mánadagur 20. juli 2015síða 28

vika 30 • 20. juli 2015 4 Miðlahúsið Ókeypis lýsingarblað Hanus, Kim og Sámal syngja við Tríggir profilar í føroyskum tónleiki eru komnir á skránna hjá Summar Festivalinum. Tað verður lagt upp til stórar fram­førslur og minniligar syngið- við løtur á Torginum á Summar Festival­inum. Í dag kann Summar Festivalurin kunngera, at Hanus G. Johansen, Sámal Ravnsfjall og Kim Hansen fara at hava framførslur á úti­pall­ inum á Torginum. Hanus G. Johansen spældi á teimum fyrstu tíggju Summar Festival­unum. Í fjør var Hanus ikki við, men nú er hann aftur til reiðar at verða við á landsins størsta tónleikatiltaki. Summar Festival­ urin fegnast stórliga um, at Hanus nú verður viðaftur á festivalinum í hansara heimstaði. Sámal Ravnsfjall hevur luttikið á fleiri Summar Festivalum, og í ár fer hann at seta punktum fyri fríggja­kvøldinum við framførslu á Torginum. Kim Hansen er ein góður vinur hjá Summar Festivalinum, og hann má sum solistur ella tónleik­ ari hava verið við á teimum flestu Summ­ar Festival­unum síðani 2004. Í ár fer Kim Hansen at hava fram­førslu sum solistur á Torginum. Summar Festivalurin verður hildin í døgunum frá 6. til 8. august. Føroyingar og onnur skapa trupulleikar í Barcelona Fólk gloyma passið og seta feriuna í vanda T að er ikki bert millum føroyingar, at Barcelona er blivið eitt tað best umtókta ferðamálið yvir­ høvur. Ferðavinnan í spanska stór­ býnum er vaksin í stórum seinastu árini, og nú eru tey lokalu við at fáa nóg mikið av mongu ferðafólkunum. Nýggi borgarstjórin í Barcelona hevur tikið avgerð um, at eingi nýggj loyvi verða latin til gistingarhús, íbúðir, vallar­heim og privata leigu fyri­bils. Ada Colau lovaði í valstríðnum, at hann skuldi gera nakað við hóp­ferða­ vinnuna í býnum, og fyrsta stigið var at parkera øllum nýggjum umsóknum um loyvi at skipa fyri gisting í býnum. – Vit mugu gera nakað við ferða­ vinnuna, áðrenn vit fullkomiliga missa tamar­haldið á henni, sigur Ada Colau við blaðið El País. Síðani Olympisku leikirnar í 1992 hevur Barelona støðugt ment seg sum ferðavinnubýur, og býurin telist nú millum best umtóktu býir í Europa – eisini føroyingar hava av álvara tikið býin og økið til sín við beinleðis flúgv­ ing­ini úr Føroyum. Í 2013 vóru 7,5 milliónir ferðafólk í Barcelona. Stóri vøksturin av ferða­fólki hevur skapt ónøgd millum summ­ar borgarar í býnum, sum eitt nú hava trupult við at megna prísin á býli í býnum, nú tey skulu kappast við ferða­vinnuna og ferðafólk. Myndugleikarnir í Barelona hava gjørt onkur átøk fyri at avmarka ferða­ vinnuna nakað. Í 2013 var gjald ásett fyri atgongd til Parc Guell, sum er eitt væl umtókt ferðamál, og í apríl í ár varð forboð sett fyri bólkaútferðum til marknaðin La Boqueria. Nú ætlar borgarstjórin í Barcelona at gera eina ætlan fyri ferðavinnuna í bý­num, so hon ikki veksur seg til ein enn størri trupulleika fyri tey lokalu. T að merkist ikki so nógv til tað, men kelendarin sigur, at tað er hásummar. Og tað er á hásumri, at ferðahugurin kemur á føroyingin, og hann leitar sær burtur í onnur lond at ferðast. Men tað eru ikki so fáa, sum seta ferðina í vanda – og sum elva til nógv stríð hjá løgregluni, bara tí at tey gloyma nakað so grundleggjandi, sum at kanna um tey hava eitt gyldugt pass. Løgreglan sigur, at tað er dag og dagliga at fólk ringja og kæra sína neyð, tí tey skulu at ferðast, men at tey ikki hava ansað eftir, at passið er út­gingið, ella er við at ganga út. – Hetta er ein trupulleiki, sum fór at taka seg upp longu í apríl, ella í mai, og so heldur á til summarið er av, sigur løgreglan. Og tað er ofta sama dag, ella dagin fyri, tey skulu at ferðast, og so noyð­ ast tey, sum hava við pass­viður­skifti at gera, at liggja vatnrøtt í luftini at út­vega nýtt pass. Løgreglan minnir tí fólk at at kanna eftir, um passið er gyldugt. Men tey minna eisini á, at tað er ikki nóg mikið at hava eitt gyldugt pass, tí nógv lond seta sum  treyt, at passið skal vera gyldugt í eitt hálvt ár, ella so, eftir at ferðin er enda. Er passið ikki tað, kann tað verða roknað sum ógyld­ugt, og so er líva vítt sum sítt. Løgreglan minnir eisini á, at eisini børn skulu hava pass. Vaksin hava ofta eitt koyrikort, ella okkurt annað, við mynd á, sum eyðmerkir tey, men pass­ið er ofta tað einasta, børn hava við mynd á, og sum kann brúkast at eyð­merkja tey við. Tí eiga børn at hava pass – eisini tá ið farið verður til Dan­ markar, har vaksin oftast hjálpast við eitt koyrikort. T íðarætlanin heldur ikki – men tað er ikki arbeiðsfólkið, sum hevur skyldina. Tað er nú greitt, at tað verður ikki í nógv umrøddu uppihaldstrappuni í Vágsbotni, at fólk sleppa at sita og hugna sær við gittara og sangi á ólav­søku.  Uppihaldstrappan skuldi annars vera partvís liðug, tá ið Voxbotn- tónleikatiltakið var síðst í juni, men tað varð av ongum.  Og trappan skuldi vera heilt liðug á ólavsøku, tá ið hon skuldi vera eitt av stóru savningarstøðunum, men nú er tað eisini greitt, at heldur ikki tað verður av nøkrum.  Og sum støðan er nú, ber ikki til at siga, nær trappan verður liðug. Eingin trappa á ólavsøku Nýggja býarstýrið í Barcelona vil avmarkað innrásina av ferðafólkum í býnum Dag og dagliga ringja fólk til løgregluna og kæra sína neyð, tí passið er útgingið ella við at ganga út