týsdagur 14. juli 2015síða 4

Mikudagur 15. juli 2015 · Nr. 80 4 Sosialurin Hugskot og viðmerkingar – send sms til 225000 Árni Gregersen Hann er valdur á Løgting fyri Sambandsflokkin síðani 2002, men nú stillar hann ikki uppaftur. Johan Dahl er 55 ára gamal. Síðani 2008 hevur hann verið lands­stýris­mað­ ur, bæði í fiskivinnu­málum og seinni í vinnumálum. – Eg haldi ikki, at eg havi meira at geva. Tí velji eg ikki at stilla uppaftur til komandi val, sigur hann. Longu eftir seinasta val í 2011 segði Johan Dahl, at hetta fór at verða hans­ara sein­asta skeið sum ting­ maður. Tað vísti seg tó, at hann ikki bleiv tingmaður, men helt fram sum lands­stýris­ mað­ur í sam­gonguni, sum var gjørd millum Sam­bands­ flokk­in, Fólka­flokkin og Mið­ flokkin. – Eg havi hug at royna meg aftur í privata vinnu­lív­ inum og skal eg gera tað, so er tað umráðandi, at eg ikki verði ov gamal. Sitið eg eitt valskeið afturat, so verði eg 60 ár, sigur hann. Vinnulívsmaður Johan Dahl er ættaður úr Vági. Upprunaliga er hann út­ búgvin bankamaður, men stutt eftir at hann hevði fing­ið útbúgvingina gjøgd­ ist hann stjóri á Vágs Skipa­ smiðju. Har var hann í átta ár. Samstundis var hann eis­ ini stjóri í fam­ilju­fyri­tøk­uni Á Gørðunum. Eftir tað fór hann til Dan­ markar at arbeiða, men hann var eisini partur av fyritøku í Skotlandi, sum fekst við at selja útgerð til fiskivinnuna. Frá 1996 stóð hann á odda fyri J.Marr Seafoods í Føroyum og har var hann líka til hann var valdur í Løg­ tingið í 2002. Seinni var hann stjóri á virkinum í Kollafirði, sum nú arbeiðir makrel í stóran stíl. Tað var eisini hann, sum stovnaði fyritøkurnar Faro­ mar, Faroe Cold Store saman við A. Marr og A. Sinclair úr Skot­landi. Hann stovnaði eisini saman við beiggja sínum Hans Atla Dahl og øðrum fyri­tøk­una Amplexa Genetics. Ein fyri­tøka, sum ar­beiðir við gen­royndum og gen­analysum í starvs­stov­ um. Politikari Johan Dahl var valdur á ting fyri Sambandsflokkin í 2002. Tá var val eftir at samgongan millum Fólkaflokkin, Tjóð­ veldi, Miðflokkin og Sjálv­ stýris­flokkin slitnaði, tí Tjóð­veldi legði eitt uppskot fram um misálit á Anfinn Kallsberg, løgmann. Valið gav Sambands­flokk­ inum risastóra framgongd og Johan Dahl kom á ting. Hann fekk sess í fíggjarnevndini, uttan­landsnevndini og trivn­ aðarnevndini. Í 2004 var aftur val og eftir tað var ein samgonga skipað millum Javnaðarflokkin, Fólka­flokkin og Sam­bands­ flokkin. Tá var Johan Dashl valdur til landsstýrismann, men tað gingu bert tríggjar vikur, so loysti Jóannes Ejdesgaard hann úr starvi, tí hann ikki hevði álit á honum. Síðani 2008 hevur Johan Dahl verið landsstýrismaður og hann hevur sitið innarlaga í Sambandsflokkinum. Tvær ferðir hevur hann verið í álvarsligum polit­isk­ um illveðri, meðan hann hev­ ur verið lands­stýris­maður. Fyrru ferð var í november 2008, tá ið misálitisuppskot var reist móti honum, sum lands­stýrismanni í sam­bandi við, at hann sum lands­stýris­ maður við vinnumálum lat Smyril Line fíggjarligan ser­ stuðul. Tað var Kári á Rógvi, løg­tings­maður