fríggjadagur 19. juni 2015síða 6

Fríggjadagur 19. juni 2015 sosialurin 69 6 fólkatingsval Sjúrður setti persónligt met Men tað er langt fram til hægstu perónligu atkvøðutølini, sum Finnbogi Ísakson, Óli Breckmann, Pauli Ellefsen og Jóannes Eidesgaard eiga Eirikur Lindenskov F ólkatingsvalið hjá Sjúrða Skaale var fantastiska flott. Javnaðarflokkurin vann seinna mannin, og Sjúrður vann tingsessin við nógv hægri atkvøðutali, enn hann vann fólka­ tings­sessin fyri næstan fýra árum síðani. Í gjár vóru tað 2.495, sum atkvøddu fyri Sjúrði Skaale. Fyri fýra árum síðani fekk hann 1.539 perónligar at­ kvøður. Tað vóru harvið 956 fleiri, sum hesa­ferð valdu fólkatingsmannin hjá Javnaðarflokkinum. Merkisvert er tað eisini, at hetta er fyrsta ferð­in síðani 1981, at tað er eydnast Javn­ aðar­flokkinum at endurvinna fólka­ ting­sessin. Undan valinum varð møguleikin vendur, um tað skuldi eydnast Akseli V. Johannesen, formanni í Javnaðar­ flokkinum, at vinna sess­in frá floksfelaganum. Aksel V. Johannesen fekk 1.174 atkvøður. Fyri fýra árum síðani var persónliga atkvøðutalið hjá Askeli 985. Næstflestar persónligar atkvøður á fólkatingsvalinum í gjár fekk Edmund Joensesn. Persónliga at­ kvøðu­talið hjá Edmundi Joensen var í gjár 2.416. Hetta er nógv hægri, enn Edmund nakrantíð hevur rokkið áður. Tá ið hann varð valdur fyrstu ferð í fólkatingið í 1994, fekk hann 663 persónligar atkvøður. Tá ið hann varð valdur í 2007 var persónliga at­kvøðu­ talið 931, og fyri fýra árum síðani var tað 1.578. Í gjár var persónliga atkvøðutalið hjá Edmundi 838 hægri enn fyri fýra árum síðani. Hetta kann ikki annað enn kennast at vera álitisváttan hjá Edmundi. Men tað er torført hjá honum at fegnast um fína persónliga úrslitið, tí methøga persónliga talið bar ikki afturval til fólkatingið við sær. Færri velja Høgna Tað kom óvart á Høgna Hoydal, at hann av nýggjum vann fólka­ting­ sessin. Høgni varð fyrstu ferð valdur á fólkating í 2001, tá ið persónliga atkvøðutalið hjá honum var 2.641. Fýra ár seinni – í 2005 – varð hann valdur við 2.799 persónligum at­ kvøðum. Í 2007 varð hann valdur við 2.557 persónligum atkvøðum, og tá ið hann fyri fýra árum síðani fall, var per­sónliga atkvøðutalið 1605. Í gjárkvøldið vann Høgni Hoydal fólka­tingsessin aftur. Hesaferð var persónliga atkvøðutalið 1477. Tað er lægsta persónliga atkvøðutalið hjá Høgna Hoydal í teimum fimm fólka­ tingsvalunum, har tað hevur verið møguleiki fyri at atkvøða fyri hon­ um. Sjálvandi er tað lætt hjá Høgna Hoydal at bera afturgongdina í per­ sónliga atkvøðutalinum, tí valið bar við sær, at Tjóðveldi vann sessin frá Edmundi Joensen og Sambands­ flokkinum. At tað eydnaðist Høgna Hoydal og tjóðveldinum at vinna umboð í fólkatinginum komst eisini av, at nýggja valevnið, Magni Arge, fekk 1.082 perónligar atkvøður. Eingin skalar Anniku Eisini hesaferð var Fólkaflokkurin ov stuttur. Harvið hevur flokkurin ikki vunnið umboð í danska tinginum, síðani fyrrverandi formaðurin og løgmaðurin Anfinn Kallsberg í 2005 vann annan fólkatingsessin. Tá var persónliga atkvøðutalið hjá honum 3.276 atkvøður. Hægsta persónliga atkvøðutalið hjá Fólkaflokkinum hesaferð var tað hjá Anniku Olsen. 1.754 settu krossin út fyri henni. Fyri fýra árum síðani var Annika eisini toppskorari hjá Fólkaflokkinum. Ta ferðina var atkvøðu­talið 1.193. Talan var harvið um framgongd upp á 561 atkvøður. Fyri fýra árum síðani var tað merkisvert, at persónliga atkvøðu­ talið hjá Jørgeni Niclasen, formanni í Fólkaflokkinum var 343. Tá var hann á fjórða plássi í Fólkaflokkinum. Umframt Anniku Olsen fingu eisini Jacob Vestergaard og Jákup Mikkelsen fleiri atkvøður enn for­ maðurin. Í gjár royndist tað betri hjá Jørgeni Niclasen. Persónliga atkvøðutalið hjá honum var 531, sum var tað næsthægsta hjá Fólkaflokkinum. Serliga í Vágum var framgongdin hjá formanninum í Fólkaflokkinum merkis­verd. Á Giljanesi var fram­ gongdin hjá fólkaflokkinum 5,8 prosent, og Jørgen Niclasen fekk 100 at­kvøður. Í Sørvági var framgongdin 3,5 prosent, og Jørgen Niclasen fekk 107 persónligar atkvøður. Langt til hægstu tølini Hóast bæði Sjúrður Skaale og Edmund Joensen fingu nógvar per­ són­ligar atkvøður og settu persónlig met á valinum í gjár, so er tað langt frá atkvøðutalinum hjá teimum og fram til hægstu persónligu atkvøðutølini nakrantíð. Hægsta persónliga atkvøðutalið nakrantíð á fólkatingsvali er tað hjá Finnboga Ísakson, sála, í 1988. Ta ferðina var hann einsamallur valevni fyri Tjóðveldi, og tá atkvøddu 4.434 fyri honum. Næsthægsta persónliga at­ kvøðu­talið nakrantíð er tað hjá Óla Breckmann, tá ið hann í 1998 varð valdur fyri sættu ferð á rað á fólka­ ting. Ta ferðina var persónliga at­ kvøðu­talið hjá honum 3.980. Tá ið Jóannes Eidesgaard í 2001 datt úr fólkatinginum, var persónliga atkvøðutalið hjá honum tað trið hægsta nakrantíð. Tá vóru tað 3.689, sum settu krossin fyri Jóannesi Eidesgaard. Fjórði hægsta persónliga at­ kvøðu­talið eiga Pauli Ellefsen og Óli Breckmann. Á valunum ávikavíst í 1979 og 1987 fingu teir 3.681 perónligar atkvøður. Mynd: Álvur Haraldsen