mánadagur 13. juli 2015síða 18

Mánadagur 13. juli 2015 · Nr. 79 18 Sosialurin Hugskot og viðmerkingar – send sms til 225000 ítróttur Jóannes Hansen Tvær FM kappingar vórðu av­gjørdar á vestanstevnu í Sandavági leygardagin, har tað gekk sera skjótt og væl at avgreiða kappróðurin. Í fýra kapp­ingum verður tað ikki fyrrenn ólavsøkuaftan – týs­dagin um góðar tvær vikur – at tað verður greitt, hvør vinnur FM í 2015. Fokus á venjingunum Eingin spenningur var leyg­ ar­dagin í Sandavági um sigurin í kappingini millum 10-manna­førini. Tá ið málið var hálvrógvið, legði Klaks­víkingur seg fram­ um Havnarbátin og Drekan Reyða, sum høvdu verið skutin framman­fyri, og so hugdu klaksvíkingar ongan­ tíð aftur um seg. Á mál­ inum var fjarstøðan aftur til Drekan Reyða væl meiri enn ein bátslongd. Janus Dam Jacobsen er bátsformaður á Klaksvíkingi. Hann heldur, at serligu um­ støð­urnar gjørdu sítt: – Tað var ikki frítt, at tað var rennisjógvur. Kanska høvdu vit fleiri royndir í at gagn­nýta renningarnar. Vit royndu at økja tempo nakrar ferðir, og tað riggaði væl. Iva­ leyst hevði tað verið tættari, um umstøðurnar høvdu ver­ ið øðrvísi. Vit kenna okk­um ikki at vera so nógv betri enn hinir, sum úrslitið kundi bent á. Nú ræður um at fáa armar­ nar niður og fokusera á venj­ ingar­nar fram til ólav­søku­ aftan. Hjá okkum verður neyðugt at vera væl trimm­ aðir, um tað skal eydnast at vinna á ólavsøku og harvið at vinna FM, men vit hava gott mót, sigur Janus Dam Jacobsen. Leygardagin var mann­ ingin á Klaksvíkingi tann sama, sum hon var í Fugla­ firði, tá ið Klaks­vík­ingur eisini vann og harvið varð­ veitti FM møguleikan: – Orsaka av arbeiði og øðr­ um umstøðum hava vit verið noyddir at skifta fólk allar tær undanfarnu ferðirnar. Tað sá út til, at tað eisini upp undir ólavsøku fór at verða neyðugt at skifta, men nú vísir tað seg, at manningin verður tann sama á ólavsøku, sum hon hevur verið tvær tær síðstu ferðirnar, sigur báts­formaðurin á Klaks­ víkingi. Meistararnir Tað var í kvinnukappingum, at meistararnir vórðu funnir leygardagin. Firvaldur við gentum og Erla Kongsdóttir við kvinnum hava vunnið allar róðrarnar higartil, og har­við hava hesir bátarnir fult stigatal. Í Sandavági vunnu Firvaldur og Erla Kongs­ dóttir aftur. Erla Kongsdóttir úr Fuglafirði vann eins sann­ før­andi, sum hon hevur gjørt undan­farnu ferðirnar. Onkun­tíð fyrr í summar hevur tíðar­munurin frá Erlu og aftur til næsta bátin, sum hesa­ferð var Ritan, verið størri, men tað sigur einki um, at sigurin ikki var púra tryggur og sera sannførandi. Hetta er triðja FM heitið, sum Erla Kongsdóttir við kvinn­um vinnur til Fugla­ firðar. Hini vóru vunnin í 2010 og 2014. Ritan var sannførandi vinnari av næstfremsta pláss­inum. Harvið stendur púra javnt millum Rituna og Teistan, sum á ólavsøku fara at kapprógva um silvur­krón­ urnar í FM kappingini. Eisini Firvaldur tryggjaði sær FM við sætta sigrinum av seks møguligum. Meðan hinir fimm sigrarnir hava verið heilt sannførandi, so leyp ikki so nógv av í Sanda­ vági. Genturnar