mánadagur 6. juli 2015síða 36

vika 28 • 6. juli 2015 4 Miðlahúsið Ókeypis lýsingarblað Eri ikki stressaða týpan Lýs teg sjálvan við trimum orðum:   Rólig, jalig og álítandi Hvat merki er bilur tín? Volvo S40 Hvat merki er telefon tín? Samsung Galaxy S5 Mini Hvør er tín besta summarfrítíðaruppliving? Tað er ótrúliga ringt at velja eina burturúr, man hevur havt so nógvar, um skal eg velja eina, verður tað brúðarferðin í Rom. Hvat orð ella hvønn setning nýtir tú oftast? Tvætl, tað er ikki so farligt... Hvørjum hyggur tú at hjá hinum kyninum? Tað man verða andlitinum, persónligheitin hevur sjálvandi nógv mest at siga, men tað bilar ikki um hann eisini er penur. Hvat ger teg í góðum lag? Maðurin og døtrarnar, at NSÍ vinnur og at onnur eru í góðum lag. Annars nýtist mær ikki endiliga eina orsøk til at verða í góðum lag, um alt gongur væl og øll eru frísk, so eri eg í góðum lag. Hvat stressar teg? Tá eg eri sein á veg og genturnar ikki tíma at skunda sær. Annars eri eg ikki endiliga tann stressaða týpan, tað skal nokk so nógv til, áðrenn eg stressist. Hvør er tín yndisrættur? Ræst kjøt og súpan. Hvat gleðir teg? Ein góður filmur, at hugna mær við vinum, bindiklubbur, tá vinir og familja flyta heim til Føroya og alt møguligt annað. Hvat var seinasta ynskið, sum tú fekst uppfylt? Eg slapp at sova leingi sunnumorgunin. Hvar arbeiðir tú? Eg eri akkurát byrja sum dagligur leiðari í Kaffihúsinum. Hví valdi tú at arbeiða innan júst hesa vinnu ella øki? Síðan eg var heilt ung, havi eg arbeitt innan matstovu og ferðafólkavinnuna. Eisini undir lesnað í Danmark starvaðist eg innan hetta økið, og eg havi dámt tað væl og helt tí, at tað var eyðsýndur møguleiki, tá Kaffihúsið leitaði eftir leiðara. Hvør er stuttligasta uppliving tín í starvinum? Eg eri akkurát byrja, so eg havi ikki upplivað so nógv enn, men tað koma heilt sikkurt nógvar stuttligar løtur. Hvørjum tónleiki lurtar tú eftir? Eg elski tónleik, og lurti altíð eftir tónleiki, tá eg havi møguleikan, Sting, Stevie Wonder, George Michael osfr.. Mær dámar eisini sera væl føroyskan felagssang, tá ið man situr til veitslur og syngur og midnáttarsangin á Ólavsøku. Country og klassiskur tónleikur er nokk tað, eg lurtið minst eftir. Hvat er besta uppfinningin og hví? Tað eru ógvuliga nógvar góðar uppfinningar til dømis hjólið og flogfarið. Men afturat tí er ein sutta heilt fantastisk, hon hevur hjálpt nógvum foreldrum gjøgnum strævnar tíðir :) Hvat er besta íløgan, tú hevur gjørt? Tað man verða Quookarin, sum vit keyptu til køkin, har fái eg kókað vatn beinleiðis úr krananum, og tað er deiligt, tá ið man eigur smá børn, og tá man er tedrekkari. Hvat er títt besta heimaráð? Eg havi onki heimaráð, eg vildi ikki kallað meg nakað raska húsmóður við nógvum góðum fiffum. Men eitt gott ráð er at lata vera við at stressa um órudd, tað fer ongan veg, og í veruleikum er tað ongin, sum leggur í, um tað er órudduligt inni hjá tær, so hava tey í hvussu so er ov lítið at ganga uppí. Hevur tú nakað húsdjór?  Noy Hvat hevði tú gjørt, um tú vann eina millión?   Goldið ein part av húsaláninum og hugnað mær við familjuni.    Hvat hevði tú gjørt, um tú vann tíggju milliónir? Goldið húsinið, keypt ein lekkran bil, keypt babba ein Mercedes, givið mammu okkurt, givið systkinum eitt sindur, latið til vælgerðandi endamál, gjørt íløgur, og so var nokk ikki so nógv eftir. Hvat er best við Føroyum og hví?  Familja, vinir, náttúran og tryggleiki og so nógv annað. Hvar ert tú um 10 ár ? Hoyma í Havn Selma Herup Lat vera at stressa um órudd – tað fer ongan veg Stólurin í stólinum hesa vikua