mikudagur 24. juni 2015síða 42

SOSIALURIN oyggjaleikir 18 1939 27. juni - 3. juli 2015 Møðgur skulu umboða Føroyar Hava góðar vónir Móðir og dóttir skulu umboða kvinnusíðuna hjá Føroyum í strandarflogbólti, meðan tveir fyrrverandi landsliðsveteranar skulu umboða liðið hjá monnum Sjúrður Knudsen, formaður í Skjótisambandinum, sigur at vónirnar eru góðar fyri góðum føroyskum úrslitum á Oyggjaleikum Tá Oyggjaleikir vóru á Bermuda fyri tveimum árum síðani, var tað fyrsta ferðin, at Føroyar lut­ tóku í strandarflogbólti. Tá umboðaðu Jens Heri Bolstad Mortensen og Alex Troleis liðið hjá monnum, meðan Lena í Buð og Guðrið Syderbø vóru á kvinnuliðnum. Menninir, Jens Heri Bolstad Mortensen og Alex Troleis komu tá í fjórðingsfinaluna, har teir tíverri vóru ov stuttir til at vinna ímóti Saaremaa, meðan kvinnurnar, Guðrið Syderbø og Lena í Buð komu í áttandapartsfinaluna, har tær taptu móti Cayman Islands. Hava vunnið úttøkukappingar Til oyggjaleikirnar í ár, eru nýggj umboð á bæði mannfólka og kvinnusíðuni. Sum nakað nýtt, so skipaði Flogbóltssam­ bandið fyri eini úttøku kapping fyrst í apríl í ár, har vinnararnir spældu seg til at umboða Føroyar á Oyggjaleikum. Hjá monnunum vóru tað teir báðir fyrrverandi landsliðsleikararnir, Jóan Petur á Stongum og Ólavur Jensen, sum vunnu kappingina, og vunnu sær rættin til at umboða Føroyar í strandar­flog­ bólti á Oyggjaleikum. Meðan á kvinnusíðuni vóru tað tær báðar, møðgurnar, Randi Larsen og Anna Larsen, sum vunnu. Hava fyrireika seg væl Á kvinnusíðuni eru tað tær báðar møðgurnar, Randi og Anna Larsen, sum skulu umboða Føroyar. Randi greiðir frá, at tað er eitt sindur serligt, at hon og dótturin skulu spæla á sama liðið, serliga tí at hon ikki var so ung, tá hon átti Annu. Randi er 49 ára gomul, meðan dótturin, Anna, er 17 ára gomul. Randi Larsen greiðir eisini frá, at tær av fyrstan tíð fóru til kappingina í Føroyum fyri at fylla kappingina. Tó visti hon, at tær sjálvandi høvdu ein møguleika fyri at vinna kappingina, sum tað eisini endaði við. Randi Larsen hevur tó ilt við at siga, hvørjar vónir tær hava til oyggjaleikirnar, tí at umstøður­ nar til strandflogbólt í Føroyum ikki eru millum tær bestu. – Vit hava roynt at fyrireika okkum so væl sum gjørligt, har vit serliga hava lagt dent á at vera í góðari konditión. Onkur av mót­støðu­lið­ unum hava betri umstøður enn vit, av tí at vit ongan vøll hava til strandflogbólt í Føroyum, men vit fara avgjørt eftir at gera okkara besta. Randi Larsen sigur at enda, at ein vøllur til strandflogbólt í Føroyum, hevði muna væl í fyri­reik­ingunum, og hon væntar eisini, at ein vøllur til strandflogbólt hevði strimba áhugan fyri flogbólti í Føroyum sum heild. Serliga um summarið, tá flogbólturin fyri tað mesta liggur stillur. Tað eru skjúttar við góðum vónum, sum fara av­stað til Jersey at umboða Føroyar á Oyggja­ leikum. Til skjótingina í skeet, vera tað tey somu um­ boðini fyri Føroyar, sum eisini vóru fyri tveimum árum síðani á Bermuda. Tað eru teir báðir, Marius F. Joensen og Sámal Debes, sum umboða Føroyar í skeet. Til kappingina á Bermuda fyri tveimum árum síðani, fingu Føroyar tvey gull heiðurs­ merkir í skeet. Í liðkappingini vunnu teir báðir, Marius F. Joensen og Sámal Debes gull, umframt at Marius F. Joensen vann eitt gull heiðursmerki sjálvur í skjóting. Í trap skjótingini verða tað tvey nýggj umboð, sum skulu umboða Føroyar. Tað verða teir báðir, Finn Ludvig og Alex Johannesen, sum skulu av­ loysa Esmar Andreasen og Ragnar við Streym, sum seinast umboðaðu Føroyar á Bermuda. Finn Ludvig er gamal í garði, tá tað kemur til skjóting, meðan hin maðurin, Alex Johannesen, er eitt meira óskrivað blað innan skjótingina. Alex Johannesen er einans 20 ára gamal. Sjúrður Knudsen, formaður í Skjótisam­ band­inum sigur, at tey hava góðar vónir til teir føroysku luttakarnar. Hann sigur at venjingar­ úrslitini hava verið góð, og at tað eisini gekk væl á Bermuda fyri tveimum árum síðani. Hann sigur tó, at skjúttarnir í ár koma at fáa størri mótstøðu enn á Bermuda fyri tveimum árum síðani, tí at fleiri lond hava boðað frá luttøku í ár, í mun til seinast. Trap skjúttarnir hava fyri tað mesta vant á venjingarvøllinum fyri trap skjúttar, sum er á Sandvíkarhjalla í Havn, men teir hava eisini verið uttanlands til kappingar. Sjúrður Knudsen greiðir frá. – Trap skjúttarnir hava verið niðri í Danmark til kappingar, har teir millum annað hava verið til eina kapping í Gilleje, umframt eina kapping á Amager. Úrslitini hjá teimum hava eisini verið góð. Sjúrður Knudsen sigur at enda at umstøðurnar til skeet skjóting eru eitt vet betri í Føroyum, av tí at vit hava fleiri banar til skeet skjóting. – Vit hava fýra banar til skeet skjóting í Føroyum, og luttakarnir hava vant ymsastaðni. So fyrireikingarnar til Oyggjaleikirnar hava gingið væl, og vit hava eisini góðar vónir til okkara skjúttar. Strandflogbóltur Menn: Jóan Petur á Stongum og Ólavur Jensen Kvinnur: Randi Larsen og Anna Larsen Skjóting Skeet: Marius F. Joensen og Sámal Debes Trap: Finn Ludvig og Alex Johannesen Eykaskjútti: Sjúrður Knudsen