mikudagur 24. juni 2015síða 26

SOSIALURIN oyggjaleikir 2 1939 27. juni - 3. juli 2015 Oyggjaleikir á Jersey Sekstandu oyggjaleikinir fara nú av bakkastokki. Oyggjaleikirnir í ár eru á Jersey. Ein oyggj, beint uttanfyri Frakland, sum samanlagt er minni í stødd enn Sandoyggin. Jersey er saman við Guernsey, Sarc, Herm og Alderney tær so­kallaðu kanaloyggirnar, ið liggja millum suður Ongland og Frakland. Fólkatalið á Jersey liggur umleið um 90.000 íbúgvarar. Kurvabóltur fyri fyrstu ferð Føroyingar skulu kappast í 12 ítróttargreinum á Jersey í summar. Tað verður í bogaskjóting, frælsum ítrótti, badminton, kurvabólti, súkkling – MBT og road, skjóting, borðtennis, tennis, golf, flog­ bólti, strandarflogbólti, triathlon og súkkling. Á leið 280 fólk vera við í føroyska ferðalagnum, sum hósdagin setur kósina móti Jersey. Merkisvert í ár, er at kurvabóltur á fyrsta sinni er við føroyskari umboðan. Harafturat er eisini vert at hava í geyma, at Føroyar nú aftur luttekur í svimjing. Tað gjørdi Føroyar ikki á oyggjaleikunum á Bermuda í 2013. Byrjaði í 1985 Alt byrjaði á Isle of Man í 1985, tá ið skipað varð fyri eini ítróttar­ kapping fyri oyggjalond. Hetta skuldi verða ein ítróttar­hátíð, sum skuldi vera einaferð. Tað eydnaðist tó so væl í 1985, at tað nú eru sekstandu oyggja­leikirnir, ið eru á skránni. Samstundis verður eisini hildið, at oyggjarnar hava brúk fyri eini kapping av hesum slag. Føroyar hava einaferð verið vertir fyri oyggjaleikunum – tað var í 1989, tá ið triðju oyggjaleikirnir vóru hildnir. Gott summarveður Sambært forsøgnunum, so kunnu vit vænta okkum oyggjaleikir við góðum summarveðrið. Á Jersey plagar tað at vera heitast í Juli mánað, tá miðal hitin liggur um 17 stig, og hesa ferðina verður einki undantak. Veðurmaðurin lovar fleiri dagar, har hitin liggur oman­fyri 20 stig, so alt talar fyri at okkara ítróttarfólk, fáa bestu um­støður at virka undir. Sekstandu oyggjaleikirnar fara nú av bakkastokki. Føroyar fara at kappast í 12 ítróttargreinum. Merkisvert er, at Føroyar nú aftur fer at luttaka í svimjing. Svimjing var ikki við á seinasta oyggjaleikunum, sum vóru á Bermuda fyri tveimum árum síðani Oyggjaleikablaðið 2015 Redaktørur: André Olsen Blaðfólk: Pætur Albinus, Neli Heldarskarð, Hilmar Jan Hansen og Heri Árnason Simonsen Myndir: Álvur Haraldsen, Eydbii Myndir og jersey pressmyndir Layout og umbróting: Pætur eyðunsson Jensen 1985: Isle of Man 1987: Guernsey 1989: Føroyar 1991: Áland 1993: Isle of Wight 1995: Gibraltar 1997: Jersey 1999: Gotland 2001: Isle of Man 2003: Guernsey 2005: Hetland 2007: Rhodos 2009: Áland 2011: Isle of Wight 2013: Bermuda 2015: Jersey Oyggjaleikarvertir síðani 1985: