mánadagur 6. juli 2015síða 46

vika 28 • 6. juli 2015 14 Ókeypis lýsingarblað Tað verður av sonnum ein stórsligin og forkunnug konsert, sum verður við Brúnna, tá Týr trína á pall. Bólkurin spælir næstan bara uttan fyri Føroyar – men tá teir spæla her heima, er tað altíð eitt brak av eini konsert. At Týr eru eitt stórt navn úti í heimi, eru vísingarnar á YouTube besta dømið um, tí teirra videoløg eru víst fleiri milliónir ferðir. Bólkurin, sum byrjaði í 1998, hevur í dag sáttmála við plátufelagið Metal Blade Records, sum hevur útgivið eitt nú Metallica, Manowar og Slayer. Tað sigur ikki so lítið um dygdina hjá bólkinum. Í føroyskum samanhangi vunnu Týr í fjør ikki færri enn tríggjar virðislønir á FMA. Bólkurin, sum spælir tað, tey rópa víkingamálm, hevur latið ikki færri enn sjey útgávur úr hondum, sum hava selt sera væl uttan fyri Føroyar. Týr telur fýra limir, men ljóða sum teir eru 40 á pallinum. Tað er hart, tað er kontant, men fyrst og fremst er tað ein stórsligin uppliving at hoyra og síggja vælsmurdu maskinuna. Týr í skúlagarðinum á Oyrarbakka – tað ljóðar ov gott til at vera satt, men tað er tað ikki. Týr spæla við Brúnna. Signar í Homrum hevur verið virkin í tón­ leiki í fleiri enn 25 ár. Í 90’unum gjørdi hann serliga um seg í bólk­ inum Kjølar, sum var ein av best dámdu bólk­ unum tey árini. Signar hevur eisini skrivað sangir og tekstir til onnur, so sum All That Rain og Jens Marna Hansen. Seinnu árini hevur Signar spælt saman við bólkinum ROX. Síðani útgávuna “Myrka Nátt” frá 2012 hevur Signar veruliga stað­fest sína støðu sum solistur, og við løgum sum ”Tað er gott at elska”, ”Kærleikans Mátt” og ”Nú ert tú her” hevur hann síðani mest sum verið at rokna sum fólka­ogn. Hon er bara 25 ára gomul, men tað eru longu nógv ár síðani, at hon legði Føroyar fyri sínar føtur – og nú kemur hon so at spæla fyri okkum við Brúnna. Fyrr í ár vann Kristina Bærendsen tvær FMA virðis­lønir, hetta sum Ársins sangari og Ársins bólkur í flokkinum Folk, country og blues. Herfyri gav Kristina eisini út sjón­banda­ lagið Johnson City, so tað er av sonnum ein háaktuell dama, sum vit sleppa at uppliva. Kristina hevur útgivið tvær fløgur sjálv, Kristina í 2012 og Nothing’s here to stay í 2014, ið báðar eru met­sølu­fløgur. Áðrenn hetta hevði hon gjørt vart við seg saman við Halli Joensen, har hon byrjaði at syngja sum 18 ára gomul. Tónlistarligu gávurnar hevur Kristina ikki frá fremmandum, tí pápi hennara er fyrsti føroyski countrysangarin Alex Bærendsen, og mamman, Andriása, var virkin í Midnáttar­ sang­bólkinum. Henda bólkin koma vit ikki at hoyra við Brúnna í ár, hinvegin eru bæði Alex og Kristina á skránni. Ummælini hon fær, eru bara góð. Kristina er ein tann fremsta røddin, vit eiga í Føroyum yvir­ høvur og fevnir bæði um tann kensluborna og tann lættara tónleikin. Hon fer at fram­føra við góða tón­leika­bólk­inum Brothers Inc. aftan fyri seg. Flamma er ein bólkur, ið er kendur fyri sínar orkumiklu framførslur, og sum veruliga megnar at fáa lív í fjøldina og fáa áhoyrararnar við. Tey spæla egið tilfar, men hava eisini ein serligan eginleika at taka kend løg til sín og gera tey til síni egnu. Bólkurin hevur drúgvar royndir á stóru pallunum kring landið. Tey hava spælt á eitt nú Summarfestivalinum, Voxbotn, Tórspalli, Tórsvølli og á Country Festivalinum. Flamma góvu út sína fyrstu fløgu í 2013, og við løgum sum eitt nú “City Lights”, “Stay Like This Forever” og “Not Out Of Love” varð hendan fløga væl móttikin og fekk eisini umrøðu uttanlands. Flamma eru í løtuni í upptøkuhøli og spæla inn nýggj løg, so fólk kunnu gleða seg til at hoyra okkurt av tí nýggja tilfarinum hjá bólkinum. Týr Signar í Homrum Kristina Bærendsen Flamma kl. 00.30 kl. 22.00 kl. 20.45 kl. 21.15