týsdagur 21. juli 2015síða 26

juli 2 Ólavsøkan 2015 Ábyrgd: Eirikur Lindenskov Samskipari: Dagfinn Olsen Blaðfólk: Dagfinn Olsen, Eyðun Klakstein, Rannvá G. Fossaberg, Jóannes Hansen, Barbara Holm, Áki Bertholdsen, Jákup Mørk, Andre Olsen, Dánjal av Rana og Leo Poulsen Myndir: Álvur Haraldsen, Dagfinn Olsen, Sigmar Mørkøre, Páll Hellu o.o. Framleiðsla: Miðlahúsið Prent: Prentmiðstøðin Í fjør var á fyrsta sinni skipað fyri sonevnda Tórsfest kon­ serttiltakinum í sjálvum hjarta­num í Havn sum eitt slag av upphiting ella startskotið til ólavsøkuna. Tiltakið hepnaðist so mikið væl, at fyrireikararnir hava valt at skipa fyri tí aftur í ár, og tað er ikki hissini av kendum tónleikanøvnum, bæði føroysk og útlendsk, sum fara á pallin til ársins Tórsfest, sum verður leygarkvøldið 25. Juli í Niels Winthersgøtu í Havn. Pretty Maids er høvuðsnavnið Størsta navnið á konsertini er ivaleyst danski bólkurin Pretty Maids. Hóast rokkararnir úr Horsens hava 34 ár á baki, so geva teir enn tónleik út, og spæla konsertferðir kring heimin. Og um heiti á seinastu útgávuni ikki lýgur, so eru teir Louder Than Ever, nú teir koma til Føroyar við sínum rokkshowi. Tónleikurin er dynamiskur, melo­ diskur, áhoyraravinarligur harður rokkur, spældur av fimm monnum, ið hava gjørt vælspældan rokk til sítt vørumerki. Teir kava niður í sína lagaskjáttu og blanda nýtt tilfar við gomlum klassikarum, m.a. løg sum Red, Hot & Heavy, Future World og Sin-Decade. Tey stóru hittini eru Please Don´t Leave Me, Little Drops of Heaven og sjálvandi løg av Motherland og nýggjastu útgávuni Louder Than Ever. Hitt útlendska navnið, sum fer á pall á Tórsfest, verður svenski Basshunter, sum hevði eitt risahitt fyri nøkrum árum síðani við kenda lagnum, Boten Anna. Tað besta av tí føroyska Umframt tey bæði útlendsku nøvnini verða fleiri av bestu heimligu tónleikarunum eisini at síggja á palli á Tórsfest. Teirra millum eru eitt nú Byrta, Swangah, Frændur, Sakaris, Hjarnar, SIC og Páll Finnur Páll. Her er sostatt eitt somikið breitt úrval, at her nakað til øll, og til­ samans eiga øll hesi nøvnini eitt ótal av føroyskum landaplágum, sum verða at hoyra á Tórsfest. Tað er tí einki at taka seg aftur í, at aftur í ár er lagt upp til eitt ordans brak mitt í hjartanum av Havnini, tá ið Tórsfest verður á skránni. Tórsfest verður eitt brak Longu komandi verður ársins ólavsøka skotin í gongd, tá ið Tórsfest verður í gongugøtuni í Havn