mánadagur 6. juli 2015síða 50

vika 28 • 6. juli 2015 18 Ókeypis lýsingarblað Marni Kruse er ein ungur og spennandi tónleikari av Oyrarbakka, sum eisini framførdi við Brúnna í fjør. Tað seinasta hálva árið hevur hann íðin arbeitt við sínari fyrstu EP, sum júst er komin á marknaðin. Við egnum løgum og tekstum tekur hann oftast støði í evnum úr gerandisdegnum. Marni hevur seinastu tíðina verið nógv frammi í útvarpinum við sangunum "Back Together", "Boombox Songs" og "She's Beautiful". Janus Trúgvason er ættaður úr Hósvík, men er búsitandi í Danmark. Hann hevur spælt tón­ leik í nógv ár og fram­ førir ofta til tiltøk niðri. Hóast Janus Trúgva­ son fyri tað mesta er kendur úr bólk­inum Safir, so er tón­leik­urin, sum hann fer at fram­ føra Við Brúnna ein bland­ingur av kvæðum og vísum. Nógv av til­ far­inum er sjálv­kompo­ nerað og møgu­liga verður onkur sálmur at hoyra eisini. Janus syngur og spælir guitar. Hann verður tó ikki einsa­mallur á pallinum, tí at Eyðun Mohr Hansen kemur at framføra saman við honum. Eyðun Mohr Hansen spælir m.a. saman við Anniku Hoydal og Martini Joensen. 13 ára gamla Maria á Lakjuni fer at syngja við Brúnna 11. juli í ár. Sangfuglurin úr Fuglafirði gjørdist landskend, tá ið hon fyri tveimum árum síðani gav fløguna “Vøkur er verðin” út. Serliga var tað lagið “Sum eitt summar”, ið var nógv at hoyra - og er tað eisini enn. Maria er júst byrjað upptøkurnar til fløgu nr 2, so hon hevur nokk um at vera í hesum døgum. Við sær til Brúnna hevur hon eitt orkestur, har pápi hennara saman við trimum ungum harrum fer at spæla undir. Hon fer bæði at syngja løg av fløguni “Vøkur er verðin” og eisini nýggjari sangir, henni dámar at syngja. Síðani Jensina var barn, hevur hon fingist við at gera sangir og sendingar til børn. Børnini kenna hana frá sjónvarpinum, har hon saman við Ljóðfílinum upp­ livir mangt og hvat í Ding ding Pippting og í Ding dang Pappsang. Tónleikur er drívmegin í nógva tilfarinum, hon hevur lagt eftir sær. Hon hevur spælt inn tvær barnafløgur og útgivið tríggjar DVD’ir við upp­runa­tilfari til børn. Hon er út­búgvin innan gykl, sjónleik, tónleik og myndlist. Síðstu tvey árini hevur hon arbeitt sum sjálvstøðugt vinnu­rekandi í fyritøkuni ‘Purluknokki’. Hennara fram­førslur eru eyðkendar og altíð ein blanding av øllum møguligum gyklandi, tvætlandi og tónleikaligum upplivingum. Hon fer at syngja, roksa og snakka um alt millum himmal og jørð, og hon ætlar eisini, at børnini skulu syngja við onkuntíð. Og hvat man hon hava við í kuffertinum? Hon sigur, at hon gleðir seg til at spæla í Sunda­lag­ num, tí tú blívur í so øðiliga góðum lag av at spæla har. Ella sum hon sigur: Tað er bara eitt lag, sum er betri enn gott lag, og tað er Sundalag! Ungdómurin í Sunda Kommunu hevur fingið eitt ung­dóms­hús, har tónleikurin ljómar – Garnhúsið á Oyri. Tankin er, at ungdómurin við atgongd til eitt tílíkt tón­leika­umhvørvið fær møgu­leika at royna seg tónleikaliga. Og fyrsti tónleika­bólkurin haðani er nú klárur at framføra. Tey høvdu eina fína fram­ førslu Við Brúnna í fjør og hava verið umbiðin í nær­ umhvørv­inum til smærri tiltøk, men nú skulu tey so royna seg á øðrum sinni til stóra tiltakið Við Brúnna. Limirnir í bólkinum eru: Sang: Silja Johannesen, Guitar: Teitur Midjord, Guitar: Janus Foldbo Holm, Bass: Eyðun Hansen og trummur: Janik Jensen. Marni Kruse Butterflies Janus Trúgvason Maria á Lakjuni Pippkonsert við Jensinu Olsen kl. 01.30 kl. 15.30 kl. 17.15 kl. 16.30 kl. 19.45