hósdagur 23. juli 2015síða 6

Fríggjadagur 24. juli 2015 sosialurin 84 6 persónssøga Tað tók mær fleiri ár at viðurkenna fyri mær sjálvum og øllum øðrum, at eg eri samkyndur. Tað var ein tung og hørð tilgongd við happing, isolatión og einum brennandi ynski um at broytast sum menniskja. Hevði eg sum ungur kunnað valt samkyndleikan frá, hevði eg gjørt tað, men í dag eri eg glaður fyri tað, sum mín kynsliga sannføring hevur givið mær sum persónur, sigur Eiler Fagraklett, nevndarlimur í LGBT og aktivistur fyri rættindum hjá samkyndum Eingin velur at verða samkyndur Barbara Holm T á ið flest okkara hugsa um LGBT og áhaldandi stríðið hjá felagsskapinum, renn­ ir stríðsmaðurin Eiler Fagra­klett mangan til hugs. Seinastu árini hevur hann verið ein teirra, sum hevur staðið á odda fyri LGBT og verið røddin hjá samkyndum, tvíkyndum og tvørkyndum í Føroyum. Hann brennir fyri rættindunum hjá hesum samfelagsbólkum, tað er greitt. Og soleiðis er eisini hendan dagin, tá ið Eiler vitjar í Miðlahúsinum til eitt prát um hansara egnu upplivingar sum samkyndur føroyingur. – Altso, eg havi altíð vitað, eg var øðrvísi, er tað fyrsta Eiler sigur, tá ið hann skal seta orð á, nær hann fekk varugan av, at hann ikki hevði somu kynsligu tankar sum meirilutin av øðrum dreingjum. Og visti hann ikki, at hann var øðr­ vísi, so fekk hann tað at vita. Mest av øllum gjøgnum happing. – Eg spældi mest við gentur og hevði gentulig áhugamál. Eg var øðr­ vísi og varð nógv happaður fyri hetta øll míni barna- og ungdómsár, greiður Eiler frá. Hann varð kallaður líkt og ólíkt av sínum javnaldrum, og tað førdi við sær eina isolatión. Hann traðkaði eitt fet aftur og valdi ofta heldur at vera einsamallur enn at spæla við onnur. Tey, sum ikki skiltu, hví hann var øðrvísi. – So byrjar man at leita eftir, hvat tað er, sum er øðrvísi við einum. Tú dettur fram á nógv orð, men tú veit ikki reiðiliga, hvat tað merkir. Hini børnini vistu ikki, hvat tað, tey kallaðu meg, merkti, og tað visti eg fyri so vítt heldur ikki, sigur Eiler. Tað var, sum vera man, tá kyns­ bún­ingin av álvara fór í gongd um 12- 13 ára aldurin, at Eiler varnaðist, hann var øðr­vísi enn hinir dreingirnir. – Eg fann útav, at munurin millum meg og aðrar dreingir var, at eg var ikki seksuelt tiltrektur at kvinnum, sigur Eiler. Mínar lívslongu avbjóðingar og mín kynsliga sannføring ger tað munandi lættari at síggja heimin gjøgnum ymisk eygu – bæði mann­fólka- og konufólkaeygu« Eiler Fagraklett LGBT Framhald á næstu síðu Vanligt verður sagt, at millum 5 - 10% av fólkinum eru samkynd, tvíkynd ella tvørkynd. Tað eru fleiri kanningar gjørdar um hetta í londunum kring okkum, og úrslitini eru ymisk í ymsu londunum, tó flest allar kanningar vísa til eitt tal millum 5 og 10% Mynd: finnur jutsinussen / fotostudio