týsdagur 27. juli 2004síða 10

18 Nr. 141 - 27. juli 2004 Nýggja taltiltakið hjá Havnar Róðrarfelag opnar dyr fyri møguleikum, sum higartil hava verið fjaldir í arbeiðnum við at skriva um kappróður KAPPRÓÐRAR LEKSIKON Jóannes Hansen Ólavsøkuróðurin er í morgin. Í ólavsøkublaðnum fara vit at taka fepurin í FM kappingini, sum serliga í kappingini millum 10- mannaførini stendur til at bresta. Í hesi greinini er ætlanin at taka táttin uppaftur um róðrarhagtølini, sum Havn- ar Róðrarfelag í síðstu viku legði út á heimasíðu sína, drekin.fo. Hesi vórðu um- rødd í síðstu viku, tá ið tik- ið varð burturúr tíðinda- skrivinum, sum Havnar Róðrarfelag sendi til fjøl- miðlarnar. Men tiltakið er so mikið áhugavert, at tað eigur uppiborið nøkur orð frá einum, sum seinastu 10-15 árini eftir førimuni hevur roynt at gera burturúr kappróðrinum. At tað nú ber til at sláa upp fyri at finna fram til, hvussu tíðirnar hava verið í ymsu kappingunum og á ymsu stevnunum í so mong ár er kollveltandi. Higartil hevur hetta ikki borið til. Róðrarsambandið hevur samvitskufult goymt tíðar- seðlarnar frá øllum róðr- unum. Men tað hevur ikki verið so stór nytta í hesum, tí tað hevur ikki borið til í eini handavend at sláa upp fyri at finna fram til, um nú talan var um met ella ikki. Í fjør hevði Niels Dan West áhugaverdar greinar í Dimmalætting um tøl og tíðir á ymstu stevnunum. At greinarnar kendust áhuga- verdar mundi komast av, at tað hevur verið so lítið av svornum tilfari. Niels Dan West hevði sínar upplýsingar úr bløð- unum. Fyri at finna fram til teir hevði hann gjørt stórt rannsóknararbeiði. Nú hev- ur Havnar Róðrarfelag so, um tað ber til at siga tað soleiðis, loyst trupulleikan so væl, sum tað ber til. Sum vit hava skilt tað, so eru tað Magni Brøðraberg og Gunnar Hansen, sum eru programmørar á Formula, sum hava staðið fyri ar- beiðnum at tasta bestu tíð- irnar í øllum bátastøddum og í øllum kappingum síð- ani 1974, inn, soleiðis at tað nú er rættuliga ómaka- leyst at halda skil á. Magni Brøðraberg greið- ir frá, at hann hevur leingi gingið við hesum ætlanun- um, og nú er tað ein stívur mánaði síðani, at teir tóku seg um reiggj fyri at fáa hetta gjørt. Nógv fólk sótu í einar tvær vikur og tastaðu inn, og úrslitið er fínt. Í staðin fyri at tosa og tosa og vera ósamd um, um tað nú var soleiðis, ella um tað nú ikki var heilt øðrvísi, so ber til beinanvegin at finna fram til røttu tíðina og rætta árið. Øll tey, sum fáast við hagtøl í ítrótti, vita, at talan ofta er um óvissur, og at tað viðhvørt er neyðugt at fara aftur um tølini, og soleiðis hevur tað eisini verið hesa ferð. Viðhvørt hava seðl- arnir hjá RSF ikki verið nóg mikið, og so hevur ver- ið neyðugt at leita í bløðun- um. Magni nevnir sum dømi 1978, tá ið stigatølini í kappingini millum 8- mannaførini ikki passaðu við endaliga FM úrslitið. So varð neyðugt at leita, og tá varð komið fram til, at Norðoyastevnuróðurin varð tikin umaftur, og so gjørdist Kvívíkingur, sum ikki hevði tikið lut í upprunaliga róðrinum í Klaksvik, meist- ari. Elastikk er í Formaðurin í Róðrarsam- bandinum, Hannis