hósdagur 27. august 2015síða 23

FRÍGGJADAGUR 28. AUGUST 2015 SOSIALURIN 98 23 Napoleon á Neystabø varð føddur í Haldórsvík tann 22. august 1925. Pápin var Kristian Johansen, van­ liga nevndur Kristian á Neysta­bø, og mamman Andrea Andreas­sen úr Pálsstovu. Nú Poli fyllir níti vil eg fegin bera honum eina føð­ing­ardagsheilsan. Poli er tann fimti av ellivu systkj­ um – Kalla sála, Mikka sála, Pidda sála, Johannes Álv­heygg, og so kom Poli, eftir hann Henning, Hansa, Vilhelmina, Óluva, Mia og Pouliver. Ein fantastiskur systkina­hópur. Altíð glað, væl nøgd, hittinorðað og hjálp­som. Fjúrtan ára gamal fór Poli til skips við sluppini »Nor­manner« á silda­ fiskarí til Ís­lands. Pápabeiggin Hans Jacop var maskinmeistari, so hann var í tryggum hondum. Túrarnir vardu 2 til 3 mán­að­ir, so hóast lætt­ sintur, lærdi Poli tíðliga, at einki kem­ ur av sær sjálvum. Í 1940 brast kríggið á, meðan teir vóru í Íslandi. Tað var ikki lætt at fáa arbeiði í Føroyum alt árið, og sum so mangir, leitaði Poli sær til Íslands at arbeiða undir krígnum. Teir fóru yvir um várið við »Dronningini«, og komu aft­ur til Føroyar á heysti. Poli fekk saman við pápa sínum Kristjani á Neystabø gott eyga á einum deksbáti á Akranesi í Íslandi. Tað var báturin »Høfringur«, sum teir báðir feðgarnir gjørdu av at keypa í 1947. Hetta var ein stór avgerð. Men tað gjørdist eitt feigdarkeyp. Feigdarferð Ferðin heim til Føroyar við ný­keypta bátinum gekst væl, og komnir í Eiðisflógva fóru teir at rigga bátin til, so hann kundi vera snotiligur at vísa fram fyri familju og bygdarfólki. Tá ið pápin var liðugur, fór hann at hyggja, hvussu nær, teir vóru komn­ir. Tað var eitt sindur gjálvut, og báturin fekk ein sjógv, sum varð so mikið krappur, at hann fór fyri borð. Umborð royndu teir at bera skjótt at, og at venda bát­in­um. Striltið gekst at koma nóg nær. Og í skundi varð lína gjørd á Pola, so at hann kundu leypa í havið eftir pápa sínum. Og hann leyp. Men ov seint var. Poli fekk akkurát fatur á pápa sínum, áðrenn hann sakk. Teir fingu hann innanborða aftur. Men hóast teir gjørdu alt, sum stóð í teirra makt at fáa lív aftur í pápan, so eydn­aðist tað ikki. Pápi Pola varð sligin út og drukn­aður. Tað var ein tungur túrur fyrst til Eiðis og síðani til Víkar við deyða páp­ anum á dekk­inum. Í Vík var øll bygdin á kaiini saman við einkjuni Andreu og teimum 10 systkinunum hjá Pola. Tann yngsti var ein­ans trý ár. Poli bar pápa sín í land. Tað varð stór sorg í tí lítla hús­ in­um, har tað ann­ars altíð var sangur og látur, sum eyðkendi bæði ger­andis­ dagin, og systkinini øll. Hjá einkju við so nógvum børnum var tað ikki so lætt at fáa endarnar at røkka. Lut­ur­in hjá Pola lá heldur ikki eftir, í royndini at fáa tað at bera til. Sum vera man varð »Høfringur« skjótt seldur. Undir navninum »Barskor« var hann útróðrarbátur í Klaks­vík í mong ár, og seinni strand­ fara­skip í Norður­oyggj­um. Poli giftist Katrinu Grá­stein úr Vík. Og tey fingu tvey børn Kristj­ an og Maritu. Í 1954 byrjaði hans­ara drúgva starvstíð í Før­oy­inga­havn­ini. Hvørt vár varð farið av land­in­um, og um heystið komu teir heim aftur. Poli førdi stóra kranan í Før­oyinga­ havnini. Og tað kemur fyri, at Poli rættiliga fer at greiða frá lívinum í Føroyingahavnini. Tað var eitt hart og kontant lív. Men tað vóru eisini skemtiligar løt­ur, hóast tað fyri tað mesta var hart arbeiði og lítil