mánadagur 6. juli 2015síða 60

vika 28 • 6. juli 2015 28 Miðlahúsið Ókeypis lýsingarblað Dragasund KG 2 Humber Hawk í Miðvági við Óla Olsen M eðan Erik hevði Dragasund, fiskaði hann við línu og royndi eftir sild við gørnum. Hann sigldi eisini dúgliga á bretska marknaðin við ísfiski. Í 1950 fór Leif Niclasen, sonur Erik til Eysturgrønlands við Dragasundi. Teir fóru av Klaksvík 1. august og settu fyrstu setuna 9. august. Men tað lá ikki so væl fyri henda túrin. Nógvur ísur, og so vóru hvørki veður ella streymur til vildar. Fimm dagar royndu teir á Kap Danbankanum, har teir fiskaðu seks tons av kalva, eitt sindur av toski og nakrar hákellingar. Teir vóru aftur í Føroyum síðst í august. Í 1959 var Dragasund aftur í Eystur­grønlandi. Hetta var í sambandi við stórslignu fiskiroyndina hjá Kjølbro, tá ið Karin K var móðurskip. Heldur ikki ta ferðina lá fyri. Ísurin rýmdi ongantíð av góðu fiskileiðunum undir Eystur­grønlandi tað summarið. Spell var tað, tí tá ið snørið onkrar løtur varð kastað, var ofta fult av stórum toski. Fleiri bátar komu illa fyri, tí at ísurin skrúvaði seg saman um teir, men hvørja ferð eydnaðist teimum at koma leysir aftur. Teir komu heim aftur í øllum góðum við 170 tonsum av saltfiski. Sylvan Jacobsen og Páll Poulsen, skiparar í Klaksvík, keyptu Dragasund seinnapartin í sekstiárunum, og í 1969 átti Sylvan fiskifarið, sum hann róði út við, einsamallur. Men 2. februar 1988, tá ið teir fóru á Norðhavið við snellu, fór báturin at leka úti á fiskileið. Helst hevur skam­lop verið, tí nú kom eldur eisini í skipið, og hann breiddi seg skjótt. Esther, sum lá nærindis, hevði fingið eitt prei um, at báturin var farin at leka, og nú teir máttu skunda sær í gummi­bátin, var gamla sluppin skjót at taka teir upp. Dragasund brann og sakk hetta sama kvøldið 12 fjórðingar úr Kallinum. Kelda: Fjúrtandi 4. og 5. februar 1993. Mynd: Jógvan Háfjall Erik Niclasen, skipari í Klaksvík, átti henda stóra útróðrarbátin, sum varð smíðaður í Korsør í 1948. Hann var 77 tons og hevði fyrst ein 240 hesta alpha-diesel og síðan ein 280 hesta. Kjølbro reiddi bátin út og átti hann eitt stutt skifti sjálvur Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo B ilurin hesa vikuna er ein Humber Hawk frá 1950 hjá Sigvaldi Hansen í Miðvági, sum sjálvur situr í bilinum. Bilurin hevði Fø 185, var myrkareyður og varð nýttur sum hýruvognur. Humber Hawk vórðu framleiddir í ymiskum modellum frá 1945 til 1967 av Humber Car Company í Onglandi, sum var partur av Rootes Group, ið var ein konsern av enskum bilverksmiðjum, sum framleiddi bilmerkir sum t.d. Hillman, Humber, Singer, Sunbeam og Commer. Í gomlum lýsingum í føroysku bløðunum sæst at eitt tíðarskeið var tað fyritøkan P/F Havgrímur Johannesen í Havn sum seldi Humber. Myndaeigari: Sigvald Hansen Skipssøga bilasøga