mikudagur 24. juni 2015síða 30

SOSIALURIN oyggjaleikir 6 1939 27. juni - 3. juli 2015 Fjallasúkkling hevur góðar vónir Torkil er betri enn nakrantíð Seinastu oyggjaleikir eydnaðist tað ein av smærri og minni kendu ítróttargreinunum í Føroyum, fjallasúkkling, at fáa eitt bronsuheiðursmerki heim við. Tað er vón um tað sama hesaferð, og heiðursmerki í liðkappingini er eitt mál – Formurin hevur ongantíð verið betri, sigur Torkil Veyhe, sum er stóra heiðursmerkjavónin hjá súkklingini, sum sendir fimm mans til Jersey Ein av teimum smærri og minni kendu ítróttar­ greinunum á oyggjaleikunum, er fjallasúkkling. Føroyar luttóku fyri fyrstu ferð í 2007, og síðani tá hava teir verið við hvørja ferð fjallasúkkling hevur verið við á leikunum. Fyrstu ferð var Høgni R. Øster einsamallur við, men síðani tá hevur tað vundið upp á seg og á seinastu oyggjaleikum eydnaðist tað Helga Winther Olsen at vinna bronsu í cross country. Tvær kappingar Føroyski hópurin, sum telur fimm súkklarar, skal kappast tveir ymiskar dagar í tveimum ymiskum greinum. Cross country er ein teimum meiri krevjandi greinunum, har teinurin er áleið 3km og súkklað verður fleiri umfør og samanlagt gevur ein tein, ið tekur umleið hálvan annan tíma at súkkla. Hesin teinurin er helst tann sum liggur næst tað, sum vit kenna fjallasúkkling fyri – tað eru nógvar forðingar og teinurin er tekniskt krevjandi. Hin greinin er criterium. Hesin teinurin er 900m til longdar, trillrundur og er samanlagt styttri enn hin – hann tekur undir ein tíma. Á hesum teininum eru einans smærri forðingar og annars er tað fulldrøn á kassan, sum tikið verður til. Góðar vónir Fjallasúkkling er ikki serliga kent í Føroyum. Vit hava spurt ein av teimum royndastu fjallasúkklarunum, Høgna R. Øster, sum verður ferðaleiðari á Jersey, hvussu støðan er hjá hesum ítróttinum í Føroyum. – Umstøðurnar eru í lagi, um man er kreativur. Fyri tað mesta súkkla vit á grús-gongugøtum, tí tað er bannað at súkkla ímillum trøð, sigur Høgni, sum má viðganga, at tað er teimum ein mein­bogi tá ið súkkla verður uttanlands. Annars eru vónirnar góðar til oyggjaleikir. Danski Kenneth Ellefsen hevur lagt súkklarunum lag á seinasta árið, meðan Kári Brattaberg og Helgi Winter Olsen hava vant í Danmark, har teir búgva. Eisini hava allir verið við í kapping á Bornholm. – Helgi vann bronsu í cross country seinast og vit vóru tætt við bronsu í liðkappingini. Helgi er okkara størsta individiella heiðursmerkjavón, og at fáa heiðursmerki í liðkappingini er heilt klárt eitt mál, sigur Høgni R. Olsen. Hóast tað eru teir gulu súkklararnir frá Team Rynkeby, sum fylla mest í landslagnum í løtuni, so eru tað eisini nakrir inn ímillum, sum súkkla á allarhægsta støði. Fimm mans fara seinni í vikuni til Jersey, har teir skulu royna at súkkla heiðursmerki heim til Føroya. Torkil er við Avgjørdi profilurin á føroyska súkklulandsliðnum er aftur hesaferð Torkil Veyhe. Á seinastu oyggja­leikunum vann hann tvær silvur, og útlitini fyri at hann endurtekur bragdið eru til staðar, tí – sum hann sjálvur sigur – so hevur hann ongantíð verið betur fyri enn nú. - Formurin hevur ongantíð verið betri. Eg byrjaði fyrireikingarnar longu eftir seinastu leikir, tá eg bleiv nummar tvey í einkultstartinum og á landavegnum. Eg hugsaði longu tá, at hetta kundi eg gera betri. Eg havi lagt stóran dent á venjingarstrukturin frá vetur til nú, soleiðis at eg skal toppa á oyggjaleikunum, sigur Torkil, sum fyri stuttari tíð síðani hevur súkkað seg til triðja og annað pláss í tveimum stórum kappingum í Danmark, har hann býr. Eingin Guðmundur Í úttøkukappingunum her heima smurdi Guðmundur Joensen alla mótstøðu av. Hann hevði tískil verið úttikin, men av tí at hann íðkar triathlon og valdi tað framum, so loyva reglurnar honum ikki at súkkla eisini. Hann hevði uttan iva verið ein góður hjálpari hjá Torkili - og meir enn tað. – Eg havi ikki koyrt so nógv við Guðmundi seinastu tvey árini av tí at hann hevur koyrt øgiliga spesifikt triathlon, men tað er einki at ivast í, at hann er ein knasandi góður og sterkur súkklari, og hann hevði heilt sikkurt verið ein góð hjálp. Serliga hevði hann styrkt okkum um møguleikan at vinna liðmedalju á einkult­ startinum, sigur Torkil. Rætta liðið - Men tá tað er sagt, so hava vit heilt klárt tikið rætta hópin út eftir teimum umstøðum, sum vit koyra undir á Jersey, er Torkil skjótur at leggja afturat. Hann nevnir, at Bogi Kristiansen og Gunnar Dahl-Olsen sum altíð koma við nógvari vitan og taktiskum ráðum. Eisini rósar hann Dávi Magnussen og Jóanis Albert Nielsen, sum hann heldur vera væl koyrandi í løtuni. Fjallasúkkling Helgi Winter Olsen Jógvan Højgaard Hilmar Hansen Kári Brattaberg Sigmund Olsson Súkkling Torkil Veyhe Dávur Magnussen Bogi Kristiansen Gunnar Dahl-Olsen Jóanis Albert Nielsen