fyri Sjálv­ stýrisflokkin, sum legði upp­ skotið fram, men tað var ongan­tíð sett undir atkvøðu­ greiðslu. Uppskotsstillarin valdi at taka misálitisuppskotið aftur eftir at tað hevði fingið 1. við­gerð. Aftur í 2014 var Johan Dahl, landsstýrismaður, í polit­iskum ódnarveðrið. Hesaferð snúði málið seg um Strandfararskip Lands­ ins. Pengar manglaðu í hjá stóra landsstovninum. Allir andstøðuflokkarnir, Tjóðveldi, Javnaðar­flokk­ urin, Framsókn og Sjálv­ stýris­flokkurin, løgdu saman upp­skotið fram. Misálitið bygdi á eina serliga frágreiðing frá Løg­ tings­grannskoðarunum, har teir millum annað skrivaðu: »Leiðslan á Strand­fara­ skip­um Landsins hevur fleiri ferðir gjøgnum árið 2013 boðað frá, at tað resta 4,8 mió. kr. í játtanini, m.a. tí at spar­ingar, sum ætlanin var at fremja, ikki vórðu settar í verk. Hóast tað, bað lands­ stýris­maðurin í vinnumálum ikki um eykajáttan.« (bls. 2) - »Løgtingsgrannskoðararnir átala hvassliga, at lands­ stýris­maðurin ikki kunnaði Løgtingið ella bað Løgtingið um eykajáttan, hóast hann var vitandi um, at játtanin til stovnin ikki fór at halda.« Uppskotsstillararnir vístu á, at hetta var brot á stýris­ skipanar­lógina eins og tað var brot á lógina um landsins játtanarskipan. Hóast orðingarnar í við­ merkingunum til upp­skotið vóru hvassar, so vóru bert 14 atkvøður fyri uppskotinum, so tað fall burtur. Tað hendir Í síni tíð sum lands­stýris­ maður, hevur Johan Dahl verið í politiskum illveðri, men hann hevur eisini eitt um­dømi, sum ein lands­ stýris­maður, sum fær ting at henda. Sum landsstýrismaður við vinnumálum umboðar hann almenna partin í al­ menn­um partafeløgum og har tað almenna hevur sett pengar í privatar fyritøkur. Tað vil siga tað er hann og hansra aðal­ráð, sum ofta velja nevndar­for­menn og nevnd­ir í stóru almennu mono­pol og monopol­líkn­ andi fyri­tøkunum. Mest eyðsýnda nevndar­ fomrnasskiifti var, tá ið hann valdi Niels Mortensen, stjóra, til formann í nevndini fyri Atlantsflog. Úrslitið var, at nevndin skifti stjóran, sum hevði sitið har í 18 ár, út. Eisiniu á Føroya Tele hevur Johan Dahl gjørt sína ávirkan galdandi. Har skifti hann herfyri so at siga alla nevndina út. Stutt eftir segði stjórin seg úr starvi. Vinnuframagrunnin hev­ ur hann eisini broytt og skift nevnd í. Sum landsstýrismaður hev­ur Johan Dahl havt ali­ vinn­una undir sær. Har hev­ur hann eisini gjørt sína ávirk­an galdandi. Annars hevur hann ar­ beitt við at broyta fleiri vinnu­lógir, men ofta eru tað dansk­ar og altjóða lógir, sum eru gjørdar um til føroyska vinnu­lívið. Johan Dahl veit ikki heilt at siga, hvat hann fer at takast við, tá ið hann leggur frá sær sum politikari: – Sjálvandi hevur ein altíð onkrar ætlanir við lív­inum, men akkurát hvat eg fari at takast við í vinnulívinum dugi eg ikki at siga í dag, sigur Johan Dahl. post@sosialurin.fo Fer úr politikki í privatu vinnuna at royna seg – Eg havi givið tað sum eg kundi, nú eiga onnur at sleppa framat, sigur Johan Dahl, landsstýrismaður, sum gevst í politikki Johan Dahl Savnsmyndir: Álvur Haraldsen