týsdagur 21. juli 2015síða 28

juli 4 Ólavsøkan 2015 S o var ólavsøkan aftur her, og er tað mær ein stór gleði sum borgarstjóri í høvuðs­ staðnum at kunna bjóða øllum gestum vælkomnum á ólav­ søku – bæði teimum kring landið og teim­um, ið hava leitað sær higar úr øðrum londum. Á ólavsøku seta vit í Havn eina æru í at vísa øllum okkara besta gestablídni. Tey eru so sanniliga mong, ið vilja leita sær til Havnar at halda tjóðar­ hátíð okkara saman við familju, vin­ um og góðum fólki annars. Sum vant, hava vit gjørt okkara besta, so vit eru klár at taka ímóti øllum, ið koma hig­ ar at njóta góða felagsskapin, ið tú bara finnur á ólavsøku, tá alt annað verð­ur lagt til viks, og tað einasta sum telur, er at vera saman og at hava tað gott. Vit hava eftir besta førimuni aftur í ár roynt at skipað fyri eini so góðari og innihaldsríkari ólavsøku, at okkurt skal vera fyri øll og at ongum skal nýtast at keða seg. Ólavsøkuskráin er so fjølbroytt, at allir føroyingar og ólavsøkugestir annars kunnu fáa sum mest burturúr. Har er bæði verðsligt og andaligt í at velja, tiltøk til gamans og álvara, uttandura eins væl og innandura. Nógv í at velja Í tí stóra alheims høpinum kann Havnin óivað í fyrsta umfari tykjast sum ein viðfáningur, men tað er ikki nógv, tú finnur aðrastaðni, sum Havnin ikki hevur at bjóða, og vit royna altíð at gera okkara besta, so gestir­nir einki skulu sakna. Um tað snýr seg um at fáa ein góð­an bita ella at sløkkja tostan, hava vit hópin av møguleikum at bjóða, og tað sama er eisini, tá tað snýr seg um at nøkta mentanarliga tørvin. Her eru fram­sýn­ingar av øllum hugsandi slagi, eins og størri og smærri fram­ førslur, so mentanin hesar dagar kann upplivast í breiðastu merking. Allir teir stóru tættirnir, ið eru við hvørja ferð, eru sjálvandi setanin, kapp­róðurin, útimøtini, kabarettin, skrúð­gongan, gudstænastan, kór­ sang­urin, midnáttarsangurin og ann­ars alt tað, sum hvør í sínum lagi ikki kann vera fyriuttan, tá vit skulu upp­liva ta røttu ólavsøkuna. Fólkaveitsla og hátíð Enn sum áður er ólavsøkan okkara størsta fólkaveitsla, og tí eigur sjálvandi at vera pláss fyri okkum øllum, tí her savnast høgur og lágur. Vit hittast og heilsast og geva okkum stundir til eitt hugnaligt prát, og fáa kanska heilsað upp á onkran, ið vit ikki hava sæð ella frætt frá leingi. So­leiðis kenna vit ólavsøkuna og so­ leiðis eigur hon eisini at vera. Somuleiðis er ólavsøkan okkara stolta tjóðarhátíð, sum á so mangan hátt er bæði øðrvísi og innihaldsríkari enn líknandi hátíðir í øðrum londum. Ikki minst, tí ólavsøkan er hátíðin hjá øllum føroyingum, hóast hon bara verður hildin í høvuðsstaðnum. Av tí sama áliggur serliga okkum í Havnini at vera vertir, men at vit kunnu sleppa at taka ímóti mongu gest­unum ólavsøkudagarnar, er okkum ikki annað enn ein stór gleði, tí vit vilja so fegin vísa øllum gestum okkara størsta blíðskap. Havnin er Havnin hjá øllum føroyingum, og aftur í 2015 er galdandi, at okkara fremsta mál er, at eisini á ólavsøku skulu øll kenna seg heima í Havn..   Hjartaliga vælkomin á ólavsøku!  Heðin Mortensen borgarstjóri Vælkomin á ólavsøku