Joensen, er sjálvandi fegin um, at tað nú ber til at fylgja betri við, enn tað higartil hevur verið møguleiki fyri. Men Hannis undirstrikar, at met- tíðir í kappróðri skulu tak- ast við øllum fyrivarnum. Hetta er nakað, sum Magni Brøðraberg eisini sigur seg vera fullgreiðan yvir. – Útgerðina, sum vit nú brúka at máta tíðirnar við, hava vit nýtt síðani í 1991. Størsti neyvleikin er, hvussu stórur tíðarmunurin er millum fremsta bátini og so hinar, sigur Hannis Joensen. Tá ið hann skal greiða frá hugtakinum, sum vit nevna elastikk í tølun- um, sigur RSF formaðurin soleiðis: – Útgerðin er soleiðis, at tað ikki er heilt víst, at urini verða sett í gongd í júst somu løtu, tá ið startskotið ljóðar. Tað ger tað í nógv teimum flestu førunum, men tað kann koma fyri, at tað er ein lítil løta frá tí at skotið ljóðar og inntil urini verða sett í gongd. Umframt omanfyri nevnda so vísir Hannis Joensen á tað sama, sum Magni Brøðraberg og hinir handan nýggja tiltakið hjá Havnar Róðrarfelag hava víst á. – Tá ið fasti starturin verður nýttur, mugu vit rokna við, at bátarnir rógva sama teinin. Men tað er so stutt síðani, at fasti starturin gjørdist partur av øllum kappingunum, og tað kem- ur framvegis fyri, at talan er um leysan start, og tá er ikki altíð heilt víst, at talan er um sama tein. Og so eru tað serligu viðurskiftini, sum gera seg galdandi, tá ið talan er um kappróður sammett við aðrar ítróttar- greinir. Her hugsi eg um veður og vind og um streym, ið hava avgerandi týdning fyri, hvussu róðr- arnir og harvið tíðirnar laga seg, sigur Hannis Joensen. Eingin ivi er í, at nýggja tiltakið hjá Havnar Róðrar- felag á heimasíðuni drekin.fo er kollveltandi, og felagið eigur allan heið- ur uppibornan fyri hetta kollveltandi stigið. Hoset á veg til FCK FC Keypmannahavn, sum í fyrsta umfari av superliguni um vikuskiftið, spældi javnt ímóti Silkeborg, er áhugað í norska landsliðsspælaranum Magne Hoset. Sambært norska TV2 fer FCK at keypa 23 ára gamla miðvallarspælaran hjá Molde fyri 9 milliónir krónur. – Eg komi til eitt stórfelag, og Molde fær nógvar pengar fyri meg, er tað einasta, sum Hoset vil siga. Brasil meistari Tað leikaði hart á, at tað ið Brasil mánanáttina vann suðuramerikanska meistaraskapið, Copa America. Finalan var ímóti Argentina, og ikki fyrr enn í yvirtíðini av dystinum, eydnaðist tað Brasil at javna 2-1 leiðsluna hjá Argentina. Brasilsku spælararnar fegnaðust um málið beint frammanfyri beinkinum hjá argentinarunum, og teir teittu vatn eftir teimum brasilsku spælarunum. Dómarin noyddist síðani at fáa hjálp frá løgreglumonnum fyri at fáa tamarhald á støðuni. Finalan endaði við brotssparkskapping, sum Brasil vann. Armstrong vann aftur 32 ára gamli amerikumaðurin Lance Armstrong skrivaði um vikuskiftið súklusøgu, tá ið hann fyri sættu ferð á rað vann Tour de France súkklukappingina. Eingin annar súkklari hevur nakrantíð áður megnað at vinna heimsins harðastu súklukapping seks ferðir, hóast eitt nú nøvn sum Miguel Indurain og Bernard Hinault hava vunnið kappingina fimm ferðir. Schumacher vinnur alt Formel 1 koyrarin Michael