mánadagur 15. juni 2015síða 50

VIKA 25 • 15. JUNI 2015 18 ÓKEYPIS LÝSINGARBLAÐ TEMA Eiðis kommuna Vilmund Jacobsen P etur Frank Joensen er giftur Anni Joensen, sum hjálpir honum við skrivstovuhaldi og øðrum í fyri­ tøkuni. Tey búgva á Eiði, har fyri­tøkan eisini hevur síni høli og sítt funda­ ment. Í sínari tíð tók Petur Frank sína út­ búgving sum elektrikari hjá JT electric á Kambsdali, og seinni tók hann eis­ini útbúgving sum el-instalatørur í Dan­ mark. Frá tíðliga í nítiárunum og fram til 1998 arbeiddi Petur Frank innan olju­ vinnuna í Esbjerg. – Í byrjanini av tíðini hjá okkum niðri, var eisini kreppa í Danmark. Eg søkti nógv ymisk arbeiði, men tað var trupult at finna nakað. Men, tá eg lærdi meg at skriva umsóknir eftir eini skabilón, byrjaði eg at sleppa til samrøður. Tá eg umsíðir fekk eitt arbeiði, var tað at seta hillar upp á eini vøru­goymslu hjá fyritøkuni ABB í Esbjerg. Teir høvdu helst ikki roknað við, at eg tímdi hetta. Petur Frank sigur, at tá hann hevði fingist við at seta upp hillar í eina tíð, fór hann eisini at gera el-talvur og annað út til boripallarnar hjá fe­lag­ num, og at enda arbeiddi hann sum elek­trikari á einum fram­leiðslu­palli. Egna fyritøku Í 1997 fluttu Petur Frank og familjan heim­aftur til Føroya at búgva, men í eina tíð enn – eitt ár ella so – ar­beiddi hann framvegis hjá sama arbeiðs­ gevara í Esbjerg og ferðaðist ímillum. Stutt eftir, at tey vóru flutt heim­ aftur til Føroya at búgva, stovnaði hann egna fyritøku, Sp/f PFJ-EL, og tey fyrstu árini arbeiddi hann í kjall­ aranum heima við hús. – Vit arbeiða um alt landið, og vit arbeiða bæði fyri privatfólk, tað kommunala og almenna og eisini umborð á skipum og bátum. Petur Frank sigur, at fyritøkan hjá honum eitt nú hevur gjørt alt el- arbeiði umborð á øllum alibátunum, sum KJ Hydraulik hevur bygt - og eisini teimum bátum, sum í sínari tíð vórðu bygdir á Eiði. Talan er um 38 alibátar tilsamans. – Samstarvið byrjaði longu í tíðini hjá Kára Johannesen, sála, og hetta var longu, meðan eg var í læru sum elektrikari. Seinni hevur so samstarvið verið við eftirmannin, Ólav Asafsson Olsen. Hann vísir á, at samstarvið KJ Hydraulik hevur verið gott, og Sp/f PFJ-EL hevur bæði gjørt talvur og allar el-instalatiónir umborð á hesum bátum. Nú Petur Frank nevnir el-talvur, kunnu vit leggja aftrat, at el-fyritøkan á Eiði ger bæði størri og smærri el- talvur, eins og fyritøkan eisini tekur sær av projektering av størri og smærri verkætlanum á sínum øki. – Av øðrum uppgávum, sum eru afturvendandi, er eitt nú tænastu­ veit­ingar fyri Eiðis kommunu, har gøtu­ljósini eru ein týðandi partur, og so gera vit eisini meginpartin av el-arbeiðnum í teimum sethúsum og bygningum, sum byggifelagið Bulur á Signabø byggir, leggur hann aftrat. Trúgv viðskiftafólk Í el-fyritøkuni á Eiði eru tveir sveinar, harav Petur Frank er annar, og síðan eru tveir læringar, umframt at Anni, sum vit nevndu í byrjanini, eisini er partur av fyritøkuni. – Vit hava eisini nakrar arbeiðs­ menn at heita á, tá mest er at gera, og summir hava hjálpt okkum leingi og duga soleiðis alt við at draga kaðlar og annað. Petur Frank Joensen vísir á, at tað, sum kanska serliga eyðkennir el-fyritøkuna er, at