mánadagur 24. august 2015síða 4

Mánadagur 24. august 2015 · Nr. 96 4 Sosialurin Hugskot og viðmerkingar – send sms til 225000 Áki Bertholdsen – Eg vil ikki síggja teir longur í Føroyum. Kaj Leo Holm Johanne­ sen, løgmaður, er vorðin móð­ur og troyttur av virk­ sem­inum hjá Sea Shepherd í Føroyum. Og nú er tað komið har til, at hann vil hava tey útihýst úr Føroyum. Tí hevur hann nú tikið stig til at tveita felagsskapin av landinum og at banna teimum at vera her. Í hesum sambandi hevur hann biðið umsitingina í landsstýrinum kanna um tað ber til at banna skipum hjá Sea Shepherd at koma inn í okkara sjóøki yvirhøvur. Hann væntar, at umsit­ ingin verður liðug við eina út­greining um nakrar dagar. Kaj Leo Holm Johannesen sigur, at samstundis eru danskir myndugleikar eisini farnir at gera sínar metingar av málinum. Løgmaður sigur, at tá ið útgreiningin hjá umsitingini er liðug, fer hann eisini at seta seg í samband við danska forsætismálaráðharran um spurningin. Og løgmaður staðfestir, at hava vit heimild at banna skipum hjá Sea Shepherd at koma inn í okkara sjóøki, verður tað gjørt. Hann sigur, at einasta forð­ingin kann vera, at al­ tjóðar sáttmálar, Føroyar hava bundið seg til at halda, gera, at vit ikki kunnu banna teimum. Hetta er ein fløktur spurn­ingur og eitt, sum hev­ur týdning, er, hvussu skipini hjá Sea Shepherd eru skrásett o.s.fr. Men løgmaður legg­ur afturat, at verður niður­støð­ an tann, at vit hava heimild at banna teimum, er ikki vist, at tað er eitt mál, sum skal leggjast fyri Løgtingið, tí so kunnu myndugleikarnir bara gera tað – og so verður tað gjørt. Kaj Leo Holm Johannesen sigur, at tað er serliga eftir seinstu grindina í Sandavági, at hann er komin til ta niður­ støðu, at Sea Shepherd skal bannast í Føroyum, ber tað til eftir altjóða sáttmálum. Tá løgdu limir hjá felags­ skapinum beinleiðis upp í raksturin við skjóttgangandi báti og støðan var so spent, at síðani hava nógv ført fram, at tað var eitt undur, at eingin mannskaði hendi. Løgreglan og lands­stýr­ ið hava havt fleiri eftir­met­ ingarfundir í samband við fram­ferðina hjá Sea Shep­ herd í Føroyum. Hann sigur, at eisini eftir grindina í Sandavági var ein eftirmetingarfundur, og at tað var eftir tann fundin, at hann gav hann umsitingini boð um at kanna um tað ikki ber til at nokta skipum og bátum hjá Sea Shepherd at koma til Føroya yvirhøvur. Full semja Løgmaður sigur, at hann hevur so ilt við at góðtaka virksemið hjá Sea Shepherd longur, at hann nú vil hava tey av landinum. – Eg vil ikki síggja tey longur og eg eri troyttur av hesum sirkussinum hjá teimum Og tað er hann ikki einsa­ mallur um. Á nógvum av teim­um valfundum, sum hava verið kring landið, er spurningurin um Sea Shep­ herd drigin fram. Og har hava øll valevni, bæði høg og lág, verið púra samd um, at ber tað til at banna Sea Shepherd í Føroyum, skal tað gerast. Umsitingin í landsstýrinum kannar nú, um tað ber til at banna skipum hjá Sea Shepherd í Føroyum SEA SHEPHERD Grindalógin viðgerast av nýggjum Spurningurin er um atfinngingarnar skulu takast til eftirtektar Áki Bertholdsen Grindalógin skal viðgerast av nýggjum. Tað heldur Kaj Leo Holm Johannesen, løgmaður. Sum tað sæst í hinari greinini her á síðuni, eru stig tikin til at bannað bát­um og skipum hjá sea Shepherd at koma inn í okkara sjóøki yvirhøvur. Men samstundis heldur løgmaður eisini, at grinda­ lógin eigur at verða eftir­ mett. Hann hugsar serliga um tann partin av lógini, har tað stendur, at øll, sum síggja eina grind, hava skyldu at boða frá, annars kunnu tey fáa 25.000 krónur í bót. Hetta hevur vakt ans víða hvar, eisini í stórum, út­ lendskum miðlum, og sam­ stundis hevur ferðavinnan í Føroyum víst á, at hetta er ein trupulleiki, sum kann seta fót fyri eini føroyskari ferðavinnu. Løgmaður heldur, at sum heild hevur grindalógin rigg­að væl. Men nettupp part­urin viðvíkjandi fráboð­ anarskylduni eigur at verða eftirmettur, sigur hann. Men tað verður ikki gjørt nú. Hinvegin ivast hann ikki í, at hetta verður eitt tað fyrsta, ein nýggja sam­gonga eftir valið næsta týsdag, fer at gera. LØGMAÐUR VIL BLAKA SEA SHEPHERD AV LANDINUM Her hevur tríkiljan hjá Sea Shepherd, Brigitte Bardot, lagt at á Sundi, men gongst sum ætlað, verður hon nú rikin úr føroyskum sjóøki, saman við øllum øðrum skipum og bátum hjá felagsskapinum