úr Klaksvík um­borð á Fípuni Føgru vóru sera raskar og treiskar. Tær góvu Firvaldi ein skarpan gang, men á málinum var mun­urin ein hálv bátslongd ella meiri enn tað. Genturnar hava kappast í 5-mannaførum síðani 2005. Hetta er fyrsta ferðin, at Firvaldur vinnur FM, sum trý tey undanfarnu árini er endað í Fuglafirði – Silja í fjør og Erla Kongsdóttir í 2014 og 2013. Tvørabáturin tætt við Tað lá í luftini, at tað í Sanda­ vági skuldi eydnast Froðbiar sóknar Róðrarfelag at vinna tvey FM heiti. Genturnar á Firvaldi syrgdu fyri tí fyrra. Í næsta róðrinum sá tað eina løtu út til, at Tvørabáturin skuldi vinna næsta FM heitið, men tað gjørdi hann ikki. Tað stemmaði ikki heilt hjá Tvørabátinum, sum ikki var heilt við í startinum, og sum í endaspurtinum ikki hevði marginalarnar við sær. FM vinnarin í fjør, Hvess­ingur, ið sum oftast fyrr í summar hevur verið nummar seks, og sum á varma­keldu­stevnu endaði á fimta plássi, megnaði at vinna, hóast hann ikki var millum teir, ið áttu besta startin. Í tætta endaspurt­ inum var hann frammanfyri Páll Fanga, ið akkurát var undan Tvørabátinum og Smyrli. Tað úrslitið ber við sær, at tað eru sjey stig millum Tvørabátin og Páll Fanga, ið er næstfremstur í FM kapp­ ingini. Um Páll Fangi vinnur á ólavsøku, so skal Tvøra­bát­ urin vinna í minsta lagi eitt stig fyri at verða meist­ari. Sannlíkið, fyri at Tvøra­ báturin ikki verður meistari, kennist at vera lítið og einki. Men nørdar vísa iva­ leyst á støðuna í 2013, tá ið Sølmundur í hesi kapp­ing var fremstur og FM favo­ ritt­ur undan ólavsøku, tá ið hann endaði á áttanda plássi og spældi av við FM heitið. Finalurnar Umframt í kappingini mill­ um 10-mannaførini, har finalu­róður um FM bíðar mill­um Drekan Reyða og Klaks­víking, og har eisini aðrir kunnu gera um seg, so verða tríggjar finalur um FM heitið á ólavsøku: Í kappingini millum 8-manna­førini vendi tað heilt øðrvísi á vestan­stevnu, enn tað gjørdi á varma­ keldustevnu, tá ið Heiða­bát­ urin smurdi Argjabátin av. Hesaferð var tað Argja­bát­ urin, sum sprakk avstað, og tað var ongantíð ivi um, at Argjabáturin fór at vinna. Støðutalvan vísir 39 stig í part, og harvið verður final­ an á ólavsøku. Í kappingini millum 5-manna­førini við dreingjum vísir støðutalvan, at Frúgvin hevur 38 stig, og at Sílið hevur 37 stig. Leygardagin vann Sílið fyri triðju ferð á rað. Hesaferð var sigurin tepr­ari, enn hann hevur verið tvær tær undanfarnu ferð­ir­nar. Tjaldrið megnaði hesa­ferð ikki at blanda seg í kapp­ing­ina um fremsta plássið. Í kappingini millum 6-manna­før við kvinnum vóru tað aftur hesaferð bara tveir luttakarar. Jarnbardur vann greitt á Gongurólvi. Um tað ikki vera fleiri lut­ tak­arar á ólavsøku, og um Jarn­bardur kemur á mál, so verður báturin hjá Róðrar­ felag­num Knørri meistari. joannes@sosialurin.fo Fýra finalur bíða í kappróðrinum inntil á ólavsøku, tá ið tað m. a. verður avgjørt, um tað verður Drekin Reyði ella Klaksvíkingur, sum verður meistari Tað verður hart arbeiði fram til á ólavsøku Vestanstevnuróður kappróður