mikudagur 24. juni 2015síða 28

SOSIALURIN oyggjaleikir 4 1939 27. juni - 3. juli 2015 So fara vit aftur á oyggjaleikir Líka síðani tað heila byrjaði á Isle of Man á sumri í 1985, altso fyri 30 árum síðani, hava Føroyar verið við, tá oyggjaleikir hava verið á skránni. Ta fyrstu ferðina vóru um 700 ítróttafólk úr 15 oyggja­samfeløgum við, men við árunum eru leikirnir støðugt blivnir størri og meira umfatandi. Hesaferð eru yvir 3.000 ítróttafólk við úr 24 oyggjasamfeløgum, og verður kappast í til­samans 14 ítróttagreinum, harav føroysku ítrótta­fólkini skulu kappast í bogaskjóting, frælsari ítrótt, badminton, kurvabólti, súkkling, fjalla­súkkling, skjóting, borðtennis, tennis, golf, flog­bólti, strandarflogbólti, triathlon og svimjing. Merkisvert er hesaferð, at Føroyar fyri fyrstu ferð eru við í kurvabólti, og so kunnu vit eisini fegnast um, at føroysku svimjararnir enn eina­ferð fara at kappast um heiðursmerki, tí svimjing­in var ikki við á Bermuda fyri tveimum árum síðani. Hinvegin er fimleikur, har tað eisini hevur roynst væl hjá okkum so mangan, ikki við hesa­ferð, eins og judo heldur ikki er tað. Savnast sum tjóð Samlaða føroyska ferðalagið telur um 275 fólk, og ferðast vit til Jersey við tveimum flogførum, sum vit hava leigað frá Atlantsflogi. Hópurin er av teimum størstu tey síðstu mongu árini, og tað er ógvuliga hugaligt, tí fyri fleiri av ítrótta­ grein­unum eru oyggjaleikirnir størsta ítróttaliga av­bjóðingin, tá vit tosa um at kappast uttan fyri landoddarnar. Og hugaligt er tað eisini, at oyggja­leikirnir hava hepnast okkum væl millum ár og dag, tá vit hugsa um vunnin heiðursmerki. Eisini ger seg galdandi, at meðan onnur lond hava olympisku leikirnar síggja fram til fjórða­ hvørt ár, eru oyggjaleikirnir ein hin størsta avbjóð­ingin hjá okkum. Hetta er einasta breiða ítrótta­kapping, ið megnar at savna okkum sum eina tjóð, og sum vit øll standa saman um. Vit gleðast um góð úrslit á oyggjaleikunum, og hesir leikir hava í mongum førum verið av­gerandi lopfjølin – bæði hjá dugnaligum ein­ stak­lingum og sum avgerandi royndin hjá heilum ítrótta­greinum. Fara at kýta seg Í ár eru leikirnir á eini av bretsku kanal­oyggj­ unum, Jersey, sum eisini var vertur í 1997, og her koma vit at kappast á eini oyggj, sum altíð hevur verið kend fyri eitt sera virkið ítróttalív. Somu­leiðis hava Isle of Man, Guernsey, Áland og Isle of Wight hýst leikunum tvær ferðir, og næstu ferð verða leikirnir fyri aðru ferð í Gotlandi. Føroyar hava ligið framvið meira enn eina ferð at hýsa leikunum aftur, men enn hevur tað ikki borið á mál hjá okkum. Okkara vón er sjálv­andi, at vit fáa leikirnar, men áðrenn tað gerst veru­ leiki, eru ymisk viðurskifti, ið skulu fáast upp á pláss. Vit arbeiða miðvíst við at finna føroyskari ítrótt størri og betri avbjóðingar, og við í teimum roynd­unum eru sjálvandi einir komandi oyggja­ leikir á føroyskari jørð. Her og nú snýr tað seg tó fyrst og fremst um, at okkara ítróttafólk á Jersey fara at kýta seg fyri at vinna Føroyum heiðursmerki, tí eingin løta er størri, enn tá vit fagna okkara egnu ítrótta­ fólkunum undir einum veittrandi Merki og við tjóð­sanginum rungandi úr hátalarunum. Vit vóna, at vit fáa nógvar slíkar løtur á Jersey og fara undir øllum umstøðum at gera okkara besta! Petur Elias Petersen ÍSF-forseti Fyri sekstandu ferð eru oyggjaleikir á skránni, og føroyingar eru – enn sum áður – millum tey mongu ítróttafólkini úr 24 oyggjasamfeløgum, ið kappast í 14 ymsum ítróttagreinum. Hesaferð fara vit avstað við einum stórum hópi, ið telur 275 fólk 1 Jersey 418 408 387 1203 2 Isle of Man 343 333 353 1029 3 Guernsey 335 349 363 1047 4 Gotland 208 173 170 551 5 Føroyar 162 155 183 500 6 Åland 153 160 134 447 7 Isle of Wight 150 138 182 470 8 Cayman-oyggj. 65 44 49 158 9 Saaremaa 60 72 71 203 10 Bermuda 56 54 64 174 11 Ísland 50 45 41 136 12 Rhodos 50 43 43 136 13 Gibraltar 44 48 74 166 14 Hetland 37 52 81 170 15 Minorka 28 25 33 86 16 Orknoyggjar 19 31 37 87 17 Ynys Môn 19 30 38 87 18 Grønland 15 19 26 58 19 Prince Edward Isl. 6 6 9 21 20 Malta 6 2 2 10 21 Hebridurnar 3 5 13 21 22 Sark 2 8 6 16 23 Falklandsoyggj. 1 5 11 17 24 Hitra 1 2 0 3 25 Frøya 1 1 2 4 26 Alderney 0 2 3 5 27 Saint Helena 0 0 2 2 G S B Tils.: Søguligt yvirlit yvir oyggjaleika­ heiðurs­merki 1985-2013. Ísland og Malta fóru úr oyggjaleikunum fyri at taka lut í Small Nations Games. Prince Edward Island er ikki longur partur av oyggjaleikunum. Føroyar eru nummar fimm á tí søguliga yvirlitinum við 500 oyggja­leikaheiðursmerkjum.