svøvn­ ur. Fram til 1957 búðu Poli og Katrina í Vík, tá ið tey fluttu til Havnar. Tey fyrstu árini í Havn búðu tey á Hoy­ víks­vegnum, men seinni keyptu tey hús í Lucas Debesargøtu. Um vetrarnar arbeiddi Poli hjá Peturi í Gong. Hann boraði og sprongdi, t.d. á Peter Head og í Eystur­ bý­num. Og tá ið Poli gavst í Før­ oyinga­havnini, fór hann at arbeiða sum jarnbindari hjá Phil og Søn, tá ið teir bygdu molan. Tað tók umleið tvey ár at byggja molan. Í 1974 fór Poli at arbeiða sum ar­ beiðsmaður á Telefon­verkinum. Og her arbeiddi hann í 18 ár, til hann í 1992 varð pensioneraður 67 ára gamal. Tá var aftur kreppa í Føroyum, og eingin yvir 67 ár slapp at vera longur á arbeiðsmarknaðinum, sjálvt um Poli væl kundi hugsað sær at arbeitt í fleiri ár aftur­at. Tað eru helst mong sum minnast hann við keppinum á skrá, grava káplar og veitir fyri støðina, sum hann altíð kallar telefonverkið. Í 1971 hitti eg fyri fyrstu ferð Pola, verfaðir, og Katrinu ver­móðir. Og bleiv tað til eitt lív­langt vina­lag. Tey hava havt ómeta­lig­an týdn­ing fyri okk­um og fyri okk­ara børn. Og tey hava altíð verið har fyri tey og fyri okkum. Ikki meira enn hálvtalað orð, so er upp­gáv­an avgreidd, skjótari enn vit onnur fáa í lag. Katrina starvaðist sum seymikona á Barna­heim­in­um í mong ár, har hon eisini virkaði sum hollur stuðul hjá mongum børnum og ungum. Hon andaðist í 2006 eftir drúgva sjúkra­ legu. Og tað neit fast hjá Pola, og hevur saknurin verið stórur. Tað er rørandi at eygleiða, hvussu góður Poli er við síni fimm abbabørn og sjey lang­abbabørn. Og hvussu væl hann fylgir við í lívinum hjá okkum øllum, sum hann varð­ar av. Poli er frískur og heldur hús sjálv­ ur. Hóast níti, so eru tað enn knotur í honum, og tað kemur meira enn so fyri, at hann fer eftir spaka og kráku­ nevi. Nú fækkast í mannaskara av teim­um, sum fóru til skips 13-14 ára gamlir, og sum arbeiddu hart krops­ ligt arbeiði alt lívið. Teir fluttu førningin langt fram á leið – ein teirra er Napoleon á Neystabø. Hjartaliga tillukku á tín­um níti ára føðingardegi. Helena Napoleon á Neystabø níti 70 ára føðingardagur 4. sept. fyllir Jannvá Hansen, Hal­ dórsvík, 70 ár. Dagurin verð­ur hildin í Avhaldshúsinum leygar­ dagin 5. sept. frá kl 18. Øll eru hjarta­liga vælkomin. Tey, ið ynskja at halda dagin saman við okkum, kunnu siga frá hjá Winnie tlf 222583 ella Lindu tlf 222877 innan 1. sept. 80 ára føðingardagur Sunnudagin 13. september fyllir Signy Axelsdóttur 80 ár. Dagurin verður hildin leygardagin 12. september í húsunum hjá Vágs Matmøðrafelag, Toftavegur 67, frá kl. 14. Øll eru vælkomin. 80 ára føðingardagur Leygardagin 5. sept, verður Magda Poulsen, Porkeri 80 ár. Dagurin verður hildin heima frá kl 10.00 til 14.00 Øll eru hjartaliga vælkomin. 70 ára føðingardagur Tað er við gleði, at eg bjóði familju, vinum og kenningum í mín 70 ára føðingardag. Dagurin verður hildin í Dansifrøi leygardagin 5 septembur frá kl 17. Øll eru hjartaliga vælkomin Ian Rasmussen 90 ára føðingardagur Týsdagin 1. sept. fyllir Poul Daniel­ sen, snikkari, Tórshavn, 90 ár. Tey, sum vilja heilsa uppá Poul, eru vælkomin á Skúlaheimið í Markna­ gili leygardagin 5. sept. millum kl. 14.00 og 17.00 60 ára føðingardagur Leygardagin 5. septembur haldi eg 60 ára føðingardag í Bygdarhúsinum í Leirvík. Tað hevði glett meg at sæð ætt, vinir og kenningar frá kl 19:30. Vinarliga Símun Jóhan Samuelsen