hósdagur 30. juli 2015síða 6

Fríggjadagur 31. juli 2015 sosialurin 86 6 persónssøga Í 1975 fór ein 19 ára gamli Halldór Hjálmarsson úr Íslandi fyri fyrstu ferð til sjós. Sjóverkið var øgiligt og happingin umborð drepandi. Hevði tað ikki verið fyri føroyingunum Søren og Bjørn hevði Halldór ikki verið á lívi í dag. Eftir fleiri áratíggju av leitan eftir hesum føroyingunum, fekk Halldór fyri nøkrum døgum síðani umsíðir uppklárað, hvørjir hesir føroyingarnir, vóru. Báðir eru teir úr Nólsoy. Fyrr í vikuni vitjaði hann á grøvini hjá einum av teimum báðum monnunum, sum eiga lívið í honum. – Teir eiga lívið í mær Barbara Holm H alldór Hjálmarsson varð borin í heim tann 30. januar í 1955 í Skágafirði. Hann er ein av tíggju systkjum og er uppvaksin á einum bóndagarði. Á bóndagarðinum hjálptist øll at, og Halldór var frá ungum aldri vanur at arbeiða. Tá hann gjørdist 19 ára leitaði hugur hansara tó frá bóndagarðinum og út á havið. Hann ynskti at gerast sjómaður, og fekk tann hepna møguleikan, at fara við Geirfuglinum. Geirfuglurin var ein av 10 skipum í íslendska reiðarínum, og tað var tað besta skipið í felagnum. Hann var fegin um kjansin, men fyrsti túrurin var alt annað enn lættur. – Eg minnist tað sum hart. Har vóru tveir brøður umborð, sum stýrdi øllum. Tann eini var maskinmeistarin, greiður Halldór frá. Tað sæst, at hesin garvaði sjó­ maðurin er merktur av fyrsta túrinum hann hevði afturi í 1975. Minnini standa sterk, og hóast talan bert var um nakrir mánaðir umborð, so hava teir sett síni spor. Spor av happing, ótta og vinalagið fyri lívið. – Tað fyrsta eg lærdi um maskinmeistaran var, tá vit ótu ein av fyrstu døgunum umborð. Har var ein ungur drongur um mín aldur við borðið, men maskinmeistarin vildi ikki lata hann fáa at eta. Hann át einki tann dagin, minnist Halldór. Maskinmeistarin stóð á odda fyri álvarsamari happing, og tá hann fann útav, at Halldór var ringur í sjóverki, so gjørdist hann næsta ofri. – Eg var eitt lætt mál, tí eg var so illa fyri, minnist Halldór. Maskinmeistarin og bróður hansara róptu eftir Halldóri. Søgdu hann var av einari býttari familju og at hann einki nyttaði. "Far í land við tær tín ónytta" søgdu teir ferð eftir ferð. Tað ávirkaði Halldór. Arbeiðið umborð var krevjandi, og teir svóvu so at siga einki meðan teir vóru úti. Telefon var eingin, so Halldór hevði ongan at tosa við um strævnu støðuna. Hann royndi bara at arbeiða og arbeiða og halda seg Maskinmeistarin stóð á odda fyri álvarsamari happing, og tá hann fann útav, at Halldór var ringur í sjóverki, so gjørdist hann næsta offrið Happing Framhald á næstu síðu Mynd: Sigmar Mørkøre