksturin, leggur hann aftrat. Kampingøkið Tað eru nøkur á síðan, at gamli fótbóltsvøllurin niðri á Mølini á Eiði varð brúktur seinast til dystir. – Nú verður hetta økið gjørt um til kampingpláss, og her eru sera góðar umstøður til tað. Umframt at pláss verður til einar 65-70 kampingvognar, verður eisini atgongd til ítróttarhúsið við køki, wc’um og brúsum. Her verður eisini møguligt hjá vitjandi at hita mat og matgera, og her verður atgongd til eitt nú vaskimaskinu og aðrar fasilitetir. Jógvan í Skorini sigur, at SEV eisini hevur lovað, at el-veitingin til kamp­ ing­økið verður klár til kamingtreffið, sum stundar til. Eisini verður høvi at tøma septiktangan nærindis. – Vit hava longu merkt, at kamp­ ingplássið niðri á Mølini hevur drigið vognar og fólk til sín, og vit hava góð­ ar vónir um, at her verður enn meira virksemi, tá fólk fyrst hava roynt góðu umstøðurnar. Mentanarhús Jógvan í Skorini vísir á, at eitt annað, sum kommunan eisini er í holt við, er at umskapa fimleikarhøll, skiftirúm og goymslurúm í skúlanum til ein mentanardepil í kommununi. – Nú vit hava ítóttarhøll, er ikki so nógv brúk fyri fimleikarhøllini longur. Tí hava vit samtykt at umskapa partar av hesum hølum til eina – um vit kunnu siga – mini Løkshøll, soleiðis sum vit kenna hana í Runavík. Borgarstjórin vísir á, at skiftirúm og goymslurúm eru umbygd til fimm venjingarhøli til musikkskúlan og møgu­ligar tónleikabólkar at brúka. – Haraftrat ætla vit, at sjálv fim­ leikarhøllin, sum liggur beint við, kem­ur at hava á leið somu karmar og møguleikar sum Løkshøll hevur, tó í minni format. Her verða sitipláss til umleið 200 fólk, ið vit halda er ógvuliga hóskandi til framførslur av ymiskum slag. Koma eini 40-60 fólk til eina framførslu, fara hølini ikki at tykjast so stór og tóm, tá talan ikki eru um eina velduga stóra, men passa­liga høll eftir okkara mátistokki her í kommununi. Jógvan í Skorini sigur, at nú um­ klæð­ingarrúm og goymslurúm eru um­bygd til venjingarhøli, hevur Eið­ is kommuna eisini samtykt at seta pening av til liðugtgerð av fimleikar­ høllini sum mentanarhús. Væl fyri Umframt at Eiðis kommuna í sær sjálvari er væl fyri á flestu økjum, er kommunan í samstarvinum VEKS eisini sera væl fyri á eldraøkinum. – Fólkatalið í kommununi veksur, og hetta setir eisini positiv krøv til barnaansingarøkið, har tað hevur ver­ ið eitt sindur trongligt, sum borg­ar­ stjórin tekur til. Men, í Eiðis kommunu verður ikki minst hugsað um børnini og ung­ dómin, og tí hevur kommunan sam­ tykt, at forskúli byrjar á Eiði eftir summ­ar­frítíðina. – Børn, sum eru um seks ára aldur og soleiðis undir skúlaaldur, sleppa í forskúla eftir summarfrítíðina, og hetta meta vit sum eitt gott tilboð og framstig, sigur borgarstjórin. Hann fegnast eisini um, at vinnu­ lívið trívist og mennist, og hann fegnast um hvørt einstakt arbeiðs­ pláss í kommununi. – Hesi eru øll við til at skapa ta menning, sum her er, og tað kunnu vit øll gleðast um, sigur Jógvan í Skorini, borgarstjóri í Eiðis kommunu. Grør um gangandi fót í Eiðis kommunu Í løtuni fær Eiðis kommuna nýggjan og FIFA-góðkendan fótbóltsvøll, mentanarhús, forskúla og kampingpláss. – Vit skylda ikki eina krónur í fótbóltsvøllinum, sigur Jógvan í Skorini, borgarstjóri – Eiðis kommuna er væl fyri fíggjarliga, og við árslok í ár verður skuldin komin niður ímóti 50% av eini álíkning, sigur borgarstjórin, Jógvan í Skorini