mánadagur 6. juli 2015síða 52

vika 28 • 6. juli 2015 20 Ókeypis lýsingarblað Martin Joensen hevur verið virkin á føroyska tón­leika­pallinum í útvið fýrati ár. Í høvuðsheitum sum limur og virkin sang­ skrivari í Vestmonnum, og síðani mitt í áttatiárunum sum solistur. Martin skrivar bróðurpartin av sínum tilfari sjálvur. Millum kendastu sangirnar er upplagt at nevna Ró, Morgun, Svarta Ravn og Uttan teg, sum er ein sálmur, ið er við í nýggja sálmabókaískoytinum. Gjøgnum ár og dag eru komnir út ímóti hálvt­annað­ hundrað sangir frá Martinsa hond. Flestu av hesum fram­førir Martin sjálvur, meðan aðrir eru skrivaðir til ymsar føroyska solistar. Martin ger tann dag í dag nýggjan tónleik. Fyrr í ár gav hann út lagið Í tøkum tíma, sum hevur verið nógv spælt í Útvarp­ inum. Martin er pápi Sakaris, sum eins og pápin er virkin tónleikari og millum annað hevur framleitt og miksað lagið, sum Martin gav út fyrr í ár. Martin Joensen er altíð garantur fyri eini erligari og inniligari framførslu. Tað eru tveir navnframir menn, sum leggja navn til bólkin Stongum & Guttesen. Magnus og Jóan Jakku hava gjørt Tinganest til ein sannan kultbólk – teir eru ímyndin av vágasoundi. Vága­soundið er íborið og eyð­kennir eisini tað, teir hava lagt eftir seg hvør í sínum lagi. Tá Tinganest vitjaði við Brúnna í fjør, var talan um eina ser­stak­ liga góða konsert, har vit komu í gjøgnum alt repertoireð frá góðu gomlu slagarunum til tað nýggjara tilfarið. Llítið er at ivast í, at vit fara at hoyra alt frá Upp á tá, Annan sang, Vágagellan og Síðsti dansur til Kom heim, DC4 og kanska onkran fótbóltssangin eisini. Heldur ikki er tað óhugsandi, at teir báðir fara at spæla løg hjá Vágaverki, sum Jóan Jakku er annar høvuðs­ persónurin í. Eitt av nýggju nøvn­ unum við Brúnna verður Tummas Jóhan Larsen av Eiði. Tummas er 22 ára gamal og syngur og spælir guitar. Hann hevur fyri tað mesta fram­ført í lokala um­ hvørv­inum, men hevur tó verið í finaluni í bæði tón­leika­kappingini Sement og Singer/song­ writer kappingini fyri nøkrum árum síðani. Tummas spælir mest cover­løg, men tó onkur egin løg eisini. Tummas er tón­leika­liga væl fyri, og fer at framføra Við Brúnna leygardin 11. juli. Havnarkonan á Langa­ sandi, sum syngur á skálvíks­ máli, hevur sungið so leingi, sum menn vita um. Tað er neyvan nakar pallur í land­inum, hon ikki hevur staðið á, og hon hevur nú í stíva hálva øld fingið fólk at lurta, dansa og syngja við. Saman við systkjum sínum legði hon frá landi mið­skeiðis í fimmtiárunum, og meðan Útvarpið sleit barna­skógvar sínar, gjørdist Nicolina fólkaogn. Vit kunnu avdúka, at hon kemur at undirhalda okkum Við Brúnna við fleiri av sínum landa­plágum m.a. ”Tá kvøldið kemur” og ”Mær leingist” saman við góðum tónleika­bólki. Norrøna Dansband varð stovnað aftan á ein har­ moniku­túr við Norrønu, og navnið hava teir grundað á, at teir hittust og spældu saman fyrstu ferð umborð. Teir spæla væl­svingandi dansitónleik við íkasti av dansband og countrytónleiki, og hava allir drúgvar royndir frá før­ oyska dansi­um­hvørv­inum. Manningin í Norrøna Dansbandi hevur verið virkin í dansiumhvørvinum í nógv ár, og hava flest allir spælt til dans við ymiskum bólkum í eitt mannaminni. Vit minnast millum annað Ólav Magnussen frá “Roberti, Jákup og Ólavi”, og vit minnast Erling Berg frá bólkum sum “Berg og Jacobsens dansi­orkestur” og frá Driv, sum guitar­ leikarin Gunnar Olsen eisini hevur verið ein partur av. Sakaris Hansen ella “Saggi” hevur millum annað verið fastur partur í harmonikatúrunum við Norrønu, eisini gomlu Norrønu, sum sangari í bólkinum “Sak”. Árni og Hans Pauli hava eisini verið virknir í dansiumhvørvinum, Árni millum annað í 80’ara bólk­inum “Section” og bólk­ inum “Í-cast” frá 00’unum. Hans Pauli hevur mangan spælt til dans við sínari har­moniku, og hann hevur millum annað ofta verið at hoyrt í Eydnuni, har hann nú aftur skal á pall saman við Norrøna Dansbandi, sum hevði ein rimmar dans á til­ takinum Við Brúnna í fjør. Martin Joensen Norrøna Dansband Stongum & Guttesen Tummas Jóhan Larsen Nicolina av Kamarinum kl. 22.30 kl. 00.15 kl. 19.15 kl. 18.45 kl. 23.45