Schumacher vann í gjár 11. kappingina í hesum kappingarárinum. Í gjár varð koyrt á Hockenheim-breytini í Týsklandi, og Schumacher var á odda alla tíðina. Michael Schumacher hevur einaferð áður roynt at vinna 11 kappingar sama ár, men hann hevur framvegis møguleika at betra um sítt met. Seksfaldi heimsmeistarin í Formel 1 fær ein kjans til tað í kappingini í Ungarn hálvan august. Bant lissur og fekk skaða Og amerikanska tennisstjørnan, Venus Williams, fekk í gjár skaða, tá ið hon bant sær lissurnar. Venus Williams bant sær lissurnar undan einari hálvfinalu í stórari tennis-kapping í Los Angeles. Tá ið hon reistist, setti hon hondina niður í vøllin til tess at hjálpa sær upp, men av einari ella aðrari orsøk meiddi hon sær hondina av hesum. Williams royndi tó at spæla hálvfinaluna móti landsmanninum Lindsay Davenport, men tað gjørdist tó skjótt greitt, at hon ikki var før fyri at spæla allan dystin, og so gavst hon. Elastikk er í tølunum Nýggi hagtalsgrunnurin hjá Havnar Róðrarfelag letur upp fyri nýggjum møguleikum, tá ið tað snýr seg um skriving um kappróður Mynd: Álvur Haraldsen C M Y K 18 Nr. 141 - 27. juli 2004 19 Runavíkar kommuna søkir eftir Starvsfólki til heim fyri minnisveik fólk Søkt verður eftir: - sjúkrarøktarfrøðingum - heilsurøktarum - heilsuhjálparum Miðað verður eftir at heimið letur upp í septemb- er 2004. Á heiminum er pláss fyri 8 minnisveikum fólkum. Umstøðurnar á heiminum eru góðar og væl egnaðar til fólk ið eru minnisveik. Harumframt liggur heimið í vøkrum náttúrulendi beint við Toftavatn. Endamálið við heiminum er at geva minnis- veikum fólki, við serligum tørvi á umsorgan, eina trygga og stimbrandi tilveru.Vit ynskja starvsfólk sum hevur áhuga og hegni til at vera um minnis- veik fólk. Dentur verður lagdur á góðan moral, etisk virði, positiva menniskjaáskoðan og góð samstarvsevni. Krøv til umsøkjarnar: - hevur prógv og góðkenning sum sjúkrarøktarfrøðingur, almanna- og heilsuatstøðingur ella heilsuhjálpari - hevur áhuga fyri røkt av minnisveikum fólkum - hevur hug og hegni at vera um minnisveik fólk - hevur góð samstarvsevnir - hevur gott yvirlit og megnar at skipa dagin eftir tørvinum hjá búfólkinum - er nýhugsandi og hevur hug og árræði at skipa fyri dagligum virksemi fyri tey minnisveiku Vit kunnu bjóða - Eitt starvsumhvørvi, har tú kanst gera tína áskoðan galdandi og verða við til at - menna umsorgan og røkt - Góða innleiðslu - Undirvísing - Góðar møguleikar til at brúka tíni skapandi og ígongdsetandi evni Eisini verður søkt eftir - fólki til køkin - fólki til reingerð Um ikki nóg nógvir skikkaðir umsøkjarar søkja, verða hjálparfólk sett. Setanartreytir Løn og setanartreytir smb. sáttmála millum við- komandi yrkisfelag og Fíggjarmálaráðið ella Kommunala Arbeiðsgevarafelag Føroya. Nærri fæst at vita um størvini við at tosa við Mai- britt Jacobsen, leiðara á tlf. 448034 ella 509534 Umsókn við avriti av prógvi v.m. skal sendast til: Runavíkar Kommuna Att. Jákup H. Foldbo, sosialdeildarleiðari Heiðavegur 26, Postboks 139 FO-600 Saltangará Umsóknarfreist: Mánadagin 9. august 2004 kl. 12.00 