mánadagur 20. juli 2015síða 22

Mánadagur 20. juli 2015 · Nr. 82 22 Sosialurin Hugskot og viðmerkingar – send sms til 225000 ítróttur fótbóltur Fleiri flytingar Flytingargluggin í føroyskum fótbólti er nú latin aftur. Tað vísti seg, at øll feløgini í Effodeildini hava annaðhvørt fingið nýggjar spælarar ella sagt farvæl við spælarar Pætur Albinus Flytingargluggin í før­oysk­ um fótbólti lat aftur á mid­ nátt hóskvøldið, og tað vóru sum vera man fleiri feløg, sum valdu at styrka seg til enda­spurtin í Effodeildini. Nakrar av flytingunum vórðu ikki avgreiddar fyrr enn í evstu løtu, og tað vísir seg, at nøkur nýggj spenn­ andi og enn fleiri gomul kend andlit verða at síggja tey sein­astu 10 umførini í Effo­deildini. Niðanfyri er ein saman­ umtøka hvørjar broyt­ing­ar í teimum ymisku hóp­unum eru gjørdar nú flytingar­ gluggin lat aftur. B36 broyting Hjá meistarunum er ein broyt­ing gjørd í fremstu røð, har Ibrahama Camara ikki fekk fleiri møguleikar og er sendur til Giza/Hoyvík rest­ ina av kappingarárinum. Avloysari hansara verður danski Philip Lund, sum sein­ast hevur spælt við Oklahoma City Energy í USA. Hann er 26 ára gamal og kann spæla á flest øllum teim­um framrættaðu pláss­ unum. Alt bendir á, at hópurin verður breidri nú enn hann hevur verið, tí Rasmus Dan Sørensen er komin aftur til felagið eftir at hava verið útleigaður til EB/Streym. Eis­ini Jónas Tór Næs, sum hev­ur verið skaddur síðani 2. umfar, verður nú við aftur. Tað sama er støðan hjá Alex Mellemgaard, sum er við at koma í snúningar aftur eftir drúgvan skaða í lær­krik­ inum. NSÍ fær veteran Teir í NSÍ hava ikki orðið á sær at útvega sær nógvar spæl­arar aðrastaðni, og tað tykist eisini sum teir klára seg ríkiliga væl við egnum fólki. Í summasteðginum hava teir útvegað sær ein spæl­ara, men tað er ein av teirra egnu, sum vendur heim­aftur. Talan er um veteran­in Christian Høgna Jacobsen, sum eftir summar­ steðgin fer at geva NSÍ-venj­ aranum fleiri møgu­leik­ar at blanda kortini har frammi á vøllinum. Hinvegin hevur NSÍ tikið avgerð um at leiga 19 ára gamla verjuleikaran, Jákup Andrias Gaardbo, til Skála. Jákup Andrias hevur fyri tað mesta spælt á næstbesta lið­num og sitið á beinkinum í Effo­deildini. Páll til Víking Ein av mest eftirspurdu flyt­ ing­unum hesaferð var Páll Mohr Joensen, sum segðist at vera ávegis úr HB til Víking. Einki alment kom frá hvørgum felagi, men tað vísir seg, at Páll Mohr Joensen hevur skrivað undir sáttmála við Víking, sum er galdandi rest­ina av kappingarárinum. Tað sigur Páll Mohr Joensen sjálvur, sum stutt und­an evstamarkið skrivaði und­ir sátt­málan. Aðrastaðni í blað­num kann samrøða lesast við Páll, sum m.a. sigur, at hann at byrja við skal nýtast sum jokari. HB fingið egnar Í HB siga tey væl afturkomin til teir báðar miðvallararnar, Heina Vatnsdal og Rók av Fløtum Jespersen, sum báðir hava verið í Danmark. Heini hevur roynt at finna sær felag niðri, men hetta hevur ikki eydnast, og hann var longu við HB aftur í Europa League-kappingini nú í summarsteðginum. KÍ status quo Støðan er ikki nógv broytt í KÍ, har einans ein mann- fyri-mann broyting er farin fram. Tað er longu nakað av tíð síðani tað gjørdist greitt, av Evrard Blé ikki fór at halda fram í felagnum, og av­loys­arin varð eisini funnin í góðari tíð. Tískil hendi einki í KÍ hetta seinasta kvøldið flyt­ingar­gluggin var opin. Avloysarin er 22 ára gamli Sani Tahir úr Nigeria, sum seinast hevur spælt við Brønshøj í Danmark. TB fingið styrk Tað var gongd í hjá TB sein­ asta dagin undan flytingar­ gluggin lat aftur. Heili tríggir nýggir leikarar vórðu fingnir til felagið, har eini teirra, Hanus Mortensen, tó er væl kendur sum uppvaksin í felag­num og vendir heim­ aftur eftir at hava verið í Danmark. Hinir báðir eru nýggir í føroysku kappingini. Eini teirra er Kofi Appiah, sum er 26 ára gamal og ættðaur úr Ghana. Hann verður lýstur sum kvikur og tekniskt væl fyri. Eisini 19 ára gamli danskt- føroyski Jonas G. Hansen skal spæla við TB rest­ina av kappingarárinum. Hann hevur spælt í Esbjerg í Dan­ mark, men hevur seinast verið útleigaður til Varde. Hann hevur royndir frá donsk­um ungdóms­lands­lið­ um, men nú hevur hann valt Føroyar fram um og hann er í løtuni á føroyska U21-lands­ liðnum. ÍF-leikari heim Tað hevur ikki gingið heilt eftir vild hjá ÍF, sum er á 6. plássi í Effodeildini, men hóp­urin burdi tó verið betri enn so. Tað eru heldur ikki tær stóru broytingarnar, sum eru framdar í summar­ steðg­inum. Einasta broytingin, sum er framd, er at fyrrverandi U21-landsliðsleikarin, Bogi R. Petersen, er komin aftur til felagið eftir at hava verið í Dan­mark. Hann hevur spælt við ÍF seinastu tvey kapp­ingarárini og fer uttan iva at geva ÍF meiri breidd og møgu­leikar á miðvøllinum. Styrkt FCS Í FC Suðuroy munnu tey vera sera fegin um, at Símun Samuelsen er vend­ur heim­ aftur til barndóms­felagið eftir eina misjavna tilveru í HB, har hann eftir drúgvan skaða ikki fann sær vegin aftur til byrjunar­upp­still­ing­ ina og nú hevur lagt leiðina suður aftur til Vágs. John Tordar Poulsen fer seinni í ár av landinum, men hinvegin eru fleiri gamlir kenn­ingar komnir aftur til felagið. Teir eru Teitur Tausen, Ingi Poulsen og Reidar Dahl Joensen.