mánadagur 6. juli 2015síða 8

Mánadagur 6. juli 2015 · Nr. 76 8 Sosialurin Hugskot og viðmerkingar – send sms til 225000 Føroyska málið ger innrás á fartelefonir Nú verður lættari at skriva gott og rætt føroyskt á fartelefonum og paddum. Eirikur Meitilberg hevur ment nýtt knappaborð, sum ger tað lættari at brúka føroyskar stavir, og fólk fáa hjálp til orðaval og stavseting. Eyðun Klakstein Nýggja knappaborðið Speedy­ Key, sum er ment til iPhones og iPads, verður eitt stórt framstig fyri føroyska málið og føroyska stavseting í talgilta heiminum. Føroyska knappaborðið ger tað nógv lættari og skjót­ ari at brúka føroyskar stavir, og knappaborðið hevur inn­ bygd føroysk orðauppskot og rættstavara. – Tað hevur verið tosað nógv um at fáa føroyska málið við í nýggju, talgiltu miðlarnar, og eg eri fegin um, at eg kann hjálpa før­ oyska málinum við hesum knappaborðinum, sigur Ei­ rik­ur Meitilberg. Eirikur Meitilberg er 36 ára gamal og úr Havn. Hann er útlærdur miðlagrafikari og hevur millum annað arbeitt sum ábyrgdar­snið­ gevi fyri SMS og Eik. Fyri 5 árum síðani stovnaði hann sítt egna felag, Sp/f Meit­il­ berg Arts, sum bjóðar gra­ fiskar loysnir, heimasíður og mennir appir. Tað er felag hansara Sp/f Meitilberg Arts sum útgevur knappaborðið. Læra føroyskt Eitt av hugskotunum hjá Eiriki Meitilberg er í dag blivið veruleiki, tí SpeedyKey knappaborðið er nú at fáa á App Store.  – Fólk skriva nógv á sín­ um iPhone fartelefonum og iPaddum, og higartil hava føroyingar verið noyddir at brúka útlendsk knappaborð, sum hava verið torfør og sein at skriva føroyskt við. Hetta hevur gjørt tað trupult hjá fólki at skriva gott og pent føroyskt, tí stavir og stav­ seting hava ikki havt bestu umstøðurnar. Nýggja knappa­ borðið ger tað munandi lættari at brúka føroysku stavirnar, og orðauppskotini og rættstavarin hjálpa fólki at finna orð og stava rætt, sigur Eirikur Meitilberg. – Meðan eg havi arbeitt við knappaborðinum, havi eg eisini funnið út av, at eg havi lært nógv um føroyskt mál við at brúka orðauppskotini og rættstavaran. Eg eri heilt einfalt blivin betur til at skriva føroyskt.  – Eg vóni eisini, at eitt nú føroyingar í Danmark, sum skifta til at skriva danskt á fartelefonum og paddum, nú fáa lættari við at skriva føroyskt, sigur hann. Út í heim Eirikur Meitilberg hevur seinastu 9 mánaðirnar arb­ eitt við at menna føroyska knappaborðið. Tað byrjaði sum eitt hugskot at gera tað lættari at fáa strikurnar uppi yvir í, ý, á og hinum bók­ stavunum, men hug­skot­ið vaks seg so størri til at blíva eitt ambitiøst projekt um at gera eitt altjóða knappaborð, har føroyskt er ein týdn­ing­ armikil partur. Eirikur hevur brúkt for­ ritarar í einari indiskari fyritøku, sum er von við at menna appir. Fyritøkan hevur ment eini 650 appir, og stórt tal av teimum enda á hittlistum yvir mest niðurtiknu appir.  – Knappaborðið inniheld­ ur eisini eina danska og enska útgávu, sum tað ber til at skifta til. Hetta er í grundini eitt norðurlendskt knappaborð, og hini norð­ ur­lendsku málini skulu eis­ ini sleppa upp í part, sigur Eirikur Meitilberg. Í fyrstu syftu verður knappaborðið bert selt í Føroyum og Danmark, men ætlanin er við tíðini at selja tað í øðrum londum, og eisini fáa onnur mál við – til dømis franskt, spanskt og týskt. – Av tí at knappaborðið eisini verður selt á altjóða marknaðinum, havi eg valt at geva tí eitt enskt navn, SpeedyKey. Hetta navnið er lætt at minnast uttanlands. Fyrra helvtin av navninum “Speedy” merkir “skjótleiki” ella “skjótt", og seinna helvt­ in “Key” merkin “knappur” ella “knappaborð”. Grund­ hugsanin er, at tú skrivar skjót­ari við SpeedyKey knappa­borðinum, sigur Eir­ ikur Meitilberg. Snarvegir SpeedyKey er ikki bert eitt knappaborð við føroyskum máli. Hugskotið við knappa­ borðinum er eisini at gera tað skjótari at brúka ymiskar funktiónir í einum knappa­ borði. – Til dømis kanst tú flyta vísaran við at trýsta á glopp- knappin og førka fingurin til vinstru og høgru fyri at gera møguligar rættingar, og tað er eisini skjótari at sletta heil orð og skriva tøl og tekin við einum fingrasveiggi. Harafturat hevur Speedy­ Key eisini eina nýggja tæn­ astu, sum onnur knappaborð ikki hava. Tú kanst leggja standard boð inn á Speedy­ Key og við einum knappi innseta hesi boð. Hetta er serstakliga gott til at innseta sín signatur, teldupost ad­ ressur og líknandi. Tú kanst eisini tilknýta eina áminning til hesi boð, so tú sum dømi kundi valt “Eg eri upptikin - vendi skjótt aftur” og so valt at fáa eina áminning um 10 minuttir, so tú ikki gloymir avtaluna. Skal seljast uttanlands SpeedyKey knappaborðið byrjaði sum eitt hugskot at gera tað lættari at brúka føroyska málið í iPhone og iPad, men knappaborðið kann nú eisini keypast uttan­lands. – Tað hevur kostað nógv at ment hetta knappaborðið, og sølan í Føroyum verður ikki nóg mikið til at fáa pengarnar innaftur. Tí havi eg hugsað frá byrjanini um, at hetta knappaborðið eisini skuldi vera áhugavert fyri tann útlendska brúkaran, og á tann hátt fáa íløguna afturgoldna, sigur Eirikur Meitilberg. – Eg kundi ynskt mær, at allir føroyingar fingu knappa­ borðið ókeypis, hetta hevði verið besta loysnin, men tað havi eg ikki møguleika til, sum nú er, sigur Eirikur Meitilberg. SpeedyKey kostar 25 krón­ur á App Store og fæst bert til iPhone og iPad við iOS 8 stýrisskipan. – Arbeiðið at menna knappaborðið heldur fram, og dagføringar verða gjørdar av tí í framtíðini, sigur Eirikur Meitilberg. Ein heimasíða er gjørd til knappaborðið, har fólk kunnu lesa um tað og fáa hjálp. Heimasíðan eitur: www.speedykey.com eydun@sosialurin.fo - Tað hevur verið tosað nógv um at fáa føroyska málið við í nýggju, talgiltu miðlarnar, og eg eri fegin um, at eg kann hjálpa føroyska málinum við hesum knappaborðinum, sigur Eirikur Meitilberg Mynd: Álvur Haraldsen