mikudagur 24. juni 2015síða 2

Mikudagur 24. juni 2015 · Nr. 71 mikudagsblaðið Stovnaður: 1927 Útgevari: Sp/f Sosialurin Uppseting: Sosialurin Ábyrgdarblaðstjóri: Eirikur Lindenskov eirikur@sosialurin.fo Prent: Prentmiðstøðin Avgreiðsla: mán - frí kl. 08.00 - 16.00 Marknaðardeild lysing@sosialurin.fo Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Norðoyggjar Nólsoyar Pálsgøta 1, 700 Klaksvík tel. 458686 fax 458687, klaksvik@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Tel. 341800 www.sosialurin.fo Oddagrein Dagsins redaktørur: Eirikur Lindenskov Løgmaður hevur sagt ósatt fyri løg­ ting­inum, og Kári P. Højgaard, fyrr­ ver­andi landsstýrismaður, hevur hild­ið aftur týðandi upplýsingum fyri løg­tinginum. Tað er kritiska niðurstøðan í frá­ greið­ing­ini, sum Hans Gammeltoft- Han­sen legði fram í løgtinginum seinn­a­part­in týsdagin – beint fyri evst­a­mark áðrenn hetta blaðið skuldi send­ast í pressuna. Tí kunnu vit nú spyrja, um ein løg­maður kann lúgva – og tað fyri Føroya Løgtingi, sum hevur valt hann í høga embætið. Áðrenn Hans Gammeltoft-Han­ sen var liðugur at leggja fram frá­ greið­ing­ina fyri løgtingum og fjøl­miðl­um, sendi løgmaður sína nið­ur­støðu – og skrivaði soleiðis til miðl­ar­nar: – Ein byrða er lyft av mínum herð­ um. Fyrst av øllum fegnist eg um, at kann­ing­ar­stjórin staðfestir, at tað rætt­arliga ikki er grundarlag fyri at fara víðari við málinum. Eg eri glað­ur um, at hvør steinur er vend­ur í máli­ num. Hetta hevur per­són­liga verið ein trup­ul og tyngj­andi tíð, sum nú er av, sigur hann. Og sjálvt um kanningarstjórin stað­festir í frá­greið­ingini, at løg­mað­ ur segði ósatt fyri løg­ting­i­num, tá hann segði seg einki at hava at gjørt við av­taluna við CIP, so endurtekur løgmaður í tíð­ind­a­skriv­i­num, sum hann sendi meðan Hans Gam­m­el­ toft-Hansen legði fram frá­greið­ing­ ina í løgtinginum, at hann ikki hevur gjørt av­taluna við CIP. Uttan iva verður nógv munn­høgg­ arí um hetta mál. Løg­mað­ur fer at halda uppá, at hann er púra ósekur, og tí tekur hann ikki avleiðingar av mál­i­num, sum til dømis at leggja frá sær. Hjá Kára P. Højgaard eru allar súð­ ir syftar. Hann er koyrdur frá sum lands­stýr­is­maður og hevur fingið sína pol­itiksu revsing. Trúvirðið hjá hon­um hev­ur fingið eitt álvarsamt skot fyri bógvin, og hann kemur valla upp á tal sum lands­stýr­ismaður aftur. Andstøðan kundi farið upp at gart­erað við misáliti og kravt av løg­ ting­i­num, at tað sendir løgmann til hús. Tað ger andstøðan valla. Tí fyri and­støð­una, sum skal út at fyrireika val­stríð, kundi tað ikki passað betur, at fremsti mótstøðumaðurin soleiðis er stempl­aður fyri at siga ósatt fyri løg­ting­inum. Vit síggja hann aftur og aftur í sjónvarpinum endurtaka ó­sann­indini. Fólkaflokkurin var í miklum stríði síðsta summar. Tað var um reppið, at Jørg­en Niclasen varð sendur til hús. Men løgmaður bjargaði honum og tryggj­aði honum sína politisku fram­tíð. Nú er tað Jørgen Niclasen, sum skal bjarga løgmanni. Og tað ger hann. Tí er tað nú Sam­bands­flokk­ urin, sum eigur trupulleikan – og sum má gera upp við seg sjálvan, um løg­ mað­ur kann lúgva... Sambandsflokkurin má gera av, um løgmaður kann lúgva Kann ein løgmaður lúgva? Eirikur Lindenskov eirikur@sosialurin.fo Mikudagsblaðið verður borið ókeypis til hvørt húsarhald í Føroyum! MÓTTØKA Í sambandi við, at Petur Skeel Jacobsen, veðurmaður í Miðlahúsinum seinastu sløku 20 árini, fyllir 90 ár sunnudagin, bjóðar Miðlahúsið til almenna móttøku í Miðlahúsinum í Tórsgøtu 1 í Havn, fríggjadagin 26. juni frá klokkan 15.00 til 17.00 Øll, vinir, familja og kenningar, eru hjartaliga vælkomin! MiðlaHúsið