Runavíkar Skúlanevnd Søkt verður eftir lærara til at undirvísa 12 tímar um vikuna alt skúlaárið 2004/2005. Talan er um avlopstímar, og í tímatalvuni eru 12 tímar við dreingjaítrótti. Starvið er lønt samb. sáttmála ímillum Føroya Lærarafelag og Fíggjarmálaráðið. Møguligar umsóknir skulu vera skúlanevndini í hendi í seinasta lagi 1. agusut 2004. Fleiri upplýsingar kunnu fáast við at ringja 447956/217331 ella 449975. f. Runavíkar Skúlanevnd Malan Rasmussen, tlf. 441842 Niðari Vegur · FO-660 Søldarfjørður Skálavíkar skúli Hetta starv er leyst at søkja fyri skúlaárið 2004/05. 1 lærarastarv vegna avlopstímar 9 t/v. Starvið, ið er tíðaravmarkað skúlaárið 2004/05, verður lønt sambart sáttmála millum Føroya Lærarafelag og Fíggjarmálaráðið. Umsóknirnar skulu verða skúlastýrinum í hendi í seinasta lagi 3. august. Skálavíkar skúlastýri v/ Signhild Jacobsen FO-220 Skálavík Tlf. 361996/507362 Stuðulsfólk Almannastovan søkir við hesum eftir stuðuls- fólki. Sum stuðul fært tú eitt sjálvstøðugt og fjølbroytt starv. • Arbeiðið fevnir m.a. um: • Fylgjarauppgávur • Stimbran • Umlætting Størvini eru hesi: Setunarviðurskiftini eru sambært sáttmála mill- um Fíggjarmálastýrið og avvarðandi yrkisfelag í mun til uppgávuna. Nærri fæst at vita við at venda sær til Brek- deildina á tlf.nr. 35 35 10, gerandisdagar millum klokkan 10.00 og 13.00. Umsóknir saman við upplýsingum um útbúgv- ing, royndir og møguligum viðmælum, skulu verða Almannastovuni, J. Broncksgøta 27, Postboks 3096, 110 Tórshavn, í hendi í seinasta lagi 11.08.04 Í umsóknini skal vera tilskilað uppgávu- nummar. Tórshavn 1) – at stuðla og hjálpa eini 13 ára gamlari gentu og fara við henni til ymisk frítíðar- tiltøk. Arbeiðið hjá stuðlinum verður eftir skúlatíð hjá gentuni seinnapartar og kvøld og fer arbeiði m.a. fram í Bridghúsinum, ið er eitt tilhaldsstað fyri stuðulsfólk og børn. Tímatalið er 20 tímar um vikuna, játtanin er fyribils galdandi til 31.12.04 2) - at stuðla og hjálpa eini 12 ára gamlari gentu og fara við henni til ymisk frítíðar- tiltøk. Arbeiðið hjá stuðlinum verður aftaná skúlatíð hjá gentuni og fer arbeiði m.a. fram í Bridghúsinum, ið er eitt tilhaldsstað fyri stuðulsfólk og børn. Tímatalið er 25 tímar um vikuna, játtanin er fyribils galdandi til 31.12.04 Eysturoy 3) - at stuðla og hjálpa einum 8 ára gomlum drongi í samskiftinum við onnur børn, stimbra honum við venjingum og spæli, einsamøllum og saman við øðrum. Arbeiðið hjá stuðlinum verður aftaná skúlatíð hjá dronginum, í Frítíðaransingini á Skála. Fyrimunur er, um umsøkjarin dugir ella kennir til Tekn til Talu Tímatalið er 25 tímar um vikuna, játtanin er fyribils galdandi til 31.12.04 Norðoyggjar 4) - at stuðla, hjálpa og fara við eini 15 ára gamlari gentu til ymisk frítíðartiltøk. Arbeiðstíðin er skiftandi dag-kvøld og okkurt vikuskifti. Tímatalið er 12 tímar um vikuna, játtanin er fyribils galdandi til 31.12.04 Jørð í Porkeri til sølu 4 gyllin 10 skinn, heimari partur, matr. 242. Innangarðs vídd 4696 fermetrar. Eitt traðarstykki, matr. 211, vídd 8529 fermetrar. Verður selt, um hóskandi boð fæst. Tlf. 211278 19