týsdagur 4. august 2015síða 6

Mikudagur 5. august 2015 · Nr. 88 6 Sosialurin Avgjørda høvuðsnavnið á Summar Festivalinum í ár er svenski poppbólkurin Roxette. Bólkurin, sum seint í 1980’unum og í 1990’unum hittaði ferð eftir ferð um allan heimin við sangum sum The Look, It Must Have Been Love, Listen To Your Heart, Sleeping In My Car, Dangerous og fleiri, spælir fríggjakvøldið á Vágsbøi. – Vit hava havt samband við Roxette í fleiri ár, og nú eydnaðist tað at fáa tey til Føroya at spæla. Roxette hev­ur seinasta árið verið á konsertferð um allan heimin, og tá tey vistu av, at tey vóru vælkomin í Føroyum, ynsktu tey at sleppa at spæla á Summar Festivalinum, sigur Erik Biskopstø, sum er ein av fyrireikarunum av Summar Festivalinum. Ein kempari Roxette hevur seinasta árið ferðast víða hvar. Tey hava eitt nú havt fleiri stóra kon­ sertir í Australia, har tey altíð hava havt sera stóra undir­tøkur. Tey hava eisini vitj­að aðrar heimspartar, og í Europa hava tey vitjað land eftir land – stórbý eftir stórbý. Roxette verður sera væl móttikið allastaðni, og um­ mælini hava verið frálík. Onkrir miðlar hava við­ merkt, at annar sangarin í bólkinum, Marie Frede­rik­ sen, situr undir konsert­un­ um, tí hon er ikki so væl fyri at standa. Marie var sjúk av krabbameini fyri nøkrum árum síðani, men kom væl fyri seg aftur, hóast sjúkan var lívshóttandi eitt skifti. – Marie er ein kempari. Hon hevur valt at halda fram við konsertunum, hóast kundi verið heima, og so var einki Roxette. Hon er ein fyri­mynd fyri mong, tí hon stríðist fyri tí, sum henni dám­ar so væl. Hon ynskir veru­liga at syngja og fram­ føra fyri fólki og gera tey glað, og tí taka vit væl ímóti henni her í Føroyum, sigur Erik Biskopstø. Errin Marie Frederiksen hevur fram­vegis ein týðandi leik­lut í framførslunum hjá Roxette. Hon og lívligi med­sang­arin Per Gessle geva sam­an við væl spælandi bólk­inum kvøld eftir kvøld áhoyr­ar­un­ um stórfingnar konsertir. – Vit eru errin av og eyð­ mjúk um, at vit kunnu bjóða føroyingum Roxette. Hetta verður ein heilt ser­stak kon­ sert og ein av størstu løt­ unum í søguni hjá Summ­ ar Festivalinum, sigur Erik Biskopstø. Roxette fer á pallin á Summar Festivalinum fríggja­kvøldið kl. 22.00, og rokn­að verður við, at talan verður um størstu kon­ sert­ina, sum hevur verið á Summ­ar Festivalinum. Fyrireikararnir av Summar Festivalurin fegnast um, at tað umsíðir hevur eydnast at fáa Roxette at spæla á festivalinum Errin av at kunna bjóða Roxette Heita á fólk um at fáa sær armband uppá Heitt verður á fólk, ið ætla sær á Summar Festivalin, um at fáa sær armband upp á áðrenn festivalin Sera nógv fólk ætla sær á Summar Festivalin í ár, og øll atgongu­merki skulu býtast um við eitt persónligt armband, ið verður koyrt upp á handliðið. Summar Festivalurin heitur nú á fólk um at fáa sær armbandið uppá, áðrenn festivalurin byrjar, tí tað fer at lætta um trýstið við inngongdina. Roknast kann við longum bíðirøðum við inn­gongd­ina, um fólk ikki fáa sær armband uppá áðrenn festi­valin. Fram til hósdagin ber til at fáa sær armband uppá á Torginum í SMS, í Telebúðini í Klaksvík, og í deildunum hjá Norðoya Spari­kassa í Klaksvík og Fuglafirði.