viðskiftafólkini í stóran mun vera hangandi, soleiðis at tað ikki so sjáldan, at tað nú eru børnini hjá teimum, sum vit í sínari tíð arbeiddu fyri, ið nú venda sær til fyri­ tøkuna. – Hesi árini, eg havi havt egna fyritøku, hava vit útbúgvið seks elek­ trik­arar, sigur eigari av PFJ-EL á Eiði. Vikublaðið kann leggja aftrat, at el-fyritøkan á Eiði hevur stóra vøru­ goymslu og selur gjarna út av goymsl­ uni, tá okkurt er, sum privatfólk, virki ella aðrir el-veitarar ikki eiga. Tey, ið kundu hugsað sær at spurt seg fyri hjá el-fyritøkuni, kunnu ringja á tlf. 423388. Rekur el-fyritøku á Eiði Tað er Petur Frank Joensen, sum eigur og rekur el-fyritøkuna Sp/f PFJ-EL á Eiði. Hann er útbúgvin elektrikari og el-instalatørur, ættaður úr Fuglafirði, men er eisini hálvur kollfirðingur Petur Frank Joensen og Anni Joensen búgva á Eiði, har PFJ-EL hevur stór og góð høli og stóra goymslu Mynd: Vilmund Jacobsen E ntreprenørfyritøkan Kreton, sum brøðurnir, Eyðun og Ove Magnus­sen eiga og reka, hevur nógv virksemi, og fyritøkan arbeiðir eisini fyri SEV á Eiði í løtuni. Á Eiði leggja teir ein kaðal úr bygdini og oman á Mølina, har nýggja kampingplássið í kommununi er. Nú Eiðis kommuna byggir nýggjan fótbóltsvøll í Hólmanum, tey rópa, verð­ur gamli vøllurin niðri á Mølini brúktur til kampingpláss, og tað er í hes­um sambandi, at SEV nú leggur ein kaðal oman. Eyðun Magnussen sigur, at Kreton hevur havt upp í einar 4-5 mans til ar­ beiðis á Eiði hesar seinastu dag­ar­nar. Bilar og maskinur Entreprenørfyritøkan Kreton varð stovnað í 2006, men Eyðun sigur, at teir keyptu fyrsta lastbilin longu í 2002. Í dag hevur fyritøkan einar fýra størri og smærri beltamaskinur, last­ bilar, dumparar og trailarar. – Vit kunnu gera tað mesta, sum hoyrir hesi vinnu til, og vit hava eisini brekkara og boritorn, eins og vit kunnu syrgja fyri at kalla øllum trailaraflutningi, eisini serflutningi. Eyðun Magnussen sigur, at í løtuni hevur Kreton einar 10 mans í arbeiði ymsastaðni kring landið. – Vit gera eina útstykking fyri Eysturkommunu í Syðrugøtu, og vit gera eina útstykking fyri Fuglafjarðar kommunu. Á Kambsdali grava vit út fyri KJ Hydraulik, og á Eiði leggja vit sum nevnt kaðal fyri SEV. Tvær virðislønir Til stuttleikar kann nevnast, at nú Trucker-Festivalur var í Sørvági, vann ein trailari hjá Kreton ikki færri enn tvær virðislønir. – Jú, tað var stuttligt at vinna tvey steyp á festivalinum – eitt fyri flottasta trailara og eitt fyri flottasta festivalbil í Føroyum. Eyðun Magnussen vísir á, at hóast teir í Kreton hava nógv at gera í løtuni, eru fólk, fyritøkur, stovnar og kommunur altíð vælkomin at venda sær til teirra við fyrispurningum. – Vit taka gjarna ímóti øllum fyrispurningum – antin á telduposti kreton@kreton.fo – ella á tlf. 597070, sigur Eyðun Magnussen. vilmund@sosialurin.fo Kreton grevur kaðal á Eiði – Vit kunnu gera tað mesta, sum hoyrir entreprenørvinnuni til, og vit hava eisini brekkara og boritorn, eins og vit kunnu syrgja fyri at kalla øllum trailaraflutningi og eisini serflutningi, sigur Eyðun Magnussen Kreton hevur bæði størri og smærri beltamaskinur, og fyritøkan hevur lastbilar, dumparar og trailarar - at kalla til allan flutning, eisini serflutning