hósdagur 25. juni 2015síða 45

13 Mentanarblaðið hjá Miðlahúsinum 6 • 26. juni 2015 Dorit Hansen ilt tú ikki hava okkurt at eta, er tað fyrsta Birgir Enni spyr meg, tá eg stingi høvdið niður í lugarið á Norð­ lýs­inum. Hann stendur inni í lítlu galluni, har ein grýta við eplum kókar á ká­ búss­uni. Við borðið sita tveir menn og hyggja svangir at spik­inum og turra fiskinum, sum bíða eftir eplunum. Eg sleppi mær niður eftir bratta leytaranum og seti meg á stól, sum stendur tungt og trygt á dúrkinum í fjálga rúminum. – Hesir báðir eru durkdrivnir maskinmenn. Eg eri stuðul hjá teimum, og so hjálpa teir mær við maskinuni við hvørt, sigur Birgir og blakar gaflar og knívar á borðið. – Annar er hvalbingur, men tað kan hann ikki gera við, og hin er sambandsmaður, og tað er tað eingin, sum skilir, heldur hann fram, meðan hann setir eplini á borðið. Tað er leygardagur. Hann sigur storm, og túr­ur­in, sum Norðlýsið skuldi gera út á Borðuna, er avlýstur. So Birgir Enni – skiparin, kokkurin og matfestival­sam­ skiparin – hevur sett tíð av at práta við Mentan eina løtu. – Sjálvandi eri eg sambandsmaður, sigur yngri maðurin við borðendan, meðan hann sker spikið. Vit hava ongantíð havt so lágt arbeiðsloysi, so landið má vera rætt stýrt. Birgir Enni ristir við høvdinum. – Tað er Jóannesi Eidesgaard fyri at takka, at vit hava havt Kaj Leo sum løgmann í átta ár. Tað var hann, sum vildi hava hann framat, og nú vil fólkaflokkurin ikki av við hann. – Bíða nú, letur í gamla hvalbinginum. Nú verður hann valdur til FIFA forseta, so fáa vit nýggjan løg­ mann. Birgir setir seg og fær sær eisini upp á tallerkin. Eg spyrji, hvussu hann fekk hugskotið til tiltakið Ein dagur á grynnuni, sum hevði upp móti 5000 vitjandi í mai. – Skalt tú skriva eina grein, spyr sambandsmaðurin. – Ja, hon arbeiðir umborð á Sosialinum, svarar skiparin. Hetta er mín matstova Tá útlendskir ráðharrar og týðandi handilsfólk vitja Føroyar, vilja tey umborð á Norðlýsið at eta. Tá danskur tónleikur skal sýnast fram úti í heimi, verður Birgir Enni biðin um at gera matin. Og tá størsti føroyski mat­ festival­urin fer av bakkastokki, er tað sjálvandi eisini skiparin á Norðlýsinum, sum stendur á brúnni. V ...Framhald á næstu síðu Mynd: Fotostudio/Finnur Justinussen »Tað er so óendaliga fjølbroytt og stórt. Og so arbeiðið at fáa tað at smakka. Tað er ein kunstur og fantastiska spennandi«